கோவிட்-19 இரண்டாம் அலையின் பாதிப்பிலிருந்து இந்தியா மெல்ல மீண்டுவரும் நிலையில், கேரள மாநிலத்தில் சிகா வைரஸ் பாதிப்பு பதிவாகியுள்ளது.
திருவனந்தபுரத்தில் உள்ள தனியார் மருத்துவமனையில் 24 வயது கர்ப்பிணிக்கு சிகா பாதிப்பு உறுதியாகியுள்ளது.
இவரது பரிசோதனை மாதிரிகள் புனேவில் உள்ள தேசிய வைராலஜி மையத்திற்கு அனுப்பிவைக்கப்பட்டுள்ளது. அத்துடன், திருவனந்தபுரத்தைச் சேர்ந்த மேலும் 13 பேருக்கு சிகா பாதிப்பு அறிகுறிகள் தென்பட்டுள்ளதாக கூறப்படுகிறது.
சிகா வைரஸின் அறிகுறிகள் என்ன?
கொசுக்கள் மூலமாகவே இந்த சிகா வைரஸ் பரவும். காய்ச்சல், உடலில் சிவப்புப் புள்ளிகள் ஏற்படுவது போன்றவை சிகா வைரஸின் அறிகுறிகளாகும்.
கேரளாவில் சிகா பாதிப்பு கண்டறியப்பட்டதைத் தொடர்ந்து அங்குள்ள அனைத்து மாவட்டங்களுக்கும் மாநில அரசு எச்சரிக்கை விடுத்துள்ளது.
இதையும் படிங்க: இரண்டாம் அலை இன்னும் ஓயவில்லை - சுகாதாரத்துறை அமைச்சகம் எச்சரிக்கை
