பெரம்பலூர் மாவட்டம் ஆலத்தூர் அருகே உள்ள கூத்தனூர் கிராமத்தில் அரசு ஏலம் விடப்படாத வெள்ளி மலை கல்குவாரி இயங்கி வருகிறது. இந்த கல் குவாரியிலிருந்து தனியார் கிரஷர் கம்பெனிகளைச் சேர்ந்தோர் திருட்டுத்தனமாக கற்களை வெட்டி எடுத்துச் செல்வதாக கூறப்படுகிறது.
அரிவளால் வெட்டு வாங்கிய இளைஞர்
இதை கூத்தனூர் கிராம பொதுமக்கள் தட்டிக் கேட்டுள்ளனர். இதில் கூத்தனூர் கிராமத்தைச் சேர்ந்த பாக்கியராஜ் என்பவரை ரவுடிகள் ஓட, ஓட விரட்டி அரிவாளலால் வெட்டி கொலை செய்ய முயற்சித்துள்ளனர். இதில் பாக்கியராஜ் தலையில் பலத்த காயம் ஏற்பட்டது.
உயிருக்கு ஆபத்தனான நிலையில் அவரை மக்கள் பெரம்பலூர் அரசு மருத்துவமனையில் சிகிச்சைக்காக அனுமதித்துள்ளனர். இச்சம்பவத்தால் அப்பகுதியில் பரபரப்பு ஏற்பட்டது.
