தமிழ்நாடு முழுவதும் கரோனா வைரசின் தாக்கம் நாளுக்கு நாள் தீவிரமடைந்துவருகிறது. இதனைக் கட்டுப்படுத்தும் நோக்கில் மாநில அரசு பல்வேறு நடவடிக்கைகளை மேற்கொண்டுவருகிறது. சென்னையில் தண்டையார்பேட்டை, திரு.வி.க. நகர், அண்ணா நகர் ஆகிய மண்டலங்களில் தொற்று அதிகமாகப் பரவிவருகிறது. இருப்பினும், குணமடைந்தோரின் விழுக்காடு அதற்குச் சரிசமமாக உள்ளது.
பரவலைக் குறைப்பதற்காக மாநகராட்சியும் சுகாதாரத் துறையும் இணைந்து 15 மண்டலங்களிலும் மருத்துவ முகாம்கள் நடத்துவது, கபசுரக் குடிநீர் பாக்கெட்டுகள் வழங்குவது, முகக்கவசம் வழங்குவது போன்ற பல்வேறு நடவடிக்கைகளை மேற்கொண்டுவருகின்றன. இந்நிலையில், எத்தனை மருத்துவ முகாம்கள் நடைபெற்றுள்ளன என்ற விவரத்தை மாநகராட்சி வெளியிட்டுள்ளது.
மே 8 - ஜூலை30 வரை நடைபெற்ற மருத்துவ முகாம்கள் எண்ணிக்கை பின்வருமாறு:
திரு.வி.க. நகர் - 2,371
வளசரவாக்கம் - 1,579
தண்டையார்பேட்டை - 1,986
தேனாம்பேட்டை - 2,403
அம்பத்தூர் - 1,469
கோடம்பாக்கம் - 2,240
திருவொற்றியூர் - 950
அடையாறு - 1,751
அண்ணா நகர் - 2,647
மாதவரம் - 686
மணலி - 426
சோழிங்கநல்லூர் - 1,315
பெருங்குடி - 1,302
ஆலந்தூர் - 1,467
மொத்தம் 25 ஆயிரத்து 185 மருத்துவ முகாம்கள் நடைபெற்றுள்ளன. அதில் 14 லட்சத்து 77 ஆயிரத்து 75 நபர்கள் பரிசோதிக்கப்பட்டுள்ளனர்.
