வங்கக் கடலில் உருவாகியுள்ள 'புரெவி' புயல் காரணமாக தமிழ்நாட்டின் தென்மாவட்டங்களில் கனமழை பெய்ய வாய்ப்பு உள்ளதாக வானிலை மையம் எச்சரிக்கை விடுத்துள்ளது.
இதனைத்தொடர்ந்து புரெவி புயல் மீட்பு நடவடிக்கைக்காக தேசிய பேரிடர் மற்றும் மீட்பு படையை சேர்ந்த 20 பேரை கொண்ட 2 குழுவினர் நாகர்கோவிலுக்கு வந்துள்ளனர்.
இவர்கள் நவீன மீட்புப் படகுகள், உபகரணங்களுடன் தயார் நிலையில் தனியார் கல்லூரியில் தங்கியுள்ளனர்.
தமிழ்நாட்டிற்கு 19 குழுவினரும் கேரளாவிற்கு 2 குழுவினரும் உள்ள நிலையில், தேவைக்கு ஏற்ப கன்னியாகுமரி மாவட்டத்திற்கு கூடுதல் குழுவினர்கள் வருவார்கள் என தேசிய பேரிடர் மீட்பு படையினர் தெரிவித்துள்ளனர்.
