ਲੁਧਿਆਣਾ: ਪੰਜਾਬ ਦੇ ਵਿੱਚ ਬੁਲਟ ਮੋਟਰਸਾਈਕਲ ਜ਼ਿਆਦਾਤਰ ਨੌਜਵਾਨ ਸ਼ੌਕ ਲਈ ਰੱਖਦੇ ਹਨ ਪਰ ਮਨਦੀਪ ਸਿੰਘ ਨਾਂਅ ਦਾ ਨੌਜਵਾਨ ਇਨ੍ਹੀਂ ਦਿਨੀਂ ਆਪਣੇ ਸ਼ੌਕ ਨੂੰ ਵੀ ਆਪਣਾ ਰੁਜ਼ਗਾਰ ਬਣਾ ਰਿਹਾ ਹੈ। ਮਨਦੀਪ ਬੁਲਟ ਉੱਤੇ ਰਾਜਮਾ ਕੜੀ ਚਾਵਲ ਵੇਚਦਾ ਹੈ।
ਮਨਦੀਪ ਸਿੰਘ ਨੇ ਕਿਹਾ ਕਿ ਉਸ ਦਾ ਚੰਗਾ ਕਾਰੋਬਾਰ ਸੀ ਪਰ ਹੁਣ ਮੰਦੀ ਦੀ ਮਾਰ ਕਰਕੇ ਇਹ ਕੰਮ ਕਰ ਰਿਹਾ ਹੈ। ਉਸ ਨੇ ਦੱਸਿਆ ਕਿ ਉਸ ਦੀਆਂ ਤਿੰਨ ਧੀਆਂ ਹਨ, ਪਹਿਲਾਂ ਉਹ ਕਰਿਆਨੇ ਦੀ ਰੀਟੇਲ ਦਾ ਕੰਮ ਕਰਦਾ ਸੀ ਪਰ ਮਹਾਂਮਾਰੀ ਕਰਕੇ ਉਸ ਦਾ ਕੰਮ ਪੂਰੀ ਤਰ੍ਹਾਂ ਫੇਲ੍ਹ ਹੋ ਗਿਆ। ਮਨਦੀਪ ਨੇ ਕਿਹਾ ਕਿ ਉਸ ਨੇ ਸ਼ੌਕ ਲਈ ਬੁਲਟ ਲਿਆ ਸੀ ਪਰ ਹੁਣ ਉਸ ਸ਼ੌਕ ਨੂੰ ਹੀ ਆਪਣਾ ਰੁਜ਼ਗਾਰ ਬਣਾ ਲਿਆ ਹੈ।
ਮਨਦੀਪ ਬੁਲਟ 'ਤੇ ਕੜੀ ਚਾਵਲ ਅਤੇ ਰਜਮਾ ਚਾਵਲ ਵੇਚਦਾ ਹੈ, ਨਾਲ ਉਹ ਲੱਸੀ ਦਾ ਗਲਾਸ ਵੀ ਮੁਫ਼ਤ ਦਿੰਦਾ ਹੈ, ਉਨ੍ਹਾਂ ਕਿਹਾ ਕਿ ਕੰਮ ਵਿੱਚ ਕੋਈ ਸ਼ਰਮ ਨਹੀਂ ਹੋਣੀ ਚਾਹੀਦੀ। ਉਨ੍ਹਾਂ ਕਿਹਾ ਕਿ ਘਰ ਦਾ ਗੁਜ਼ਾਰਾ ਚਲਾਉਣ ਲਈ ਉਹ ਮਿਹਨਤ ਕਰਦਾ ਹੈ। ਉਧਰ ਦੂਜੇ ਪਾਸੇ ਰਾਜਮਾ ਚਾਵਲ ਖਾਣ ਆਉਣ ਵਾਲੇ ਨੌਜਵਾਨ ਨੇ ਦੱਸਿਆ ਕਿ ਇਹ ਬਾਕੀਆਂ ਲਈ ਮਿਸਾਲ ਹੈ।
ਇਹ ਵੀ ਪੜੋ: ਭਾਰਤ ਨੇ ਲਾਹੌਰ 'ਚ ਗੁਰੂਦੁਆਰਾ ਸਾਹਿਬ ਨੂੰ ਮਸਜਿਦ 'ਚ ਤਬਦੀਲ ਕਰਨ 'ਤੇ ਜਤਾਇਆ ਇਤਰਾਜ਼
