மக்கள் நல்வாழ்வு துறை இன்று வெளியிட்டுள்ள புள்ளி விவர தகவலில், "தமிழ்நாட்டில், புதிதாக 52 ஆயிரத்து 276 பேருக்கு ஆர்டிபிசிஆர் பரிசோதனை மேற்கொள்ளப்பட்டது. இதன் மூலம் 503 பேர் கரோனா தொற்றினால் பாதிக்கப்பட்டுள்ளனர் என்பது கண்டறியப்பட்டது.
தமிழ்நாட்டில், இதுவரை ஒரு கோடியே 55 லட்சத்து 49 ஆயிரத்து 828 பேருக்கு ஆர்டிபிசிஆர் பரிசோதனை மேற்கொள்ளப்பட்டது. அதில், 8 லட்சத்து 36 ஆயிரத்து 818 பேர் கரோனா தொற்றால் பாதிக்கப்பட்டிருந்தனர் என்பது தெரியவந்தது. அவர்களில், தற்போது மருத்துவமனைகள், தனிமைப்படுத்தும் மையங்களில் 4 ஆயிரத்து 629 பேர் சிகிச்சை பெற்று வருகின்றனர்.
இதில், பூரண குணமடைந்த 544 பேர் இன்று (ஜன.28) வீட்டிற்கு அனுப்பி வைக்கப்பட்டுள்ளனர். இதனால், குணமடைந்தவர்களின் எண்ணிக்கை 8 லட்சத்து 19 ஆயிரத்து 850 ஆக உயர்ந்துள்ளது. சிகிச்சைப் பலனின்றி அரசு மருத்துவமனையில் 3 நோயாளிகளும், தனியார் மருத்துவ மனையில் 3 நோயாளிகளும் என 6 பேர் உயிரிழந்துள்ளனர். இதனால் உயிரிழந்தவர்களின் எண்ணிக்கை 12 ஆயிரத்து 339 ஆக உயர்ந்துள்ளது.
மாவட்ட வாரியாக மொத்த பாதிப்பு
சென்னை - 2 லட்சத்து 30 ஆயிரத்து 834 பேர்
கோயம்புத்தூர்- 54 ஆயிரத்து 225 பேர்
செங்கல்பட்டு - 51 ஆயிரத்து 409 பேர்
திருவள்ளூர் - 43 ஆயிரத்து 486 பேர்
சேலம்- 32 ஆயிரத்து 363 பேர்
காஞ்சிபுரம் - 29 ஆயிரத்து 221 பேர்
கடலூர் - 24 ஆயிரத்து 910 பேர்
மதுரை - 20 ஆயிரத்து 966 பேர்
வேலூர்- 20 ஆயிரத்து 694 பேர்
திருவண்ணாமலை- 19 ஆயிரத்து 346 பேர்
தேனி- 17 ஆயிரத்து 67 பேர்
தஞ்சாவூர் - 17 ஆயிரத்து 642 பேர்
திருப்பூர்- 17 ஆயிரத்து 829 பேர்
விருதுநகர்- 16 ஆயிரத்து 549 பேர்
கன்னியாகுமரி - 16 ஆயிரத்து 791 பேர்
தூத்துக்குடி - 16 ஆயிரத்து 270 பேர்
ராணிப்பேட்டை - 16 ஆயிரத்து 107 பேர்
திருநெல்வேலி - 15 ஆயிரத்து 553 பேர்
விழுப்புரம்- 15 ஆயிரத்து 175 பேர்
திருச்சிராப்பள்ளி- 14 ஆயிரத்து 646 பேர்
ஈரோடு- 14 ஆயிரத்து 305 பேர்
புதுக்கோட்டை - 11 ஆயிரத்து 542 பேர்
கள்ளக்குறிச்சி- 10 ஆயிரத்து 866 பேர்
திருவாரூர்- 11 ஆயிரத்து 177 பேர்
நாமக்கல் - 11 ஆயிரத்து 595 பேர்
திண்டுக்கல் - 11 ஆயிரத்து 231 பேர்
தென்காசி - எட்டாயிரத்து 413 பேர்
நாகப்பட்டினம் - எட்டாயிரத்து 429 பேர்
நீலகிரி - எட்டாயிரத்து 187 பேர்
கிருஷ்ணகிரி - எட்டாயிரத்து 55 பேர்
திருப்பத்தூர் - ஏழாயிரத்து 565 பேர்
சிவகங்கை - ஆறாயிரத்து 651 பேர்
ராமநாதபுரம்- ஆறாயிரத்து 411 பேர்
தருமபுரி - ஆறாயிரத்து 577 பேர்
கரூர் - ஐந்தாயிரத்து 383 பேர்
அரியலூர் - நான்காயிரத்து 681 பேர்
பெரம்பலூர் - இரண்டாயிரத்து 263 பேர்
சர்வதேச விமானத்தில் வந்தவர்கள் 940 பேர் உள்நாட்டு விமானத்தில் வந்தவர்கள் 1036 பேர் ரயில் மூலம் வந்தவர்கள் 428 பேர்" எனக் குறிப்பிடப்பட்டிருந்தது.
இதையும் படிங்க: பொதுமக்களுக்கு கரோனா தடுப்பூசி எப்போது?
