ਚੰਡੀਗੜ੍ਹ: ਨਿਮਰਤ ਖਹਿਰਾ ਅਜੋਕੇ ਸਮੇਂ ਦੀ ਇੱਕ ਅਜਿਹੀ ਔਰਤ ਪੰਜਾਬੀ ਗਾਇਕਾ-ਅਦਾਕਾਰਾ ਹੈ, ਜੋ ਆਪਣੇ ਕੰਮ ਨਾਲ ਇਕਸਾਰ ਰਹੀ ਹੈ, ਨਿਮਰਤ ਖਹਿਰਾ ਪੰਜਾਬੀ ਦੀ ਇੱਕ ਅਜਿਹੀ ਗਾਇਕਾ ਹੈ, ਜੋ ਲੱਖਾਂ ਲੋਕਾਂ ਦੇ ਦਿਲਾਂ ਦੀ ਧੜਕਣ ਹੈ। ਅਦਾਕਾਰਾ ਆਏ ਦਿਨ ਆਪਣੀਆਂ ਤਸਵੀਰਾਂ ਕਾਰਨ ਸੁਰਖ਼ੀਆਂ ਵਿੱਚ ਰਹਿੰਦੀ ਹੈ। ਅਦਾਕਾਰਾ-ਗਾਇਕਾ ਦੀਆਂ ਸਾਧਾਰਨ ਤਸਵੀਰਾਂ ਵੀ ਪ੍ਰਸ਼ੰਸਕਾਂ ਨੂੰ ਆਪਣੇ ਵੱਲ ਖਿੱਚੀਆਂ ਹਨ।
ਇਸੇ ਤਰ੍ਹਾਂ ਅਦਾਕਾਰਾ ਨੇ ਹਾਲ ਹੀ ਵਿੱਚ ਇੱਕ ਨਵੀਂ ਪੰਜਾਬੀ ਫਿਲਮ ਦਾ ਐਲਾਨ ਕੀਤਾ ਹੈ, ਇਸ ਫਿਲਮ ਦਾ ਨਾਂ 'ਮਹਾਰਾਣੀ ਜਿੰਦ ਕੌਰ' ਹੈ, ਇਹ ਫਿਲਮ ਅਗਲੇ ਸਾਲ ਰਿਲੀਜ਼ (Punjabi Film Maharani Jind Kaur) ਹੋਵੇਗੀ। ਇਸ ਫਿਲਮ ਦਾ ਐਲਾਨ ਕਰਦੇ ਹੋਏ ਅਦਾਕਾਰਾ ਨੇ ਇੰਸਟਾਗ੍ਰਾਮ ਉਤੇ ਲਿਖਿਆ 'ਮਹਾਰਾਣੀ ਜਿੰਦ ਕੌਰ 2025 ਵਿੱਚ ਸਿਨੇਮਾਘਰਾਂ ਵਿੱਚ...ਮਹਾਰਾਣੀ ਜਿੰਦ ਕੌਰ...ਮੇਰੀ ਸੁਪਨੇ ਦੀ ਭੂਮਿਕਾ, ਇਹ ਪ੍ਰੋਜੈਕਟ ਮੇਰੇ ਦਿਲ ਦੇ ਬਹੁਤ ਨੇੜੇ ਹੈ, ਇਸ ਚੀਜ਼ ਦਾ ਹਿੱਸਾ ਬਣ ਕੇ ਮੇਰੇ ਲਈ ਇਸ ਤੋਂ ਵੱਧ ਖੁਸ਼ੀ ਅਤੇ ਮਾਣ ਵਾਲੀ ਚੀਜ਼ ਹੋਰ ਕੋਈ ਨਹੀਂ ਹੋ ਸਕਦੀ।'
