Eye Problems: ਅੱਖਾਂ ਵਿੱਚ ਜਲਣ ਦੀ ਸਮੱਸਿਆਂ ਤੋਂ ਹੋ ਪਰੇਸ਼ਾਨ, ਤਾਂ ਛੁਟਕਾਰਾਂ ਪਾਉਣ ਲਈ ਅਪਣਾਓ ਇਹ ਘਰੇਲੂ ਨੁਸਖੇ

ਜੇਕਰ ਤੁਹਾਨੂੰ ਅੱਖਾਂ ਦੀ ਮਾਮੂਲੀ ਜਿਹੀ ਵੀ ਸਮੱਸਿਆ ਹੈ ਤਾਂ ਦਿਨ ਵਿੱਚ ਆਮ ਗਤੀਵਿਧੀਆਂ ਕਰਨਾ ਮੁਸ਼ਕਲ ਹੋ ਜਾਂਦਾ ਹੈ। ਅੱਖਾਂ ਦੇ ਦਰਦ ਤੋਂ ਛੁਟਕਾਰਾ ਪਾਉਣ ਲਈ ਕੁਝ ਘਰੇਲੂ ਨੁਸਖੇ ਅਪਣਾਏ ਜਾ ਸਕਦੇ ਹਨ।

ਹੈਦਰਾਬਾਦ: ਅੱਖਾਂ ਸਾਡੇ ਸਰੀਰ ਦਾ ਬਹੁਤ ਮਹੱਤਵਪੂਰਨ ਅਤੇ ਸੰਵੇਦਨਸ਼ੀਲ ਅੰਗ ਹਨ ਇਸ ਲਈ ਸਾਨੂੰ ਇਸ ਦਾ ਖਾਸ ਖਿਆਲ ਰੱਖਣਾ ਚਾਹੀਦਾ ਹੈ। ਪਰ ਅਸੀਂ ਅਕਸਰ ਸਰੀਰ ਦੇ ਅਜਿਹੇ ਸੰਵੇਦਨਸ਼ੀਲ ਅੰਗਾਂ ਨੂੰ ਨਜ਼ਰਅੰਦਾਜ਼ ਕਰ ਦਿੰਦੇ ਹਾਂ ਇਸ ਨਾਲ ਭਵਿੱਖ ਵਿੱਚ ਵੱਡੀਆਂ ਸਮੱਸਿਆਵਾਂ ਪੈਦਾ ਹੋ ਸਕਦੀਆਂ ਹਨ ਪਰ ਜੇਕਰ ਤੁਸੀਂ ਥੋੜ੍ਹੀ ਜਿਹੀ ਸਾਵਧਾਨੀ ਵਰਤਦੇ ਹੋ, ਤਾਂ ਤੁਸੀਂ ਅੱਖਾਂ ਦੀਆਂ ਵੱਡੀਆਂ ਸਮੱਸਿਆਵਾਂ ਤੋਂ ਬਚ ਸਕਦੇ ਹੋ। ਅੱਖਾਂ ਨਾਲ ਜੁੜੀਆਂ ਕਈ ਤਰ੍ਹਾਂ ਦੀਆਂ ਸਮੱਸਿਆਵਾਂ ਹੁੰਦੀਆਂ ਹਨ ਪਰ ਅੱਜ ਅਸੀਂ ਅੱਖਾਂ ਦੀ ਜਲਣ ਬਾਰੇ ਗੱਲ ਕਰਾਂਗੇ।

ਅੱਖਾਂ ਵਿੱਚ ਜਲਣ ਹੋਣ ਦੇ ਕਾਰਨ: ਅੱਜਕੱਲ੍ਹ ਅਸੀਂ ਬਹੁਤ ਸਾਰੇ ਇਲੈਕਟ੍ਰਾਨਿਕ ਯੰਤਰਾਂ ਦੀ ਵਰਤੋਂ ਕਰਦੇ ਹਾਂ, ਜਿਸ ਵਿੱਚ ਮੋਬਾਈਲ, ਕੰਪਿਊਟਰ ਜਾਂ ਟੈਬ ਸ਼ਾਮਲ ਹਨ। ਤੁਹਾਡੇ ਮੋਬਾਈਲ ਫ਼ੋਨ, ਕੰਪਿਊਟਰ ਜਾਂ ਟੈਬਲੇਟ ਦੀ ਜ਼ਿਆਦਾ ਦੇਰ ਤੱਕ ਵਰਤੋਂ ਕਰਨ ਨਾਲ ਅੱਖਾਂ ਵਿੱਚ ਜਲਣ ਜਾਂ ਦਰਦ ਹੋ ਸਕਦਾ ਹੈ। ਤਾਂ ਆਓ ਜਾਣਦੇ ਹਾਂ ਕੁਝ ਘਰੇਲੂ ਨੁਸਖਿਆਂ ਬਾਰੇ ਜਿਨ੍ਹਾਂ ਦੀ ਵਰਤੋਂ ਕਰਕੇ ਤੁਸੀਂ ਇਸ ਸਮੱਸਿਆ ਤੋਂ ਛੁਟਕਾਰਾ ਪਾ ਸਕਦੇ ਹੋ।

• ਸਾਵਧਾਨ! ਕਿਤੇ ਤੁਸੀਂ ਵੀ ਅੰਬ ਖਾਣ ਤੋਂ ਬਾਅਦ ਕੋਲਡ ਡਰਿੰਕਸ ਪੀਣ ਦੀ ਗਲਤੀ ਤਾਂ ਨਹੀਂ ਕਰ ਰਹੇ, ਹੋ ਸਕਦੈ ਖਤਰਨਾਕ

