பிரதமர் நரேந்திர மோடி நாளை (செப். 17) தனது 70ஆவது பிறந்தநாளை கொண்டாடவுள்ளார். இதனை முன்னிட்டு கோவை மாவட்ட ரெயின்போ காலனி பாஜகவினர் 70 கிலோ எடையுள்ள லட்டை தயாரித்து கோயிலில் வழிபட முடிவு செய்தனர். இதற்காக ரெயின்போ காலனி பகுதியில் உள்ள சிவன் காமாட்சி அம்மன் கோயிலுக்கு 70 கிலோ எடை உள்ள லட்டை மேளதாளத்துடன் ஊர்வலமாக எடுத்துவந்தனர்.
மேலும், பிரதமர் மோடி பூரண நலமுடன் இந்த நாட்டை ஆள வேண்டுமென வேண்டி தயாரித்த 70 கிலோ எடையுள்ள லட்டை கோயிலுக்கு வரும் பக்தர்களுக்கு பிரசாதமாக வழங்கினர்.
வழிகாட்டு நெறிமுறைகளைக் கடைப்பிடிக்காமல் பாஜகவினர் கோயிலில் வழிபாடு
ஆனால், இந்த நிகழ்வில் கலந்துகொண்ட எவரும் முகக்கவசம், தகுந்த இடைவெளி உள்ளிட்ட மத்திய சுகாதார அமைச்சகத்தின் வழிகாட்டு நெறிமுறைகளைக் கடைப்பிடிக்காமல், நோய்த்தொற்று பரப்பும் வகையில் இருந்துள்ளதாக பலர் குற்றம் சாட்டினர்.
