ਹੈਦਰਾਬਾਦ: ਬਾਲੀਵੁੱਡ ਅਦਾਕਾਰਾ ਪਰਿਣੀਤੀ ਚੋਪੜਾ ਅਤੇ 'ਆਪ' ਆਗੂ ਰਾਘਵ ਚੱਢਾ ਨੇ ਰਿਸ਼ਤੇਦਾਰਾਂ ਅਤੇ ਪਰਿਵਾਰਕ ਮੈਂਬਰਾਂ ਦੀ ਮੌਜੂਦਗੀ ਵਿੱਚ ਐਤਵਾਰ ਨੂੰ ਵਿਆਹ ਕਰਵਾ ਲਿਆ ਹੈ। ਸਾਰੇ ਖੇਤਰਾਂ ਦੀਆਂ ਕਈ ਮਸ਼ਹੂਰ ਹਸਤੀਆਂ ਜਿਵੇਂ ਕਿ ਖੇਡਾਂ, ਫੈਸ਼ਨ, ਬਾਲੀਵੁੱਡ ਇਸ ਸ਼ਾਨਦਾਰ ਵਿਆਹ ਵਿੱਚ ਸ਼ਾਮਲ ਹੁੰਦੀਆਂ ਵੇਖੀਆਂ ਗਈਆਂ, ਹਾਲਾਂਕਿ ਪਰਿਣੀਤੀ ਦੀ ਚਚੇਰੀ ਭੈਣ ਗਲੋਬਲ ਆਈਕਨ ਪ੍ਰਿਅੰਕਾ ਚੋਪੜਾ ਨੇ ਇਸ ਨੂੰ ਮਿਸ ਕਰ ਦਿੱਤਾ। ਹੁਣ, ਪ੍ਰਿਅੰਕਾ ਦੀ ਮਾਂ ਮਧੂ ਚੋਪੜਾ ਨੇ ਇੱਕ ਪਾਪਰਾਜ਼ੀ ਨਾਲ ਗੱਲਬਾਤ ਵਿੱਚ ਗਲੋਬਲ ਸਟਾਰ ਦੀ ਗੈਰਹਾਜ਼ਰੀ ਦਾ ਕਾਰਨ (Madhu Chopra reveals why priyanka skipped wedding) ਦੱਸਿਆ।
ਉਦੈਪੁਰ 'ਚ ਵਿਆਹ 'ਚ ਸ਼ਾਮਲ ਹੋਣ ਤੋਂ ਬਾਅਦ ਏਅਰਪੋਰਟ 'ਤੇ ਪਹੁੰਚੀ ਲਾੜੀ ਦੀ ਮਾਸੀ ਮਧੂ ਚੋਪੜਾ (Madhu Chopra) ਦਾ ਇਕ ਵੀਡੀਓ ਆਨਲਾਈਨ ਸਾਹਮਣੇ ਆਇਆ ਹੈ। ਵੀਡੀਓ, ਜੋ ਸੋਮਵਾਰ ਨੂੰ ਪਾਪਰਾਜ਼ੀ ਅਤੇ ਫੈਨ ਪੇਜਾਂ ਦੁਆਰਾ ਪੋਸਟ ਕੀਤੀ ਗਈ ਸੀ, ਉਸ ਵਿੱਚ ਮਧੂ ਨੇ ਇਹ ਚਰਚਾ ਕੀਤੀ ਕਿ ਪ੍ਰਿਅੰਕਾ ਚੋਪੜਾ ਵਿਆਹ ਵਿੱਚ ਕਿਉਂ ਸ਼ਾਮਲ ਨਹੀਂ ਹੋਈ।
ਤੁਹਾਨੂੰ ਦੱਸ ਦਈਏ ਕਿ ਪਹਿਲਾਂ ਇਹ ਅੰਦਾਜ਼ਾ ਲਗਾਇਆ ਜਾ ਰਿਹਾ ਸੀ ਕਿ ਪ੍ਰਿਅੰਕਾ ਐਤਵਾਰ ਨੂੰ ਉਦੈਪੁਰ ਵਿੱਚ ਪਰਿਣੀਤੀ ਅਤੇ ਰਾਘਵ ਦੇ ਵਿਆਹ ਵਿੱਚ ਸ਼ਾਮਲ ਨਹੀਂ ਹੋ ਸਕਦੀ। ਹੁਣ ਉਸ ਦੀ ਮਾਂ ਮਧੂ ਚੋਪੜਾ ਨੇ ਇਸ ਬਾਰੇ ਗੱਲ ਕੀਤੀ ਹੈ। ਜਦੋਂ ਉਸ ਦੀ ਮਾਂ ਤੋਂ ਇਹ ਪੁੱਛਿਆ ਗਿਆ ਕਿ ਪ੍ਰਿਅੰਕਾ ਵਿਆਹ ਵਿੱਚ ਕਿਉਂ ਨਹੀਂ ਆਈ ਸੀ ਤਾਂ ਮਧੂ ਨੇ ਜਵਾਬ ਦਿੱਤਾ, "ਉਹ ਕੰਮ ਕਰ ਰਹੀ ਹੈ।"
- Parineeti Chopra and Raghav Chadha: ਇੱਕ ਦੂਜੇ ਦੇ ਹੋਏ ਪਰਿਣੀਤੀ ਚੋਪੜਾ ਅਤੇ ਰਾਘਵ ਚੱਢਾ, ਤਸਵੀਰਾਂ ਆਈਆਂ ਸਾਹਮਣੇ
- Vicky Kaushal katrina kaif: ਕੈਟਰੀਨਾ ਕੈਫ ਨਾਲ ਫਿਲਮ ਕਰਨ ਬਾਰੇ ਬੋਲੇ ਵਿੱਕੀ ਕੌਸ਼ਲ, ਕਿਹਾ-ਮੈਨੂੰ ਵਿਸ਼ਵਾਸ ਹੈ ਕਿ ਇਹ ਜਲਦੀ...
