ਹੈਦਰਾਬਾਦ: ਦੇਸ਼ ਭਰ 'ਚ ਕਰੋੜਾਂ ਯੂਜ਼ਰਸ ਇੰਸਟਾਗ੍ਰਾਮ ਦਾ ਇਸਤੇਮਾਲ ਕਰਦੇ ਹਨ। ਕੰਪਨੀ ਲਗਾਤਾਰ ਇਸ ਐਪ ਨੂੰ ਅਪਡੇਟ ਕਰ ਰਹੀ ਹੈ। ਹੁਣ ਮੈਟਾ ਇੰਸਟਾਗ੍ਰਾਮ 'ਚ ਕਈ ਸਾਰੇ ਨਵੇਂ ਫੀਚਰ ਲਿਆਉਣ ਵਾਲਾ ਹੈ। ਕੰਪਨੀ ਨੇ ਦੱਸਿਆ ਕਿ ਇਹ ਫੀਚਰ ਕ੍ਰਿਏਟਰਸ ਦੇ ਨਾਲ-ਨਾਲ ਆਮ ਲੋਕਾਂ ਲਈ ਵੀ ਆਉਣ ਵਾਲੇ ਹਨ। ਸੈਸ਼ਨ 'ਚ ਕੰਪਨੀ ਨੇ ਕ੍ਰਿਏਟਰਸ ਨੂੰ ਨਵੇਂ ਫੀਚਰਸ ਬਾਰੇ ਦੱਸਿਆ ਕਿ ਕਿਵੇਂ ਯੂਜ਼ਰਸ ਇਸਦਾ ਇਸਤੇਮਾਲ ਕਰ ਸਕਦੇ ਹਨ। ਫਿਲਹਾਲ ਕੰਪਨੀ ਇਨ੍ਹਾਂ ਫੀਚਰਸ ਦੀ ਟੈਸਟਿੰਗ ਕਰ ਰਹੀ ਹੈ, ਜੋ ਜਲਦ ਹੀ ਸਾਰਿਆਂ ਨੂੰ ਮਿਲਣਗੇ। ਆਉਣ ਵਾਲੇ ਸਮੇਂ 'ਚ ਤੁਹਾਨੂੰ ਐਪ 'ਚ Birthday, ਆਡੀਓ ਨੋਟ, ਸੈਲਫ਼ੀ ਵੀਡੀਓ ਨੋਟ ਅਤੇ ਸਟੋਰੀ ਲਈ ਮਲਟੀ ਲਿਸਟ ਫੀਚਰ ਮਿਲੇਗਾ।
ਇੰਸਟਾਗ੍ਰਾਮ 'ਤੇ ਮਿਲਣਗੇ ਇਹ ਫੀਚਰਸ:
Birthday ਫੀਚਰ: ਇੰਸਟਾਗ੍ਰਾਮ ਦੇ ਰਾਹੀ ਕਈ ਲੋਕ ਆਪਣੇ ਕਰੀਬੀਆਂ ਨੂੰ ਜਨਮਦਿਨ ਦੀਆਂ ਮੁਬਾਰਕਾਂ ਦਿੰਦੇ ਹਨ। ਜਲਦ ਕੰਪਨੀ ਇਸ ਲਈ 'Birthday' ਨਾਮ ਦਾ ਫੀਚਰ ਲੈ ਕੇ ਆ ਰਹੀ ਹੈ। ਇਸ ਰਾਹੀ ਯੂਜ਼ਰਸ ਆਪਣੇ Birthday Celebration ਨੂੰ ਆਸਾਨੀ ਨਾਲ ਆਪਣੇ ਕਰੀਬੀਆਂ ਦੇ ਨਾਲ ਸ਼ੇਅਰ ਕਰ ਸਕਣਗੇ।
ਆਡੀਓ ਅਤੇ ਸੈਲਫੀ ਨੋਟ: ਇੰਸਟਾਗ੍ਰਾਮ 'ਤੇ ਪਿਛਲੇ ਸਾਲ ਨੋਟ ਫੀਚਰ ਪੇਸ਼ ਕੀਤਾ ਗਿਆ ਸੀ। ਇਸਦੀ ਮਦਦ ਨਾਲ ਯੂਜ਼ਰਸ ਆਪਣੀ ਮਨ ਦੀ ਗੱਲ ਜਾਂ ਸਟੇਟਸ ਲੋਕਾਂ ਦੇ ਨਾਲ ਸ਼ੇਅਰ ਕਰ ਸਕਦੇ ਹਨ। ਹਾਲ ਹੀ 'ਚ ਕੰਪਨੀ ਨੇ ਨੋਟ 'ਚ ਮਿਊਜ਼ਿਕ ਐਡ ਕਰਨ ਦੀ ਸੁਵਿਧਾ ਵੀ ਦਿੱਤੀ ਹੈ। ਹੁਣ ਜਲਦ ਹੀ ਕੰਪਨੀ ਯੂਜ਼ਰਸ ਨੂੰ Voice ਨੋਟ ਅਤੇ ਸੈਲਫ਼ੀ ਵੀਡੀਓ ਨੋਟ ਰਿਕਾਰਡ ਕਰਨ ਦਾ ਆਪਸ਼ਨ ਵੀ ਦੇਵੇਗੀ।
ਮਲਟੀ ਲਿਸਟ ਫੀਚਰ: ਹੁਣ ਇੰਸਟਾਗ੍ਰਾਮ 'ਤੇ ਜਲਦ ਹੀ ਤੁਸੀਂ ਸਟੋਰੀ ਲਈ ਮਲਟੀ ਲਿਸਟ ਬਣਾ ਸਕੋਗੇ। ਇਸ ਲਿਸਟ 'ਚ ਤੁਸੀਂ ਦੋਸਤਾਂ, ਪਰਿਵਾਰ ਦੇ ਮੈਬਰਾਂ, ਦਫ਼ਤਰ ਦੇ ਦੋਸਤਾਂ ਆਦਿ ਨੂੰ ਐਡ ਕਰ ਸਕੋਗੇ। ਇਸ ਫੀਚਰ ਦੀ ਮਦਦ ਨਾਲ ਤੁਸੀਂ ਆਪਣੀ ਸਟੋਰੀ ਨੂੰ ਕੁਝ ਚੁਣੇ ਹੋਏ ਲੋਕਾਂ ਨਾਲ ਸ਼ੇਅਰ ਕਰ ਸਕਦੇ ਹੋ।
ਇੰਸਟਾਗ੍ਰਾਮ ਕੰਮੈਟਸ 'ਚ ਮਿਲੇਗਾ ਪੋਲ ਫੀਚਰ: ਇਸ ਤੋਂ ਇਲਾਵਾ ਹਾਲ ਹੀ ਵਿੱਚ ਮੈਟਾ ਦੇ ਸੀਈਓ ਮਾਰਕ ਨੇ ਆਪਣੇ Broadcast ਚੈਨਲ ਰਾਹੀ ਇੱਕ ਹੋਰ ਆਉਣ ਵਾਲੇ ਫੀਚਰ ਬਾਰੇ ਦੱਸਿਆ ਹੈ। ਜਲਦ ਤੁਹਾਨੂੰ ਕੰਮੈਟਸ 'ਚ ਪੋਲ ਫੀਚਰ ਮਿਲੇਗਾ। ਤੁਸੀ ਕੰਮੈਟਸ 'ਚ ਲੋਕਾਂ ਦੀ ਰਾਏ ਕਿਸੇ ਵੀ ਵਿਸ਼ੇ 'ਤੇ ਜਾਣ ਸਕੋਗੇ।