ਅਦਾਕਾਰਾ (Nimrat Khaira film Maharani Jind Kaur) ਨੇ ਅੱਗੇ ਲਿਖਿਆ 'ਭਟਕਦੇ ਸਿਰਨਾਵਿਆਂ ਦੀ ਪੁਰਜ਼ੋਰ ਪੀੜ ਨੂੰ ਜੇ ਕਿਸੇ ਹੋਰ ਨਾਮ ਨਾਲ ਬੁਲਾਉਣਾ ਹੋਵੇ ਤਾਂ ਇੱਕੋ ਸੁਨਹਿਰੀ ਨਾਮ ਜ਼ੁਬਾਨ ‘ਤੇ ਆਉਂਦੈ, ਪੰਜਾਬ ਦੀ ਤਵਾਰੀਖ ਦਾ ਸੁੱਚਾ ਮੋਤੀ "ਮਹਾਰਾਣੀ ਜਿੰਦ ਕੌਰ" ਜੋ ਸੈਆਂ ਵਾਰ ਟੁੱਟ ਕੇ ਵੀ ਸਦਾ ਜੁੜੀ ਰਹੀ।'
- Salman Khan And Arijit Singh: ਸਲਮਾਨ ਖਾਨ ਅਤੇ ਅਰਿਜੀਤ ਸਿੰਘ ਵਿਚਾਲੇ 9 ਸਾਲਾਂ ਦਾ ਝਗੜਾ ਹੋਇਆ ਖਤਮ, 'ਭਾਈਜਾਨ' ਦੇ ਘਰ 'ਚ ਨਜ਼ਰ ਆਏ ਗਾਇਕ, ਦੇਖੋ ਵੀਡੀਓ
- Neha And Rohanpreet Song Gaadi Kaali: 'ਗੱਡੀ ਕਾਲੀ’ ਨਾਲ ਦਰਸ਼ਕਾਂ ਦੇ ਸਨਮੁੱਖ ਹੋਵੇਗੀ ਨੇਹਾ ਕੱਕੜ ਅਤੇ ਰੋਹਨਪ੍ਰੀਤ ਦੀ ਜੋੜੀ, ਜਲਦ ਰਿਲੀਜ਼ ਹੋਵੇਗਾ ਗੀਤ
- Ranjit Bawa New Song Gaani Out: 'ਗਾਨੀ' ਗੀਤ ਨਾਲ ਇੱਕ ਹੋਰ ਸ਼ਾਨਦਾਰ ਪਾਰੀ ਵੱਲ ਵਧੀ ਅਦਾਕਾਰਾ ਰੁਬੀਨਾ ਬਾਜਵਾ, ਵੱਖ-ਵੱਖ ਪਲੇਟਫ਼ਾਰਮ 'ਤੇ ਹੋਇਆ ਰਿਲੀਜ਼
ਫਿਲਮ ਬਾਰੇ ਹੋਰ ਗੱਲ ਕਰੀਏ ਤਾਂ ਇਹ ਫਿਲਮ 2025 ਵਿੱਚ ਰਿਲੀਜ਼ ਹੋਵੇਗੀ। ਇਸ ਫਿਲਮ ਨੂੰ ਅਮਰਜੀਤ ਸਿੰਘ ਸਾਰੋਂ ਨੇ ਲਿਖਿਆ ਹੈ, ਇਸ ਦਾ ਨਿਰਦੇਸ਼ਨ ਵੀ ਅਮਰਜੀਤ ਸਿੰਘ ਸਾਰੋਂ ਹੀ ਕਰਨਗੇ। ਇਸ ਤੋਂ ਪਹਿਲਾਂ ਨਿਰਦੇਸ਼ਕ ਕੋਲ ਕਈ ਫਿਲਮਾਂ ਪਾਈਪਲਾਈਨ ਵਿੱਚ ਹਨ, ਜਿਹਨਾਂ ਵਿੱਚ ਦਿਲਜੀਤ ਦੁਸਾਂਝ, ਸ਼ਹਿਨਾਜ਼ ਅਤੇ ਸੋਨਮ ਬਾਜਵਾ ਨਾਲ 'ਰੰਨਾਂ 'ਚ ਧੰਨਾ' ਅਤੇ ਐਮੀ ਵਿਰਕ ਦੀ 'ਜੁਗਨੀ 1907' ਹੈ।
