ਹੈਦਰਾਬਾਦ: ਗਰਮੀਆਂ 'ਚ ਆਈਸਕ੍ਰੀਮ, ਅੰਬ ਅਤੇ ਸੁਆਦੀ ਕੋਲਡ ਡਰਿੰਕਸ ਨਾਲ ਬਹੁਤ ਸਾਰੀਆਂ ਖੁਸ਼ੀਆਂ ਮਿਲਦੀਆ ਹਨ ਪਰ ਇਨ੍ਹਾਂ ਸਭ ਤੋਂ ਇਲਾਵਾ ਤੇਜ਼ ਗਰਮੀ ਤੁਹਾਨੂੰ ਬੀਮਾਰ ਵੀ ਕਰ ਸਕਦੀ ਹੈ। ਇੱਥੇ ਕੁਝ ਸੁਝਾਅ ਦਿੱਤੇ ਗਏ ਹਨ ਜਿਸਦੀ ਮਦਦ ਨਾਲ ਤੁਸੀਂ ਬਿਮਾਰ ਹੋਏ ਬਿਨਾਂ ਗਰਮੀ ਦੇ ਮੌਸਮ ਦਾ ਆਨੰਦ ਲੈ ਸਕਦੇ ਹੋ।
ਸਨ ਸਕਰੀਨ: ਸਨਸਕ੍ਰੀਨ ਸਾਡੀ ਚਮੜੀ 'ਤੇ ਇਕ ਪਰਤ ਵਾਂਗ ਕੰਮ ਕਰਦੀ ਹੈ, ਜੋ ਤੇਜ਼ ਧੁੱਪ ਵਿਚ ਸੂਰਜ ਦੀਆਂ ਅਲਟਰਾਵਾਇਲਟ ਕਿਰਨਾਂ ਕਾਰਨ ਹੋਣ ਵਾਲੇ ਸਿੱਧੇ ਨੁਕਸਾਨ ਤੋਂ ਸਾਡੀ ਚਮੜੀ ਨੂੰ ਬਚਾਉਂਦੀ ਹੈ। ਸੂਰਜ ਦੀਆਂ ਇਨ੍ਹਾਂ ਹਾਨੀਕਾਰਕ ਕਿਰਨਾਂ ਤੋਂ ਚਮੜੀ ਨੂੰ ਬਚਾਉਣ ਲਈ ਸਨਸਕ੍ਰੀਨ ਵਿਚ ਜ਼ਿੰਕ ਆਕਸਾਈਡ, ਟਾਈਟੇਨੀਅਮ ਆਕਸਾਈਡ ਆਦਿ ਕੁਝ ਜ਼ਰੂਰੀ ਤੱਤ ਹੁੰਦੇ ਹਨ। ਇਹ ਸਾਡੀ ਚਮੜੀ ਨੂੰ ਬੁਢਾਪੇ ਦੇ ਪ੍ਰਭਾਵਾਂ ਯਾਨੀ ਸਮੇਂ ਤੋਂ ਪਹਿਲਾਂ ਬੁਢਾਪੇ ਅਤੇ ਸਨਬਰਨ ਤੋਂ ਬਚਾਉਂਦੇ ਹਨ, ਪਰ ਸਨਸਕ੍ਰੀਨ ਦਾ ਪ੍ਰਭਾਵ ਜ਼ਿਆਦਾਤਰ ਇਸ ਵਿਚ ਮੌਜੂਦ ਐਸਪੀਐਫ ਯਾਨੀ ਸਨ ਪ੍ਰੋਟੈਕਟਿੰਗ ਫੈਕਟਰ 'ਤੇ ਨਿਰਭਰ ਕਰਦਾ ਹੈ। ਸਨਸਕ੍ਰੀਨ ਵਿੱਚ SPF ਜਿੰਨਾ ਜ਼ਿਆਦਾ ਹੁੰਦਾ ਹੈ, ਸਨਸਕ੍ਰੀਨ ਓਨੀ ਹੀ ਪ੍ਰਭਾਵਸ਼ਾਲੀ ਹੁੰਦੀ ਹੈ। ਤੁਹਾਨੂੰ ਬਾਜ਼ਾਰ ਵਿਚ ਸਨਸਕ੍ਰੀਨ ਕ੍ਰੀਮ ਲੋਸ਼ਨ ਅਤੇ ਮਾਇਸਚਰਾਈਜ਼ਰ ਦੇ ਰੂਪ ਵਿਚ ਮਿਲਦੀ ਹੈ।
ਮੌਸਮ ਦੀ ਭਵਿੱਖਬਾਣੀ 'ਤੇ ਨਜ਼ਰ ਰੱਖੋ: ਜਦੋਂ ਵੀ ਤੁਸੀਂ ਕੋਈ ਬਾਹਰ ਘੁੰਮਣ ਜਾਣ ਦੀ ਯੋਜਨਾ ਬਣਾਉਦੇਂ ਹੋ ਤਾਂ ਪਹਿਲਾ ਇਹ ਜ਼ਰੂਰ ਦੇਖੋ ਕਿ ਮੌਸਮ ਕਿਹੋ ਜਿਹਾ ਹੈ। ਗਰਮੀ ਦੀਆਂ ਲਹਿਰਾਂ ਬਾਰੇ ਸਮੇਂ ਸਿਰ ਜਾਣਕਾਰੀ ਤੁਹਾਨੂੰ ਸੂਰਜ ਦੇ ਵਿਰੁੱਧ ਇਸ ਲੜਾਈ ਵਿੱਚ ਬਿਹਤਰ ਤਿਆਰੀ ਕਰਨ ਵਿੱਚ ਮਦਦ ਕਰ ਸਕਦੀ ਹੈ।
