ਹੈਦਰਾਬਾਦ: IPL 2022 ਦਾ ਲੀਗ ਪੜਾਅ ਖ਼ਤਮ ਹੋਣ ਦੀ ਕਗਾਰ 'ਤੇ ਹੈ। ਪਲੇਆਫ ਦੀ ਸਥਿਤੀ ਬਹੁਤ ਸਪੱਸ਼ਟ ਹੋ ਗਈ ਹੈ। ਬੁੱਧਵਾਰ (18 ਮਈ) ਨੂੰ ਕੋਲਕਾਤਾ ਖਿਲਾਫ ਦੋ ਦੌੜਾਂ ਦੀ ਜਿੱਤ ਨਾਲ ਲਖਨਊ ਨੇ ਪਲੇਆਫ 'ਚ ਜਗ੍ਹਾ ਬਣਾ ਲਈ ਹੈ।
ਤੁਹਾਨੂੰ ਦੱਸ ਦੇਈਏ ਕਿ ਲਖਨਊ ਦੇ 18 ਅੰਕ ਹਨ ਅਤੇ ਇਹ ਟੀਮ ਅੰਕ ਸੂਚੀ ਵਿੱਚ ਦੂਜੇ ਸਥਾਨ 'ਤੇ ਹੈ। ਜੇਕਰ ਰਾਜਸਥਾਨ ਦੀ ਟੀਮ ਆਪਣਾ ਆਖਰੀ ਮੈਚ ਜਿੱਤ ਜਾਂਦੀ ਹੈ ਤਾਂ ਲਖਨਊ ਨੂੰ ਪਹਿਲਾ ਐਲੀਮੀਨੇਟਰ ਖੇਡਣਾ ਹੋਵੇਗਾ। ਇਸ ਦੇ ਨਾਲ ਹੀ ਰਾਜਸਥਾਨ ਹਾਰਦਾ ਹੈ ਤਾਂ ਲਖਨਊ ਪਹਿਲਾ ਕੁਆਲੀਫਾਇਰ ਖੇਡ ਸਕਦਾ ਹੈ। ਯੁਜਵੇਂਦਰ ਚਾਹਲ ਅਜੇ ਵੀ ਪਰਪਲ ਕੈਪ ਦੀ ਦੌੜ ਵਿੱਚ ਸਭ ਤੋਂ ਅੱਗੇ ਹਨ। ਕੋਲਕਾਤਾ ਖਿਲਾਫ ਅਜੇਤੂ 140 ਦੌੜਾਂ ਬਣਾਉਣ ਵਾਲੇ ਕਵਿੰਟਨ ਡੀ ਕਾਕ ਆਰੇਂਜ ਕੈਪ ਦੀ ਰੇਸ 'ਚ ਤੀਜੇ ਨੰਬਰ 'ਤੇ ਆ ਗਏ ਹਨ।
ਟੇਬਲ ਅੰਕਾਂ ਦੀ ਸਥਿਤੀ: 13 ਮੈਚਾਂ 'ਚ 10 ਜਿੱਤਾਂ ਹਾਸਲ ਕਰਨ ਵਾਲੀ ਗੁਜਰਾਤ ਦੀ ਟੀਮ ਅੰਕ ਸੂਚੀ 'ਚ ਪਹਿਲੇ ਸਥਾਨ 'ਤੇ ਬਰਕਰਾਰ ਹੈ। ਗੁਜਰਾਤ ਦੇ 20 ਅੰਕ ਹਨ ਅਤੇ ਇਹ ਟੀਮ ਪਹਿਲਾ ਕੁਆਲੀਫਾਇਰ ਖੇਡਣ ਲਈ ਤਿਆਰ ਹੈ। ਕੋਲਕਾਤਾ ਦੀ ਜਿੱਤ ਦੇ ਨਾਲ ਹੀ ਲਖਨਊ ਦੀ ਟੀਮ ਵੀ ਪਲੇਆਫ ਵਿੱਚ ਪਹੁੰਚ ਗਈ ਹੈ। ਲਖਨਊ ਦੇ 18 ਅੰਕ ਹਨ, ਪਰ ਉਸ ਦਾ ਸਥਾਨ ਅਜੇ ਪੱਕਾ ਨਹੀਂ ਹੋਇਆ ਹੈ। ਲਖਨਊ ਲਈ ਕੁਆਲੀਫਾਇਰ ਜਾਂ ਐਲੀਮੀਨੇਟਰ ਖੇਡਣਾ ਰਾਜਸਥਾਨ ਦੇ ਮੈਚ ਦੇ ਨਤੀਜੇ 'ਤੇ ਨਿਰਭਰ ਕਰਦਾ ਹੈ।
ਰਾਜਸਥਾਨ ਦੀ ਟੀਮ 13 ਵਿੱਚੋਂ ਅੱਠ ਜਿੱਤਾਂ ਨਾਲ ਅੰਕ ਸੂਚੀ ਵਿੱਚ ਤੀਜੇ ਸਥਾਨ ’ਤੇ ਹੈ। ਰਾਜਸਥਾਨ ਦੇ 16 ਅੰਕ ਹਨ। ਪਲੇਆਫ 'ਚ ਆਪਣੀ ਜਗ੍ਹਾ ਪੱਕੀ ਕਰਨ ਲਈ ਰਾਜਸਥਾਨ ਨੂੰ ਆਖਰੀ ਮੈਚ ਜਿੱਤਣਾ ਹੋਵੇਗਾ। ਦਿੱਲੀ ਦੀ ਟੀਮ 13 ਮੈਚਾਂ 'ਚ ਸੱਤ ਜਿੱਤਾਂ ਨਾਲ ਚੌਥੇ ਸਥਾਨ 'ਤੇ ਹੈ। ਦਿੱਲੀ ਦੇ 14 ਅੰਕ ਹਨ, ਆਖਰੀ ਮੈਚ ਜਿੱਤ ਕੇ ਦਿੱਲੀ ਪਲੇਆਫ 'ਚ ਵੀ ਪਹੁੰਚ ਸਕਦੀ ਹੈ।
