ਲਖਨਊ/ਉੱਤਰ ਪ੍ਰਦੇਸ਼: ਅਟਲ ਬਿਹਾਰੀ ਵਾਜਪਾਈ ਸਟੇਡੀਅਮ (ਇਕਾਨਾ) 'ਚ ਮੈਚ ਦੌਰਾਨ ਬੈਂਗਲੁਰੂ ਰਾਇਲ ਚੈਲੰਜਰਜ਼ ਦੇ ਕਪਤਾਨ ਵਿਰਾਟ ਕੋਹਲੀ ਵੱਖ-ਵੱਖ ਰੁਪ ਦੇਖਣ ਨੂੰ ਮਿਲੇ। ਫੀਲਡਿੰਗ ਦੌਰਾਨ ਇਕ ਨੌਜਵਾਨ ਮੈਦਾਨ 'ਚ ਦਾਖਲ ਹੋਇਆ ਅਤੇ ਕੋਹਲੀ ਦੇ ਪੈਰ ਛੂਹਣ ਲੱਗਾ ਤਾਂ ਕੋਹਲੀ ਨੇ ਉਸ ਨੂੰ ਜੱਫੀ ਪਾ ਲਈ ਜਿਸ ਨਾਲ ਮੈਚ ਤੋਂ ਬਾਅਦ ਗਰਮਾ-ਗਰਮੀ ਮਾਹੌਲ 'ਚ ਵਿਰਾਟ ਦੀ ਲਖਨਊ ਸੁਪਰਜਾਇੰਟਸ ਦੇ ਮੈਂਟਰ ਗੌਤਮ ਗੰਭੀਰ ਨਾਲ ਝੜਪ ਹੋ ਗਈ। ਇਸ ਕਾਰਨ ਮੈਚ ਤੋਂ ਬਾਅਦ ਮਾਹੌਲ ਗਰਮ ਹੋ ਗਿਆ। ਕੋਹਲੀ ਅਤੇ ਗੰਭੀਰ ਨੂੰ ਵੱਖ ਕਰਨ ਲਈ ਖਿਡਾਰੀਆਂ ਨੇ ਵਿਚ ਆ ਕੇ ਦਖਲ ਦਿੱਤਾ।
ਸੂਤਰਾਂ ਮੁਤਾਬਕ ਇਸ ਮਾਮਲੇ ਵਿੱਚ ਆਈਪੀਐਲ ਵੱਲੋਂ ਵੱਡੀ ਕਾਰਵਾਈ ਕੀਤੀ ਗਈ ਹੈ। ਆਈਪੀਐਲ ਨੇ ਇੱਕ ਪ੍ਰੈਸ ਰਿਲੀਜ਼ ਵੀ ਜਾਰੀ ਕੀਤੀ ਹੈ। ਵਿਰਾਟ ਅਤੇ ਗੰਭੀਰ ਦੋਵਾਂ ਨੂੰ IPL ਕੋਡ ਆਫ ਕੰਡਕਟ 2.21 ਦੇ ਲੈਵਲ 2 ਦਾ ਦੋਸ਼ੀ ਪਾਇਆ ਗਿਆ ਹੈ। ਦੋਵਾਂ ਵਿਅਕਤੀਆਂ ਨੇ ਆਪਣਾ ਜੁਰਮ ਕਬੂਲ ਕਰ ਲਿਆ ਹੈ। ਦੋਵਾਂ ਦੀ ਮੈਚ ਫੀਸ ਦੀ 100 ਫੀਸਦੀ ਕਟੌਤੀ ਕੀਤੀ ਗਈ ਹੈ। ਵਿਰਾਟ ਦੀ 1.07 ਕਰੋੜ ਮੈਚ ਫੀਸ (100%) ਕੱਟ ਲਈ ਗਈ ਹੈ। ਜਦਕਿ ਗੰਭੀਰ ਦੀ 25 ਲੱਖ (100%) ਮੈਚ ਫੀਸ ਦੀ ਕਟੌਤੀ ਕੀਤੀ ਗਈ ਹੈ।
ਇਹ ਵੀ ਪੜ੍ਹੋ: RCB Vs LSG: ਰਾਇਲ ਚੈਲੰਜਰਜ਼ ਬੈਂਗਲੁਰੂ ਨੇ ਲਖਨਊ ਸੁਪਰ ਜੈਂਟਸ ਕੋਲੋਂ 18 ਦੌੜਾਂ ਨਾਲ ਜਿੱਤਿਆ ਮੈਚ
