ராணி லட்சுமி பாய் மத்திய வேளாண் பல்கலைக்கழக கட்டடங்களை பிரதமர் மோடி இன்று (ஆக.29) திறந்து வைக்கவுள்ளார்
ராணி லட்சுமி பாய் மத்திய வேளாண் பல்கலைக்கழகத்தின் கல்லூரி மற்றும் நிர்வாக கட்டடங்களை பிரதமர் மோடி இன்று 12.30 மணியளவில் காணொலி அழைப்பின் மூலம் திறந்து வைக்க இருக்கிறார். இந்த நிகழ்வின்போது அக்கல்லூரி மாணவர்களுடனும் மோடி உரையாற்ற உள்ளார்.
செப்டம்பர் மாத ரேஷன் பொருள்கள் வழங்க இன்று முதல் டோக்கன் விநியோகம்
தமிழ்நாட்டில் செப்டம்பர் மாதம் வழங்க வேண்டிய ரேஷன் பொருள்களுக்கான டோக்கன் விநியோகம் இன்றிலிருந்து (ஆக.29) செய்யப்படும் என நுகர்பொருள் வாணிபக் கழகம் தெரிவித்துள்ளது.
தமிழ்நாட்டில் இ-பாஸ் ரத்து குறித்து இறுதி முடிவு
தமிழ்நாட்டில் இ-பாஸ் ரத்து குறித்து இறுதி முடிவு எடுக்க முதலமைச்சர் எடப்பாடி பழனிசாமி இன்று ஆலோசனை நடத்த உள்ளார்.
நாகப்பட்டினம் வேளாங்கண்ணி புனித ஆரோக்கிய அன்னை ஆலய ஆண்டுத் திருவிழா
நாகப்பட்டினம் வேளாங்கண்ணி புனித ஆரோக்கிய அன்னை ஆலய ஆண்டுத் திருவிழா இன்று கொடியேற்றத்துடன் தொடங்க உள்ளது. ஊரடங்கு காரணமாக பக்தர்கள் பங்கேற்க அனுமதி இல்லை என்று தேவாலயம் அறிவித்துள்ளது.
ஹோட்டல் மேலாண்மை படிப்புகளுக்கான நுழைவுத்தோ்வு
ஹோட்டல் மேலாண்மைப் படிப்புகளுக்கான நுழைவுத்தோ்வு (என்சிஹெச்எம் ஜேஇஇ) இன்று நடைபெற உள்ளது.
