சென்னை ஆவடி கோவில்பதாகை என்ற இடத்தைச் சேர்ந்தவர் குமார். இவருடைய மனைவி பொன்மணி(30). இவர்களுக்கு 2 பெண் குழந்தையும், ஒரு ஆண் குழந்தையும் உள்ளது. இவர்களுடைய பக்கத்து வீட்டைச் சேர்ந்தவர் ராஜா (35). இவர் லாரி ஓட்டுநராக உள்ளார். இவருடைய மனைவி ஜமுனா (35). இவர்களுக்கும் ஒரு மகன் உள்ளார். அருகருகே வசித்ததால் பொன்மணிக்கும், ராஜாவுக்கும் பழக்கம் ஏற்பட்டுள்ளது.
இந்த பழக்கம் நாளடைவில் திருமண உறவுக்கு மீறிய காதலாக மாறியது. இந்த விவகாரம் இருவருடைய வீட்டுக்கும் தெரியவந்த நிலையில் ராஜாவும், பொன்மணியும் கடந்த சில நாட்களுக்கு முன் வீட்டை விட்டு வெளியேறி, ஈரோடு மாவட்டம் புன்செய் புளியம்பட்டி இந்திரா நகரில் ஒரு வாடகை வீட்டில் குடியேறியுள்ளனர்.
பின்னர் ராஜா லாரி டிரைவராகவும், பொன்மணி அங்குள்ள ஒரு பெட்ரோல் பங்கிலும் வேலைக்குச் சென்று வந்துள்ளனர். இந்நிலையில் ராஜாவுக்கு தன்னுடைய மகனைப் பார்க்கவேண்டும் என ஆசை வந்துள்ளது. அதனால் தான் பிள்ளையைச் சென்று பார்த்துவிட்டு வரட்டுமா? என்று பொன்மணியிடம் கேட்டுள்ளார்.
ஜாதியை ஒழிக்க ஆயுதமாக இருக்கும் படிப்பு! அசுரன் கூறும் கருத்து
இதுதொடர்பாக இருவருக்கும் இடையே வாக்குவாதம் ஏற்பட்டதை அடுத்து ராஜா வெளியே சென்றுவிட்டார். வீட்டில் யாரும் இல்லாத நிலையில் பொன்மணி உடலில் மண்ணெண்ணையை ஊற்றி தீ வைத்துக்கொண்டுள்ளார். இதனால் உடல் கருகிய அவர் அலறி துடித்த சத்தத்தைக் கேட்டு ஓடிவந்த அக்கம் பக்கத்தினர், பொன்மணியை மீட்டு அவசர ஊர்தி மூலம் சத்தியமங்கலம் அரசு மருத்துவமனைக்கு அனுப்பிவைத்தனர்.
பின்னர், மேல் சிகிச்சைக்காக கோவை அரசு மருத்துவமனைக்குக் கொண்டு செல்லப்பட்டுள்ளார். அங்கு மருத்துவர்கள் தீவிர சிகிச்சை அளித்தும், சிகிச்சை பலனில்லாமல் நேற்று முன்தினம் இரவு பொன்மணி உயிரிழந்தார். இதுபற்றிய தகவல் கிடைத்ததும், புஞ்சைபுளியம்பட்டி காவல் துறையினர் ராஜாவும், பொன்மணியும் தங்கியிருந்த வீட்டிற்குச் சென்று விசாரணை நடத்தினார்கள்.
அப்போது தீக்குளிப்பதற்கு முன் பொன்மணி எழுதி வைத்திருந்த ஒரு கடிதம் சிக்கியது. அதில், ‘நான் தவறு செய்துவிட்டேன். ராஜா மாமா நீ நல்லா இருக்கணும். நான் யாரை நம்புவது என்று தெரியவில்லை‘ என்று எழுதியுள்ளார்.