- Parineeti-Raghav First Pictures: ਵਿਆਹ ਤੋਂ ਬਾਅਦ ਪਰਿਣੀਤੀ ਚੋਪੜਾ ਨੇ ਸਾਂਝਾ ਕੀਤਾ ਦਿਲ ਨੂੰ ਛੂਹ ਲੈਣ ਵਾਲਾ ਨੋਟ, ਸਿਤਾਰਿਆਂ ਨੇ ਦਿੱਤੀਆਂ ਵਧਾਈਆਂ
ਪ੍ਰਿਅੰਕਾ, ਜੋ ਹੁਣ ਯੂਐੱਸਏ ਵਿੱਚ ਹੈ, ਉਸ ਨੇ ਸੋਮਵਾਰ ਨੂੰ ਆਪਣੇ ਅਤੇ ਨਿਕ ਜੋਨਸ ਦੀ ਧੀ ਮਾਲਤੀ ਮੈਰੀ ਚੋਪੜਾ ਜੋਨਸ (Priyanka Chopra and nick jonas) ਨਾਲ ਇੱਕ ਪੂਲ ਸੈਲਫੀ ਇੰਸਟਾਗ੍ਰਾਮ ਸਟੋਰੀਜ਼ 'ਤੇ ਸਾਂਝੀ ਕੀਤੀ। ਨਿਕ ਨੇ ਵੀ ਯੂਐੱਸਏ ਵਿੱਚ ਆਪਣੇ ਨਾਨ-ਸਟਾਪ ਜੋਨਸ ਬ੍ਰਦਰਜ਼ ਦੇ ਦੌਰੇ ਕਾਰਨ ਵਿਆਹ ਨੂੰ ਛੱਡ ਦਿੱਤਾ। ਪ੍ਰਿਅੰਕਾ ਅਤੇ ਉਸ ਦਾ ਪਰਿਵਾਰ ਵਿਆਹ ਵਿੱਚ ਮੌਜੂਦ ਨਹੀਂ ਸੀ, ਪਰ ਉਸ ਦੀ ਮਾਂ ਮਧੂ ਚੋਪੜਾ ਸ਼ੁੱਕਰਵਾਰ ਨੂੰ ਉਦੈਪੁਰ ਪਹੁੰਚੀ ਅਤੇ ਉੱਥੇ ਹੀ ਮੌਜੂਦ ਸੀ।
ਇਹ ਪੁੱਛੇ ਜਾਣ 'ਤੇ ਕਿ ਪਰਿਣੀਤੀ ਇੱਕ ਦੁਲਹਨ ਦੇ ਰੂਪ 'ਚ ਕਿਵੇਂ ਦਿਖਾਈ ਦਿੰਦੀ ਹੈ ਤਾਂ ਮਧੂ ਨੇ ਜਵਾਬ ਦਿੱਤਾ, "ਪਰਿਣੀਤੀ ਵੈਸੇ ਹੀ ਖੂਬਸੂਰਤ ਹੈ, ਵਿਆਹ ਵਿੱਚ ਹੋਰ ਖੂਬਸੂਰਤ ਲੱਗ ਰਹੀ ਸੀ।"
ਉਲੇਖਯੋਗ ਹੈ ਕਿ ਅਦਾਕਾਰਾ ਪਰਿਣੀਤੀ ਚੋਪੜਾ ਅਤੇ 'ਆਪ' ਸਾਂਸਦ ਰਾਘਵ ਚੱਢਾ ਦਾ ਰਾਜਸਥਾਨ ਦੇ ਉਦੈਪੁਰ 'ਚ ਸ਼ਾਨਦਾਰ ਵਿਆਹ ਹੋਇਆ। ਇਸ ਜੋੜੀ ਨੇ ਇੱਕ ਦਿਨ ਬਾਅਦ ਸੋਮਵਾਰ ਨੂੰ ਇੰਸਟਾਗ੍ਰਾਮ 'ਤੇ ਵਿਆਹ ਦੀ ਐਲਬਮ ਸਾਂਝੀ ਕੀਤੀ। ਪਰਿਣੀਤੀ ਨੇ ਕ੍ਰੀਮ ਅਤੇ ਗੋਲਡ ਬ੍ਰਾਈਡਲ ਲਹਿੰਗਾ ਪਾਇਆ ਸੀ, ਜਦੋਂਕਿ ਰਾਘਵ ਨੇ ਚਿੱਟੇ ਰੰਗ ਦੀ ਸ਼ੇਰਵਾਨੀ ਪਹਿਨੀ ਸੀ। ਵਿਆਹ ਨੂੰ ਛੱਡ ਕਰ ਦੇਣ ਤੋਂ ਬਾਅਦ ਪ੍ਰਿਅੰਕਾ ਚੋਪੜਾ ਨੇ ਪਰਿਣੀਤੀ ਦੀ ਪੋਸਟ 'ਤੇ ਇਮੋਸ਼ਨ ਟਿੱਪਣੀ ਦੇ ਨਾਲ ਜਵਾਬ ਦਿੱਤਾ "ਮੇਰਾ ਆਸ਼ੀਰਵਾਦ ਹਮੇਸ਼ਾ।"
