இது தொடர்பாக அவர் வெளியிட்ட தகவல் கையேட்டில்,
'டான்செட் நுழைவுத் தேர்வு மூலம் அண்ணா பல்கலைக்கழகத்தின் துறைகள், அதன் உறுப்புக் கல்லூரிகள், அண்ணா பல்கலைக்கழகத்தின் மண்டல கல்லூிகள், அண்ணாமலைப் பல்கலைக்கழகம், அரசு, அரசு உதவிபெறும், சுயநிதி பொறியியல், கலை மற்றும் அறிவியல் கல்லூரிகளில் உள்ள எம்.பி.ஏ., எம்.சி.ஏ., எம்.இ., எம்.டெக்., எம்.ஆர்க்., எம்.பிளான். உள்ளிட்ட முதுகலைப் பட்டப்படிப்புகளில் மாணவர்கள் சேரலாம்.
இந்தத் தேர்வினை எழுதுவதற்கு இன்று முதல் வரும் 25ஆம் தேதி வரை ஆன்லைன் மூலம் விண்ணப்பிக்கலாம். இந்நுழைவுத் தேர்வினை எழுதுவதற்கு விண்ணப்பக் கட்டணமாக பொதுப்பிரிவினர் ரூ.500 ரூபாயும், எஸ்.சி., எஸ்.டி. பிரிவினர் ரூ. 250 ரூபாயும் ஆன்லைன் மூலம் செலுத்த வேண்டும்.
எம்.சி.ஏ. படிப்பிற்கு ஜூன் 22ஆம் தேதி காலை 10 மணி முதல் 12 மணி வரையும், எம்.பி.ஏ. படிப்பிற்கு ஜூன் 22ஆம் தேதி மதியம் 2.30 மணி முதல் 4.30 மணி வரையும், எம்.இ., எம்.டெக்., எம்.ஆர்க்., எம்.பிளான். படிப்பிற்கு ஜூன் 23ஆம் தேதி காலை 10 மணி முதல் 12 மணிவரை நுழைவுத் தேர்வு நடைபெறும்.
மாணவர்கள், டான்செட் தேர்வுக்கு பதிவு செய்தல், தேர்வுக்கூட நுழைவுச்சீட்டு, மதிப்பெண் பட்டியல் போன்றவற்றை www.annauniv.edu/tancet2019 என்ற இணையதளத்தில் பார்த்து தெரிந்து கொள்ளலாம் .
தமிழ்நாட்டில் சென்னை, கோவை, சிதம்பரம், திண்டுக்கல், ஈரோடு, காரைக்குடி, மதுரை, நாகர்கோவில், சேலம், தஞ்சாவூர், திருநெல்வேலி, திருச்சி, வேலூர், விழுப்புரம், விருதுநகர் ஆகிய 15 நகரங்களில் தேர்வு நடத்தப்படும். இந்தத் தேர்வுக்கான மையங்களை மாணவர்கள் தேர்வு செய்த பின்னர் எந்தக் காரணம் கூறினாலும் மாற்ற முடியாது' என குறிப்பிடப்பட்டுள்ளது.
