லண்டன்: ஆஸ்திரேலியா - இங்கிலாந்து இடையிலான டெஸ்ட் போட்டி லண்டன் லீட்ஸ் மைதானத்தில் நடைபெற்று வருகிறது. ஆஸ்திரேலியா அணி 263 ரன்கள் ஏடுத்து ஆட்டமிழந்த நிலையில், அதனைத் தொடர்ந்து விளையாடிய இங்கிலாந்து அணி முதல் நாள் முடிவில் 3 விக்கெட் இழப்பிற்கு 68 ரன்கள் எடுத்திருந்தது.
இரண்டாவது நாள் ஜோ ரூட் 19 ரன்கள் எடுத்திருந்த நிலையில், கம்மின்ஸிடம் தனது விக்கெட்டை பறி கொடுத்தார். அதனைத் தொடர்ந்து ஜானி பேரிஸ்டோவ் 2 பவுண்டரிகளுடன் 12 ரன்கள் மட்டுமே எடுத்து ஆட்டமிழந்தார். அதன் பின் களம் இறங்கிய மொயீன் அலி 21 ரன்களும், கிறிஸ் வோக்ஸ் 10 ரன்களும், மார்க் வுட் 24 ரன்களும் ஸ்டூவர்ட் பிராட் 7 ரன்களும் எடுத்து வெளியேறினர்.
கடைசி விக்கெட்டாக கேப்டன் பென் ஸ்டோக்ஸ் 6 பவுண்டரிகள், 5 சிக்ஸர்கள் 80 ரன்கள் எடுத்து ஆட்டமிழக்க இங்கிலாந்து தனது முதல் இன்னிங்கிஸில் 237 ரன்களுக்கு ஆல் அவுட் ஆனது. ஆஸ்திரேலியாவின் பந்துவீச்சில் பேட் கம்மின்ஸ் 6 விக்கெட்டுகளும், ஸ்டார்க் 3 விக்கெட்டுகளும் மிட்செல் மார்ஸ் மற்றும் மர்ஃபி தலா 1 விக்கெட்டுகளையும் எடுத்தனர்.
26 ரன்கள் முன்னிலையுடன் தனது இரண்டாவது இன்னிங்ஸை தொடங்கிய ஆஸ்திரேலியா அணிக்கு வார்னர் 1 ரன் எடுத்த நிலையில், ஸ்டூவர்ட் பிராடிடம் தனது விக்கெட்டை கொடுத்து ஆஸ்திரேலியா அணிக்கு ஏமாற்றம் அளித்தார். அதன் பின் லபுசன் - கவாஜா கூட்டணி ஓரளவு கைகொடுத்தது. லபுசன் 5 பவுண்டரிகளுடன் 33 ரன்களும், கவாஜா 3 பவுண்டரிகளுடன் 43 ரன்களும் எடுத்து ஆட்டமிழந்தனர்.
அதனை அடுத்து களம் கண்ட ஸ்மித், மொயீன் அலியின் சூழல் பந்து விச்சில் 2 ரன்கள் மட்டுமே எடுத்து இருந்த நிலையில் அவுட் ஆனார். இரண்டாவது நாள் முடிவில் ஆஸ்திரேலியா அணி 4 விக்கெட் இழப்பிற்கு 116 ரன்கள் எடுத்து 142 ரன்கள் முன்னிலை வகிக்கிறது. மிட்செல் மார்ஸ் 3 பவுண்டரிகளுடன் 17 ரன்களும், ஹெட் 1 பவுண்டரியுடன் 18 ரன்களுடன் ஆட்டமிழக்காமல் இருக்கின்றனர்.
மேலும், இரண்டாவது இன்னிங்ஸில் அபாரமாக விளையாடிய பென் ஸ்டோக்ஸ் 80 ரன்கள் விளாசினார். இதன் மூலம் டெஸ்ட் போட்டிகளில் 6,000 ரன்களை அவர் எட்டியுள்ளார். இதுவரை 95 டெஸ்டில் 6,008 ரன்கள் எடுத்துள்ளார் மற்றும் 197 விக்கெட்கள் சாய்த்துள்ளார். இதன் மூலம் டெஸ்ட் போட்டிகளில் 6,000 ரன்கள் மற்றும் 100 அல்லது அதற்கு மேல் விக்கெட் எடுத்த 3வது ஆல் ரவுண்டர் பென் ஸ்டோக்ஸ் ஆவார்.
இதில் ஏற்கனவே வெஸ்ட் இண்டீஸைச் சேர்ந்த கார்பீல்ட் சோபர்ஸ் 8,032 ரன்களும், 235 விக்கெட் மற்றும் தென்னாப்ரிக்காவைச் சேர்ந்த ஜாக் காலிஸ் 13,289 ரன்களும், 292 விக்கெட் எடுத்து இந்த இலக்கை எட்டியுள்ளனர் என்பது குறிப்பிடத்தக்கது.
இதையும் படிங்க: Ashes test: முதல் இன்னிங்ஸில் 263-க்கு ஆட்டமிழந்த ஆஸ்திரேலியா ; மிட்செல் மார்ஸ் சதம்!