ਗੌਰਤਲਬ ਹੈ ਕਿ ਦੋਵਾਂ ਖਿਡਾਰੀਆਂ ਵਿਚਾਲੇ ਤਣਾਅ ਦੀਆਂ ਕਹਾਣੀਆਂ ਪੁਰਾਣੀਆਂ ਹਨ। ਇਸ ਤੋਂ ਪਹਿਲਾਂ ਗੌਤਮ ਗੰਭੀਰ ਆਈਪੀਐਲ ਦੇ ਇੱਕ ਮੈਚ ਵਿੱਚ ਇੱਕ ਖਿਡਾਰੀ ਦੇ ਰੂਪ ਵਿੱਚ ਵਿਰਾਟ ਕੋਹਲੀ ਦਾ ਸਾਹਮਣਾ ਕਰ ਚੁੱਕੇ ਹਨ। ਉਥੇ ਹੀ, ਬੇਂਗਲੁਰੂ 'ਚ ਖੇਡੇ ਗਏ ਮੈਚ 'ਚ ਲਖਨਊ ਦੀ ਜਿੱਤ ਦੇ ਬਾਵਜੂਦ ਕੋਹਲੀ ਦੇ ਐਕਸ਼ਨ ਨੂੰ ਹਮਲਾਵਰ ਮੰਨਿਆ ਗਿਆ ਸੀ। ਨਤੀਜੇ ਵਜੋਂ ਕੋਹਲੀ ਵੀ ਹਮਲਾਵਰ ਹੋ ਗਏ।
ਮੈਚ ਦੌਰਾਨ ਵਿਰਾਟ ਕੋਹਲੀ ਨੇ 3 ਕੈਚ ਲਏ ਅਤੇ 31 ਦੌੜਾਂ ਵੀ ਬਣਾਈਆਂ। ਇਹ ਮੈਚ ਜਿੱਤ ਕੇ ਬੈਂਗਲੁਰੂ ਨੇ ਲਖਨਊ ਤੋਂ ਆਪਣੀ ਪਹਿਲੀ ਹਾਰ ਦਾ ਬਦਲਾ ਲੈ ਲਿਆ। ਮੈਚ ਖ਼ਤਮ ਹੋਣ ਤੋਂ ਬਾਅਦ ਜਦੋਂ ਉਹ ਪੈਵੇਲੀਅਨ ਵੱਲ ਵਧ ਰਿਹਾ ਸੀ ਤਾਂ ਲਖਨਊ ਦੇ ਮੈਂਟਰ ਗੌਤਮ ਗੰਭੀਰ ਨਾਲ ਉਸ ਦੀ ਤਕਰਾਰ ਹੋ ਗਈ। ਇਸ ਤੋਂ ਬਾਅਦ ਦੋਵਾਂ ਟੀਮਾਂ ਦੇ ਖਿਡਾਰੀਆਂ ਨੇ ਉਨ੍ਹਾਂ ਨੂੰ ਵੱਖ ਕਰ ਲਿਆ। ਇਸ ਤੋਂ ਪਹਿਲਾਂ ਮੈਚ ਦੌਰਾਨ ਇੱਕ ਨੌਜਵਾਨ ਗਰਾਊਂਡ ਵਿੱਚ ਦਾਖਲ ਹੋਇਆ। ਉਸ ਨੇ ਵਿਰਾਟ ਕੋਹਲੀ ਦੇ ਪੈਰ ਛੂਹੇ। ਵਿਰਾਟ ਕੋਹਲੀ ਨੇ ਨੌਜਵਾਨ ਨੂੰ ਗਲੇ ਲਗਾਇਆ। ਫਿਰ ਉਹ ਗੱਲਾਂ ਕਰਦੇ ਹੋਏ ਮੈਦਾਨ ਚੋਂ ਬਾਹਰ ਚਲਾ ਗਿਆ।
ਇਹ ਵੀ ਪੜ੍ਹੋ: Murder in Tihar Jail: ਤਿਹਾੜ ਜੇਲ੍ਹ 'ਚ ਫਿਰ ਗੈਂਗ ਵਾਰ, ਗੈਂਗਸਟਰ ਟਿੱਲੂ ਤਾਜਪੁਰੀਆ ਦਾ ਕਤਲ