ਅੱਖਾਂ ਦੀਆਂ ਸਮੱਸਿਆਵਾਂ ਦੇ ਲੱਛਣ:

• ਅੱਖਾਂ ਦੀ ਲਾਲੀ
• ਅੱਖਾਂ ਵਿੱਚ ਜਲਣ
• ਅੱਖਾਂ ਵਿੱਚ ਪਾਣੀ ਆਉਣਾ
• ਰੋਸ਼ਨੀ ਕਾਰਨ ਦਰਦ
• ਸਿਰ ਦਰਦ

ਅੱਖਾਂ ਦੀ ਜਲਨ ਤੋਂ ਛੁਟਕਾਰਾਂ ਪਾਉਣ ਦੇ ਘਰੇਲੂ ਉਪਾਅ:

1. ਜੇਕਰ ਤੁਸੀਂ ਅੱਖਾਂ ਦੀ ਜਲਨ ਤੋਂ ਛੁਟਕਾਰਾ ਪਾਉਣ ਲਈ ਕੋਈ ਘਰੇਲੂ ਉਪਾਅ ਵਰਤਣਾ ਚਾਹੁੰਦੇ ਹੋ ਤਾਂ ਪਿਆਜ਼ ਖਾਓ ਜਾਂ ਪਿਆਜ਼ ਦੇ ਟੁਕੜੇ ਕਰ ਕੇ ਅੱਖਾਂ 'ਤੇ ਕੁਝ ਦੇਰ ਲਈ ਛੱਡ ਦਿਓ। ਇਸ ਨਾਲ ਜਲਨ ਦੀ ਸਮੱਸਿਆ ਦੂਰ ਹੋ ਜਾਵੇਗੀ। ਵਧੀਆ ਨਤੀਜਿਆਂ ਲਈ ਪਿਆਜ਼ ਨੂੰ ਫਰਿੱਜ ਵਿਚ ਰੱਖੋ ਅਤੇ ਫਿਰ ਠੰਡਾ ਹੋਣ ਤੋਂ ਬਾਅਦ ਇਸਨੂੰ ਅੱਖਾਂ 'ਤੇ ਲਗਾਓ।
2. ਅੱਖਾਂ ਦੇ ਦਰਦ ਤੋਂ ਛੁਟਕਾਰਾ ਪਾਉਣ ਲਈ ਤੁਸੀਂ ਆਲੂ ਖਾ ਸਕਦੇ ਹੋ ਜਾਂ ਪਿਆਜ਼ ਵਾਂਗ ਇਨ੍ਹਾਂ ਦੇ ਟੁਕੜੇ ਕਰ ਕੇ ਅੱਖਾਂ 'ਤੇ ਲਗਾ ਸਕਦੇ ਹੋ। ਥੋੜ੍ਹੀ ਦੇਰ ਤੱਕ ਰੱਖਣ ਤੋਂ ਬਾਅਦ ਆਲੂ ਦੇ ਟੁਕੜਿਆਂ ਨੂੰ ਚੱਕ ਕੇ ਅੱਖਾਂ ਸਾਫ਼ ਕਰ ਲਓ।
3. ਅੱਖਾਂ ਦੀਆਂ ਸਮੱਸਿਆਵਾਂ ਤੋਂ ਛੁਟਕਾਰਾ ਪਾਉਣ ਲਈ ਗੁਲਾਬ ਜਲ ਦੀ ਵਰਤੋਂ ਕੀਤੀ ਜਾ ਸਕਦੀ ਹੈ। ਇਹ ਕਿਸੇ ਦਵਾਈ ਤੋਂ ਘੱਟ ਨਹੀਂ ਹੈ ਅਤੇ ਅੱਖਾਂ ਨੂੰ ਤੁਰੰਤ ਰਾਹਤ ਪ੍ਰਦਾਨ ਕਰਨ ਵਿੱਚ ਕਾਰਗਰ ਸਾਬਤ ਹੋਈ ਹੈ। ਜਲਨ ਤੋਂ ਰਾਹਤ ਪਾਉਣ ਲਈ ਸਵੇਰੇ-ਸ਼ਾਮ ਅੱਖਾਂ 'ਤੇ ਗੁਲਾਬ ਜਲ ਦੀਆਂ 2-2 ਬੂੰਦਾਂ ਲਗਾਓ।
4. ਤੁਸੀਂ ਸ਼ਾਇਦ ਇਸ ਉਪਾਅ ਬਾਰੇ ਕਦੇ ਨਹੀਂ ਸੁਣਿਆ ਹੋਵੇਗਾ, ਪਰ ਤੁਸੀਂ ਅੱਖਾਂ ਦੀ ਜਲਣ ਤੋਂ ਛੁਟਕਾਰਾ ਪਾਉਣ ਲਈ ਸ਼ਹਿਦ ਦੀ ਵਰਤੋਂ ਕਰ ਸਕਦੇ ਹੋ। ਅੱਖਾਂ 'ਤੇ ਸ਼ਹਿਦ ਲਗਾਉਣ ਨਾਲ ਹਲਕੀ ਜਲਨ ਤਾਂ ਦੂਰ ਹੋਵੇਗੀ ਹੀ ਸਗੋਂ ਦਰਦ ਵੀ ਦੂਰ ਹੋ ਜਾਵੇਗਾ।