ஐதராபாத் : பிரபல நடிகர் சாயாஜி ஷிண்டே, தமிழ் தெலுங்கு, கன்னடம், இந்தி, மராத்தி உள்ளிட்ட பல்வேறு மொழிப் படங்களில் முன்னணி கதாபாத்திரங்களில் நடித்து உள்ளார். நடிகை அனுஷ்கா நடித்து வெளியாகி வசூல் சாதனை படைத்த அருந்ததீ படத்தில் முக்கிய கதாபாத்திரத்தில் தோன்றினார்.
மேலும், நடிகர் விஜயின் வேட்டைக்காரன், நடிகர் விஷால் நடிப்பில் வெளியான வெடி உள்ளிட்ட பல்வேறு படங்களில் முன்னணி கதாபாத்திரத்தில் நடித்து உள்ளார். அண்மையில் இவரது நடிப்பில் வெளியான கில்லர் சூப் வெப் சீரிஸ் நல்ல வரவேற்பை பெற்றது. இந்நிலையில், திடீர் நெஞ்சுவலி காரணமாக நடிகர் சாயாஜி ஷிண்டே மருத்துமனையில் அனுமதிக்கப்பட்டார்.
அவரை பரிசோதித்த மருத்துவர்கள் இதயத்திற்கு செல்லும் ரத்தக் குழாயில் 90 சதவீதம் கொண்ட அடைப்பு இருப்பதை கண்டிறிந்தனர். இதையடுத்து உடனடியாக அவருக்கு ஆஞ்சியோபிளாஸ்டி சிகிச்சை மேற்கொள்ளப்பட்டது. தற்போது நடிகர் சாயாஜி ஷிண்டே உடல் நிலை தேறி வருவதாக மருத்துவர்கள் தரப்பில் கூறப்படுகிறது.
இந்நிலையில், மருத்துவமனை படுக்கையில் இருந்தவாறே நடிகர் சாயாஜி ஷிண்டே வீடியோ ஒன்றை வெளியிட்டு உள்ளார். அதில் தனது உடல் நலன் குறித்து விசாரித்த அனைத்து நடிகர்கள், ரசிகர்களுக்கு நன்றி என்றும் விரைவில் பூரண நலம் பெற்று திரையில் அனைவரையும் மகிழ்விப்பதாகவும் சாயாஜி ஷிண்டே அந்த வீடியோவில் தெரிவித்து உள்ளார்.
தற்போது இந்த வீடியோ சமூக வலைதளங்களில் வேகமாக பரவி வருகிறது. தமிழில் பாரதியார் வாழ்க்கை கதையை மையமாக வைத்து உருவான பாரதி படத்தில் நடித்த சாயாஜி ஷிண்டே மகாராஷ்ட்ரா மாநிலம் சதாரா மாவட்டத்தை சேர்ந்தவர் என்பது குறிப்பிடத்தக்கது.
இதையும் படிங்க : "மக்களவை தேர்தலில் அதிமுகவுக்கு ஆதரவு"- ஏஐஎம்ஐஎம் கட்சித் தலைவர் அசாதுதீன் ஓவைசி! - Lok Sabha Election 2024