ਇਸ ਦੇ ਨਾਲ ਹੀ ਆਰਸੀਬੀ ਦੀ ਟੀਮ 14 ਅੰਕਾਂ ਨਾਲ ਪੰਜਵੇਂ ਸਥਾਨ 'ਤੇ ਹੈ। ਆਖਰੀ ਮੈਚ ਜਿੱਤਣ ਤੋਂ ਬਾਅਦ ਵੀ ਆਰਸੀਬੀ ਦੀ ਪਲੇਆਫ ਵਿੱਚ ਪਹੁੰਚ ਪੱਕੀ ਨਹੀਂ ਹੈ। ਕੋਲਕਾਤਾ 14 ਮੈਚਾਂ 'ਚ 12 ਅੰਕਾਂ ਨਾਲ ਛੇਵੇਂ ਸਥਾਨ 'ਤੇ ਹੈ ਪਰ ਇਹ ਟੀਮ ਪਲੇਆਫ ਦੀ ਦੌੜ ਤੋਂ ਬਾਹਰ ਹੈ। ਸੱਤਵੇਂ ਸਥਾਨ 'ਤੇ ਕਾਬਜ਼ ਪੰਜਾਬ ਅਤੇ ਅੱਠਵੇਂ ਸਥਾਨ 'ਤੇ ਕਾਬਜ਼ ਹੈਦਰਾਬਾਦ ਦੀਆਂ ਪਲੇਆਫ 'ਚ ਪਹੁੰਚਣ ਦੀਆਂ ਉਮੀਦਾਂ ਧੁੰਦਲੀਆਂ ਹਨ। ਦੋਵਾਂ ਟੀਮਾਂ ਦੇ 13 ਮੈਚਾਂ ਵਿੱਚ 12 ਅੰਕ ਹਨ। ਚੇਨਈ ਅਤੇ ਮੁੰਬਈ ਪਹਿਲਾਂ ਹੀ ਪਲੇਆਫ ਤੋਂ ਬਾਹਰ ਹੋ ਚੁੱਕੇ ਹਨ। ਚੇਨਈ ਦੇ 13 ਮੈਚਾਂ ਵਿੱਚ ਅੱਠ ਅਤੇ ਮੁੰਬਈ ਦੇ 13 ਮੈਚਾਂ ਵਿੱਚ ਛੇ ਅੰਕ ਹਨ।
ਸਭ ਤੋਂ ਵੱਧ ਦੌੜਾਂ ਬਣਾਉਣ ਵਾਲੇ ਖਿਡਾਰੀ (ਔਰੇਂਜ ਕੈਪ): ਰਾਜਸਥਾਨ ਦੇ ਸਲਾਮੀ ਬੱਲੇਬਾਜ਼ ਜੋਸ ਬਟਲਰ ਆਰੇਂਜ ਕੈਪ ਦੀ ਦੌੜ ਵਿੱਚ ਸਭ ਤੋਂ ਅੱਗੇ ਹਨ। ਉਸ ਨੇ 13 ਮੈਚਾਂ 'ਚ 627 ਦੌੜਾਂ ਬਣਾਈਆਂ ਹਨ। ਇਸ ਦੇ ਨਾਲ ਹੀ ਲਖਨਊ ਦੇ ਕਪਤਾਨ ਕੇਐਲ ਰਾਹੁਲ ਦੂਜੇ ਅਤੇ ਕਵਿੰਟਨ ਡੀ ਕਾਕ ਤੀਜੇ ਨੰਬਰ 'ਤੇ ਹਨ।
ਸਭ ਤੋਂ ਵੱਧ ਵਿਕਟ ਲੈਣ ਗੇਂਦਾਬਾਜ (ਪਰਪਲ ਕੈਪ): ਯੁਜਵੇਂਦਰ ਚਾਹਲ ਸਭ ਤੋਂ ਜ਼ਿਆਦਾ ਵਿਕਟਾਂ ਲੈਣ ਦੇ ਮਾਮਲੇ 'ਚ ਸਭ ਤੋਂ ਅੱਗੇ ਹਨ। ਚਾਹਲ ਨੇ 13 ਮੈਚਾਂ 'ਚ 24 ਵਿਕਟਾਂ ਲਈਆਂ ਹਨ। ਇਸ ਦੇ ਨਾਲ ਹੀ ਹਸਰੰਗਾ ਦੇ ਨਾਂ ਇੰਨੇ ਹੀ ਮੈਚਾਂ 'ਚ 23 ਵਿਕਟਾਂ ਹਨ।
ਇਹ ਵੀ ਪੜ੍ਹੋ: IPL Match Preview: ਅੱਜ ਜਿੱਤ ਨਾਲ ਲੀਗ ਪੜਾਅ ਦੀ ਅੰਤ ਕਰਨਾ ਚਾਹੇਗਾ ਗੁਜਰਾਤ, RCB ਨੂੰ ਵੱਡੀ ਜਿੱਤ ਦੀ ਲੋੜ
