ETV Bharat / entertainment

Film Baap: ਬਾਲੀਵੁੱਡ ਫ਼ਿਲਮ 'ਬਾਪ' 'ਚ ਪਹਿਲੀ ਵਾਰ ਇਕੱਠੇ ਨਜ਼ਰ ਆਉਣਗੇ ਇਹ ਚਾਰ ਮਸ਼ਹੂਰ ਅਦਾਕਾਰ, ਫਿਲਮ ਜਲਦ ਹੋਵੇਗੀ ਰਿਲੀਜ਼

author img

By ETV Bharat Punjabi Team

Published : Oct 29, 2023, 2:22 PM IST

Film Baap
Film Baap

Film Baap: ਹਿੰਦੀ ਫ਼ਿਲਮ ਇੰਡਸਟਰੀ ਦੇ ਚਾਰ ਮਸ਼ਹੂਰ ਅਦਾਕਾਰ ਸਨੀ ਦਿਓਲ, ਸੰਜੇ ਦੱਤ, ਮਿਥੁਨ ਚੱਕਰਵਰਤੀ ਅਤੇ ਜੈਕੀ ਸ਼ਰਾਫ ਰਿਲੀਜ਼ ਹੋਣ ਜਾ ਰਹੀ ਫਿਲਮ 'ਬਾਪ' 'ਚ ਪਹਿਲੀ ਵਾਰ ਇਕੱਠੇ ਨਜ਼ਰ ਆਉਣਗੇ।

ਫਰੀਦਕੋਟ: ਹਿੰਦੀ ਫ਼ਿਲਮ ਇੰਡਸਟਰੀ ਦੇ ਚਾਰ ਮਸ਼ਹੂਰ ਅਦਾਕਾਰ ਸਨੀ ਦਿਓਲ, ਸੰਜੇ ਦੱਤ, ਮਿਥੁਨ ਚੱਕਰਵਰਤੀ ਅਤੇ ਜੈਕੀ ਸ਼ਰਾਫ ਪਹਿਲੀ ਵਾਰ ਇਕੱਠੇ ਨਜ਼ਰ ਆਉਣਗੇ। ਇਹ ਚਾਰ ਅਦਾਕਾਰ ਰਿਲੀਜ਼ ਹੋਣ ਜਾ ਰਹੀ ਫਿਲਮ 'ਬਾਪ' ਵਿੱਚ ਲੀਡ ਭੂਮਿਕਾਵਾਂ 'ਚ ਨਜ਼ਰ ਆਉਣਗੇ। 'ਆਲ ਫ਼ਿਲਮਜ਼' ਦੇ ਬੈਨਰ ਹੇਠ ਬਣਾਈ ਗਈ ਇਸ ਫ਼ਿਲਮ ਦਾ ਨਿਰਦੇਸ਼ਨ ਵਿਵੇਕ ਚੌਹਾਨ ਵੱਲੋ ਕੀਤਾ ਜਾ ਰਿਹਾ ਹੈ, ਜਦਕਿ ਨਿਰਮਾਣ ਅਹਿਮਦ ਖਾਨ, ਸ਼ਾਇਰਾ ਅਹਿਮਦ ਖਾਨ ਅਤੇ ਜ਼ੀ ਸਟੂਡੀਓਜ਼ ਦੁਆਰਾ ਸਾਂਝੇ ਤੌਰ 'ਤੇ ਕੀਤਾ ਜਾ ਰਿਹਾ ਹੈ।

Film Baap
ਬਾਲੀਵੁੱਡ ਫ਼ਿਲਮ 'ਬਾਪ'

ਇਸ ਫ਼ਿਲਮ ਸਬੰਧੀ ਜਾਣਕਾਰੀ ਦਿੰਦਿਆਂ ਨਿਰਮਾਣ ਟੀਮ ਨੇ ਦੱਸਿਆ ਕਿ ਫ਼ਿਲਮ ਦੀ ਸ਼ੂਟਿੰਗ ਤਕਰੀਬਨ ਪੂਰੀ ਹੋ ਚੁੱਕੀ ਅਤੇ ਸਿਰਫ਼ ਕੁਝ ਗੀਤਾਂ ਦਾ ਫਿਲਮਾਂਕਣ ਬਾਕੀ ਹੈ, ਜਿਨਾਂ ਦੀ ਸ਼ੂਟਿੰਗ ਸ਼ੁਰੂ ਕਰ ਦਿੱਤੀ ਗਈ ਹੈ ਅਤੇ ਇਸਨੂੰ ਤੇਜ਼ੀ ਨਾਲ ਮੁਕੰਮਲ ਕੀਤਾ ਜਾ ਰਿਹਾ ਹੈ। ਬਾਲੀਵੁੱਡ ਦੇ ਮਸ਼ਹੂਰ ਕੋਰੀਓਗ੍ਰਾਫਰ ਵਜੋ ਵਿਲੱਖਣ ਅਤੇ ਸ਼ਾਨਦਾਰ ਪਹਿਚਾਣ ਸਥਾਪਿਤ ਕਰ ਚੁੱਕੇ ਅਹਿਮਦ ਖਾਨ ਇਸ ਫ਼ਿਲਮ ਦੁਆਰਾ ਬਤੌਰ ਨਿਰਮਾਤਾ ਇੱਕ ਨਵੀਂ ਸਿਨੇਮਾ ਪਾਰੀ ਦਾ ਆਗਾਜ਼ ਕਰਨ ਜਾ ਰਹੇ ਹਨ।

