சென்னை ஆழ்வார்ப்பேட்டையைச் சேர்ந்த பானுமதி என்பவர் கடந்த சில ஆண்டுகளாக தீபாவளி சீட்டு நடத்திவந்துள்ளார். இந்நிலையில், 2015ஆம் ஆண்டு நூறு பேரிடம் ரூ.2 கோடிவரை வசூல் செய்துவிட்டு மோசடி செய்ததாகக் கூறி பாதிக்கப்பட்டவர்கள் சென்னை கிண்டியில் உள்ள பொருளாதாரக் குற்றப்பிரிவு அலுவலகத்தில் புகார் கொடுத்தனர்.
இதைத் தொடர்ந்து, பொருளாதார குற்றப்பிரிவு சிறப்பு நீதிமன்றத்தில் குற்றப்பத்திரிகை தாக்கல் செய்யப்பட்டு, பானுமதிக்குச் சொந்தமான ஒரு கோடியே 25 லட்சம் ரூபாய் மதிப்புள்ள சொத்துகள் முடக்கப்பட்டுள்ளது.
மேலும் பானுமதியைப் பற்றி ஏதேனும் தகவல்கள் தெரிந்தால் உடனடியாக தகவல் அளிக்கும்படி பொருளாதார குற்றப்பிரிவு காவல் துறையினர் கேட்டுக்கொண்டுள்ளனர்.
