திமுக மருத்துவரணி சார்பில் நிலவேம்புக் குடிநீர் வழங்கும் முகாம்!

பெரம்பலூர்: திமுக மருத்துவரணி சார்பில் நடைபெற்ற நிலவேம்புக் குடிநீர் வழங்கும் முகாமினை நீலகிரி மக்களவை உறுப்பினரும் முன்னாள் மத்திய அமைச்சருமான ஆ. ராசா தொடங்கி வைத்தார்.

தமிழ்நாடு முழுவதும் டெங்கு காய்ச்சல் வேகமாக பரவிவருகிறது. டெங்கு காய்ச்சலால் பாதிக்கப்பட்டு பலரும் உயிரிழந்துள்ளனர். இந்தச் சூழ்நிலையில் டெங்குவைத் தடுக்கும் முன்னெச்சரிக்கையாக மக்களுக்கு ஆங்காங்கே நிலவேம்புக் குடிநீர் வழங்கப்படுகிறது.

அதுபோல திமுக மருத்துவரணி சார்பிலும் நிலவேம்புக் குடிநீர் வழங்கும் முகாம் பெரம்பலூரில் நடைபெற்றது. பழைய பேருந்து நிலையம் அருகில் நடைபெற்ற இந்த நிகழ்வினை நீலகிரி மக்களவை உறுப்பினரும் முன்னாள் மத்திய அமைச்சருமான ஆ. ராசா தொடங்கி வைத்தார்.

இதில் திமுக நிர்வாகிகள் பலரும் கலந்துகொண்டு மக்களுக்கு நிலவேம்புக் குடிநீரை வழங்கினர்.

இதையும் படிங்க: 'படையப்பா இன்னும் பல சாதனைகளை படையப்பா' - தமிழிசையின் மாஸ் ட்வீட்!