'பேய்' வேடத்தில் மீரா மிதுன் நடிக்கும் "பேய காணோம்" படத்தை செல்வ அன்பரசன் இயக்குகிறார். குளோபல் எண்டர்டெயின்மென்ட் பட நிறுவனம் சார்பில் தேனி பாரத் R. சுருளிவேல் தயாரிக்கும் இப்படத்தில் இயக்குநர் தருண் கோபி, கௌசிக், சந்தியா ராமச்சந்திரன், கோதண்டம், முல்லை, ஜெயா டிவி ஜேக்கப், செல்வகுமார் ஆகியோர் நடித்துள்ளனர்.
இப்படத்தில் இசையமைப்பாளராக மிஸ்டர் கோளாறு, ஒளிப்பதிவாளராக ராஜ் ஓ.எஸ், கௌபாஸு, பிரகாஷ், ஆகியோர் பணியாற்றியுள்ளனர். முழுக்க முழுக்க நகைச்சுவையை மையமாக வைத்து எடுக்கப்பட்ட பேய் படம் இது.
90 விழுக்காடு படப்பிடிப்பு நிறைவடைந்த நிலையில், படத்தின் நாயகி மீரா மிதுன் பட்டியலின மக்களை அவதூறாகப் பேசி சமூக வலைதளங்களில் காணொலி வெளியிட்ட விவகாரத்தில், மத்திய குற்றப்பிரிவு சைபர் கிரைம் காவல் துறையினரால், கடந்த ஆகஸ்ட் 14ஆம் தேதி கைதுசெய்யப்பட்டு சிறையில் அடைக்கப்பட்டுள்ளார்.
மீரா மிதுனுக்கு ஜாமீன் கிடைத்தவுடன் படத்தின் இதர காட்சியைப் படமாக்க படக்குழுவினர் திட்டமிட்டுள்ளனர்.
இதையும் படிங்க : “பிளான் பண்ணி பண்ணனும்” - வயிறு குலுங்க சிரிக்க வைக்கும்
