ਮਿਆਮੀ— ਸਪੇਨ ਦੇ ਨੌਜਵਾਨ ਟੈਨਿਸ ਖਿਡਾਰੀ ਕਾਰਲੋਸ ਅਲਕਾਰਜ਼ ਨੇ ਖੁਲਾਸਾ ਕੀਤਾ ਹੈ ਕਿ ਨਾਰਵੇ ਦੇ ਕੈਸਪਰ ਰੱਡ ਖਿਲਾਫ ਮਿਆਮੀ ਓਪਨ ਜਿੱਤਣ ਤੋਂ ਬਾਅਦ ਉਸ ਨੂੰ ਸਪੇਨ ਦੇ ਰਾਜੇ ਨੇ ਬੁਲਾਇਆ ਸੀ। 18 ਸਾਲਾ ਅਲਕਾਰਜ਼ ਨੇ ਸੋਮਵਾਰ ਨੂੰ ਮਿਆਮੀ ਵਿੱਚ 7-5, 6-4 ਨਾਲ ਜਿੱਤ ਦਰਜ ਕੀਤੀ। ਈਵੈਂਟ ਦੇ 37 ਸਾਲਾਂ ਦੇ ਇਤਿਹਾਸ ਵਿੱਚ ਮਿਆਮੀ ਓਪਨ ਜਿੱਤਣ ਵਾਲਾ ਪਹਿਲਾ ਸਪੈਨਿਸ਼ ਖਿਡਾਰੀ ਬਣ ਗਿਆ ਹੈ। ਇਹ ਉਸਦਾ ਪਹਿਲਾ ਏਟੀਪੀ ਮਾਸਟਰਸ 1000 ਖਿਤਾਬ ਹੈ।
ਅਲਕਾਰਾਜ ਹੌਲੀ ਸ਼ੁਰੂਆਤ ਤੋਂ ਉਭਰ ਕੇ ਆਪਣੇ ਕਰੀਅਰ ਦਾ ਸਭ ਤੋਂ ਵੱਡਾ ਖਿਤਾਬ ਜਿੱਤਣ 'ਚ ਕਾਮਯਾਬ ਰਿਹਾ। ਪਰ ਜਦੋਂ ਉਸਨੂੰ ਸਪੇਨ ਦੇ ਰਾਜਾ ਫੇਲਿਪ ਛੇਵੇਂ ਦਾ ਫੋਨ ਆਇਆ ਤਾਂ ਉਹ ਹੈਰਾਨ ਰਹਿ ਗਿਆ।
ਇਹ ਵੀ ਪੜ੍ਹੋ: IPL 2022, 13th Match: ਅੱਜ ਹੋਵੇਗਾ RCB ਅਤੇ RR ਵਿਚਾਲੇ ਰੋਮਾਂਚਿਕ ਮੁਕਾਬਲਾ
ਅਲਕਰਾਜ ਨੇ ਏਟੀਪੀਟੂਰ ਦੇ ਹਵਾਲੇ ਨਾਲ ਕਿਹਾ “ਸਪੇਨ ਦੇ ਰਾਜੇ ਦਾ ਕਾਲ ਆਉਣਾ ਬਹੁਤ ਹੈਰਾਨੀਜਨਕ ਰਿਹਾ ਹੈ। ਮੈਂ ਉਸ ਫ਼ੋਨ ਲਈ ਮੈਚ ਨਾਲੋਂ ਜ਼ਿਆਦਾ ਘਬਰਾਇਆ ਹੋਇਆ ਸੀ। ਇਹ ਹੈਰਾਨੀਜਨਕ ਹੈ ਕਿ ਸਪੇਨੀ ਰਾਜਾ ਤੁਹਾਡੀ ਸਖ਼ਤ ਮਿਹਨਤ ਤੇ ਤੁਹਾਡੀਆਂ ਜਿੱਤਾਂ ਲਈ ਤੁਹਾਨੂੰ ਵਧਾਈ ਦੇ ਰਿਹਾ ਹੈ।
ਅਲਕਰਾਜ਼ ਨੇ ਮਿਆਮੀ ਵਿੱਚ ਆਪਣੀ ਸਫ਼ਲਤਾ ਦਾ ਸਿਹਰਾ ਕੋਚ ਤੇ ਸਾਬਕਾ ਖਿਡਾਰੀ ਜੁਆਨ ਕਾਰਲੋਸ ਫੇਰੇਰੋ ਨੂੰ ਦਿੱਤਾ, ਜਿਸ ਨੇ ਫਾਈਨਲ ਦੌਰਾਨ ਸ਼ਾਂਤ ਰਹਿਣ ਵਿੱਚ ਉਸਦੀ ਮਦਦ ਕੀਤੀ। ਅਲਕਾਰਾਜ ਨੇ ਕਿਹਾ, ਕੋਚ ਨੇ ਮੈਨੂੰ ਇਸ ਪਲ ਦਾ ਆਨੰਦ ਲੈਣ ਲਈ ਕਿਹਾ ਸੀ। ਮੈਨੂੰ ਬਿਨਾਂ ਕਿਸੇ ਦਬਾਅ ਦੇ ਆਪਣਾ ਪਹਿਲਾ ਮਾਸਟਰਜ਼ 1000 ਫਾਈਨਲ ਖੇਡਣ ਲਈ ਪ੍ਰੇਰਿਤ ਕੀਤਾ। ਮਿਆਮੀ ਦੀ ਜਿੱਤ ਨੇ ਸਪੈਨਿਸ਼ ਖਿਡਾਰੀ ਨੂੰ ਕਰੀਅਰ ਦੀ ਉੱਚ ਏਟੀਪੀ ਰੈਂਕਿੰਗ ਨੰਬਰ 11 ਹਾਸਲ ਕਰਨ ਵਿੱਚ ਮਦਦ ਕੀਤੀ।
