சென்னை: தமிழ்நாட்டில் மேலும் 811 நபர்களுக்கு கரோனா வைரஸ் தொற்று புதிதாக கண்டறியப்பட்டுள்ளது என மக்கள் நல்வாழ்வுத் துறை தெரிவித்துள்ளது. மக்கள் நல்வாழ்வுத் துறை இன்று வெளியிட்டுள்ள புள்ளிவிவர தகவலில், தமிழ்நாட்டில் மேலும் புதிதாக தெற்கு ரயில்வே தலைமை மருத்துவமனை சென்னையில் ஆர்டி-பிசிஆர் பரிசோதனை செய்வதற்கு இந்திய மருத்துவ ஆராய்ச்சிக் கழகம் அனுமதி வழங்கியுள்ளது. இதன்மூலம் பரிசோதனை மையங்களின் எண்ணிக்கை 242 ஆக உயர்ந்துள்ளது.
தமிழ்நாட்டில் மேலும் புதிதாக 63 ஆயிரத்து 268 நபர்களுக்கு ஆர்டி-பிசிஆர் பரிசோதனை மேற்கொள்ளப்பட்டது. இந்தப் பரிசோதனையின் மூலம் தமிழ்நாட்டில் இருந்த 804 நபர்களுக்கும், மேற்கு வங்கத்திலிருந்து தமிழ்நாட்டிற்கு வந்த ஐந்து நபர்களுக்கும், ஆந்திரப் பிரதேசம், பிகாரிலிருந்து வந்த தலா ஒருவருக்கு என 811 நபர்களுக்கு கரோனா வைரஸ் தொற்று கண்டறியப்பட்டுள்ளது.
தமிழ்நாட்டில் இதுவரை ஒரு கோடியே 42 லட்சத்து 61 ஆயிரத்து 173 நபர்களுக்கு ஆர்டி-பிசிஆர் பரிசோதனை மேற்கொள்ளப்பட்டுள்ளது. அதன்மூலம் எட்டு லட்சத்து 23 ஆயிரத்து 181 நபர்களுக்கு வைரஸ் தொற்று கண்டறியப்பட்டுள்ளது.
அவர்களில் மருத்துவமனைகள், தனிமைப்படுத்தும் மையங்களில் 7,665 நபர்கள் தற்போது சிகிச்சை பெற்றுவருகின்றனர். மருத்துவமனையில் சிகிச்சைப் பெற்றுவந்த நோயாளிகளில் குணமடைந்து மேலும் 943 பேர் இன்று வீட்டிற்கு அனுப்பிவைக்கப்பட்டுள்ளனர். இதன்மூலம் குணமடைந்தவர்களின் எண்ணிக்கை எட்டு லட்சத்து மூன்றாயிரத்து 328 என அதிகரித்துள்ளது.
மருத்துவமனையில் சிகிச்சைப் பெற்றுவந்தவர்களில் தனியார் மருத்துவமனையில் ஐந்து நோயாளிகளும், அரசு மருத்துவமனையில் ஆறு நோயாளிகளும் என 11 நோயாளிகள் சிகிச்சைப் பலனின்றி இறந்துள்ளனர். இதனால் இறந்தவர்கள் எண்ணிக்கை 12 ஆயிரத்து 188 என உயர்ந்துள்ளது.
மாவட்ட வாரியாக மொத்த பாதிப்பு
சென்னை - 2,26,937
கோயம்புத்தூர் - 52,821
செங்கல்பட்டு - 50,362
திருவள்ளூர் - 42,884
சேலம் - 31,815
காஞ்சிபுரம் - 28,858
கடலூர் - 24,761
மதுரை - 20,645
வேலூர் - 20,339
திருவண்ணாமலை - 19,212
தேனி - 16,942
தஞ்சாவூர் - 17,300
திருப்பூர் - 17,265
விருதுநகர் - 16,415
கன்னியாகுமரி - 16,466
தூத்துக்குடி - 16,132
ராணிப்பேட்டை - 15,972
திருநெல்வேலி - 15,360
விழுப்புரம் - 15,058
திருச்சி - 14,310
ஈரோடு - 13,880
புதுக்கோட்டை - 11,439
கள்ளக்குறிச்சி - 10,822
திருவாரூர் - 10,992
நாமக்கல் - 11,309
திண்டுக்கல் - 11,019
தென்காசி - 8,303
நாகப்பட்டினம் - 8,231
நீலகிரி - 8,012
கிருஷ்ணகிரி - 7,921
திருப்பத்தூர் - 7,488
சிவகங்கை - 6,560
ராமநாதபுரம் - 6,346
தருமபுரி - 6,471
கரூர் - 5248
அரியலூர் - 4,644
பெரம்பலூர் - 2,258
சர்வதேச விமானத்தில் வந்தவர்கள் - 930
உள்நாட்டு விமானத்தில் வந்தவர்கள் 1026
ரயில் மூலம் வந்தவர்கள் 428