Film Baap
ਬਾਲੀਵੁੱਡ ਫ਼ਿਲਮ 'ਬਾਪ'

ਉਨ੍ਹਾਂ ਨੇ ਇਸ ਸਬੰਧੀ ਕੁਝ ਹੋਰ ਜਾਣਕਾਰੀ ਸਾਂਝੀ ਕਰਦਿਆਂ ਦੱਸਿਆ ਕਿ ਇਸ ਫਿਲਮ 'ਚ ਐਕਸ਼ਨ-ਕਾਮੇਡੀ ਤੋਂ ਇਲਾਵਾ ਰੋਮਾਂਸ ਵੀ ਦੇਖਣ ਨੂੰ ਮਿਲੇਗਾ। ਉਨ੍ਹਾਂ ਨੇ ਦੱਸਿਆ ਕਿ ਜੋਜੋ ਖਾਨ, ਨਿਕੀਤ ਪਾਂਡੇ ਅਤੇ ਰਾਜ ਸਲੂਜਾ ਵੱਲੋ ਲਿਖੀ ਗਈ ਇਸ ਫ਼ਿਲਮ ਦੀ ਸ਼ੂਟਿੰਗ ਮੁੰਬਈ ਤੋਂ ਇਲਾਵਾ ਆਸ ਪਾਸ ਦੇ ਹੋਰਨਾ ਹਿੱਸਿਆਂ ਵਿੱਚ ਵੀ ਪੂਰੀ ਕੀਤੀ ਗਈ ਹੈ। ਇਸਦੇ ਨਾਲ ਹੀ ਗਾਣਿਆ ਦਾ ਸ਼ੂਟ ਵੀ ਬਹੁਤ ਮਨਮੋਹਕ ਲੋਕੇਸ਼ਨਾਂ 'ਤੇ ਕੀਤਾ ਜਾ ਰਿਹਾ ਹੈ।

Film Baap
ਬਾਲੀਵੁੱਡ ਫ਼ਿਲਮ 'ਬਾਪ'

ਨਿਰਮਾਤਾ ਅਹਿਮਦ ਖਾਨ ਅਨੁਸਾਰ, ਇਸ ਮਲਟੀ-ਸਟਾਰਰ ਫ਼ਿਲਮ ਦਾ ਖਾਸ ਆਕਰਸ਼ਣ ਸਨੀ ਦਿਓਲ ਅਤੇ ਮਿਥੁਨ ਚਕਰਵਰਤੀ ਹੋਣਗੇ। ਇਨ੍ਹਾਂ ਦੋਵਾਂ ਦੀ ਇਕੱਠਿਆਂ ਇਹ ਪਹਿਲੀ ਫਿਲਮ ਹੈ। ਇਸ ਤੋਂ ਪਹਿਲਾਂ ਇਹ ਦੋਵੇ ਅਦਾਕਾਰ ਕਦੇ ਵੀ ਸਿਲਵਰ ਸਕਰੀਨ 'ਤੇ ਇਕੱਠੇ ਨਜ਼ਰ ਨਹੀਂ ਆਏ। ਉਨ੍ਹਾਂ ਨੇ ਦੱਸਿਆ ਕਿ ਇਸ ਫ਼ਿਲਮ ਵਿੱਚ ਚਾਰੋ ਸਿਤਾਰਿਆਂ ਨੇ ਬਹੁਤ ਹੀ ਖਤਰਨਾਕ ਐਕਸ਼ਨ ਸੀਨਜ ਕੀਤੇ ਹੋਏ ਹਨ, ਜੋ ਦਰਸ਼ਕਾਂ ਨੂੰ ਜ਼ਰੂਰ ਪਸੰਦ ਆਉਣਗੇ। ਇਸ ਫ਼ਿਲਮ ਦਾ ਟ੍ਰੇਲਰ ਵੀ ਜਲਦ ਹੀ ਵੱਡੇ ਪੱਧਰ 'ਤੇ ਜਾਰੀ ਕੀਤਾ ਜਾਵੇੇਗਾ।

Film Baap
ਬਾਲੀਵੁੱਡ ਫ਼ਿਲਮ 'ਬਾਪ'
ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.