ਹਾਈਡਰੇਟਿਡ ਰਹੋ: ਤੁਹਾਨੂੰ ਜਿੰਨਾ ਹੋ ਸਕੇ ਵੱਧ ਤੋਂ ਵੱਧ ਪਾਣੀ ਪੀਣਾ ਚਾਹੀਦਾ ਹੈ, ਤਾਂਕਿ ਤੁਸੀਂ ਹਾਈਡਰੇਟਿਡ ਰਹਿ ਸਕੋਂ। ਇਸ ਲਈ ਇੱਕ ਗਲਾਸ ਪਾਣੀ ਪੀਣ ਲਈ ਆਪਣੇ ਫ਼ੋਨਾਂ 'ਤੇ ਵਾਰ-ਵਾਰ ਰੀਮਾਈਂਡਰ ਲਗਾਓ। ਗਰਮੀ ਦੇ ਮੌਸਮ ਵਿੱਚ ਫਿੱਟ ਰਹਿਣ ਲਈ ਹਾਈਡਰੇਟਿਡ ਰਹਿਣਾ ਸਭ ਤੋਂ ਮਹੱਤਵਪੂਰਨ ਹੈ।
ਨਹਾਉਣਾ: ਸਫਾਈ ਬਣਾਈ ਰੱਖਣ ਲਈ ਤੁਹਾਨੂੰ ਹਰ ਰੋਜ਼ ਨਹਾਉਣਾ ਚਾਹੀਦਾ ਹੈ। ਰੋਜ਼ ਨਹਾਉਣਾ ਗਰਮੀਆਂ ਵਿੱਚ ਤੁਹਾਨੂੰ ਫਿੱਟ ਰੱਖਣ ਵਿੱਚ ਵੀ ਤੁਹਾਡੀ ਮਦਦ ਕਰ ਸਕਦਾ ਹੈ ਅਤੇ ਇਸਦੇ ਨਾਲ ਹੀ ਤੁਹਾਡੇ ਸਰੀਰ ਨੂੰ ਠੰਢਕ ਮਿਲਦੀ ਹੈ।
ਘਰ ਦੇ ਅੰਦਰ ਰਹੋ: ਜਦੋਂ ਆਪਣੇ ਆਪ ਨੂੰ ਗਰਮੀ ਦੀਆਂ ਲਹਿਰਾਂ ਤੋਂ ਬਚਾਉਣਾ ਹੋਵੇ ਤਾਂ ਘਰ ਵਿੱਚ ਰਹਿਣਾ ਬਿਹਤਰ ਹੈ। ਘਰ ਵਿੱਚ ਰਹਿਣਾ ਸਭ ਤੋਂ ਸਹੀ ਸੁਝਾਵਾਂ ਵਿੱਚੋਂ ਇੱਕ ਹੈ ਜਿਸਦੀ ਤੁਹਾਨੂੰ ਪਾਲਣਾ ਕਰਨ ਦੀ ਲੋੜ ਹੈ। ਦਿਨ ਵੇਲੇ ਜੇ ਕੋਈ ਘਰ ਤੋਂ ਬਾਹਰ ਤੁਹਾਨੂੰ ਕੰਮ ਨਹੀਂ ਹੈ ਤਾਂ ਘਰ ਤੋਂ ਬਾਹਰ ਜਾਣ ਦੀ ਲੋੜ ਨਹੀਂ। ਘਰ ਵਿੱਚ ਰਹਿ ਕੇ ਤੁਸੀਂ ਤਾਸ਼ ਖੇਡਣਾ, ਦਫਤਰ ਵਿਚ ਕੋਲਡ ਡਰਿੰਕ ਹੱਥ ਵਿਚ ਲੈ ਕੇ ਕੰਮ ਕਰਨਾ ਜਾਂ ਦੋਸਤਾਂ ਨੂੰ ਵੀਡੀਓ ਕਾਲ ਕਰਨਾ ਕੁਝ ਮਜ਼ੇਦਾਰ ਚੀਜ਼ਾਂ ਹਨ ਜੋ ਤੁਸੀਂ ਇਸ ਗਰਮੀ ਵਿਚ ਖੁਸ਼ ਰਹਿਣ ਦੇ ਨਾਲ-ਨਾਲ ਫਿੱਟ ਰਹਿਣ ਲਈ ਦੁਪਹਿਰ ਦੇ ਸਮੇਂ ਕਰ ਸਕਦੇ ਹੋ।
ਇਹ ਵੀ ਪੜ੍ਹੋ:- Lassi Recipes: ਗਰਮੀ ਤੋਂ ਰਾਹਤ ਪਾਉਣ ਲਈ ਇੱਥੇ ਦੇਖੋ ਕੁਝ ਲੱਸੀ ਦੀ ਰੈਸਿਪੀ