ਨਵੀਂ ਦਿੱਲੀ: ਭਾਰਤੀ ਰੇਲਵੇ ਸ਼ਿਵ ਭਗਤਾਂ ਲਈ ਇੱਕ ਜ਼ਬਰਦਸਤ ਟੂਰਿਸਟ ਪੈਕੇਜ ਲੈ ਕੇ ਆਇਆ ਹੈ। ਜਿਸ ਰਾਹੀਂ ਤੁਸੀਂ 7 ਜਯੋਤਿਰਲਿੰਗਾਂ ਦੇ ਨਾਲ-ਨਾਲ ਹੋਰ ਧਾਰਮਿਕ ਸਥਾਨਾਂ ਦੇ ਦਰਸ਼ਨ ਕਰ ਸਕਦੇ ਹੋ। ਤੁਹਾਨੂੰ ਇਸ ਪੂਰੀ ਯਾਤਰਾ ਲਈ ਬਹੁਤ ਸਾਰਾ ਪੈਸਾ ਖਰਚਣ ਦੀ ਵੀ ਲੋੜ ਨਹੀਂ ਹੈ, ਤੁਹਾਡੇ ਕੋਲ ਸਿਰਫ 18466 ਰੁਪਏ ਵਿੱਚ 7 ਜਯੋਤਿਰਲਿੰਗਾਂ ਦੇ ਦਰਸ਼ਨ ਕਰਨ ਦਾ ਸੁਨਹਿਰੀ ਮੌਕਾ ਹੈ।
ਇਸ ਦਿਨ ਤੋਂ ਸ਼ੁਰੂ ਹੋਵੇਗੀ ਇਹ ਯਾਤਰਾ: IRCTC ਨੇ ਭਾਰਤ ਗੌਰਵ ਟੂਰਿਸਟ ਟ੍ਰੇਨ ਰਾਹੀਂ ਇਸ ਵਿਸ਼ੇਸ਼ ਟੂਰ ਪੈਕੇਜ ਦੀ ਸ਼ੁਰੂਆਤ ਕੀਤੀ ਹੈ। ਜੋ ਕਿ 10 ਦਿਨ ਅਤੇ 9 ਰਾਤਾਂ ਦਾ ਹੋਵੇਗਾ। ਟੂਰ ਪੈਕੇਜ ਦੇ ਤਹਿਤ ਯਾਤਰਾ 22 ਜੂਨ, 2023 ਨੂੰ ਗੋਰਖਪੁਰ ਤੋਂ ਸ਼ੁਰੂ ਹੋਵੇਗੀ। ਜਿਸ ਨੂੰ ਅਧਿਕਾਰਤ ਵੈੱਬਸਾਈਟ irctctourism.com ਤੋਂ ਬੁੱਕ ਕੀਤਾ ਜਾ ਸਕਦਾ ਹੈ। ਪਰ ਧਿਆਨ ਦੇਣ ਵਾਲੀ ਗੱਲ ਇਹ ਹੈ ਕਿ ਇਸ ਪੈਕੇਜ ਦੀ ਬੁਕਿੰਗ 'ਪਹਿਲਾਂ ਆਓ ਪਹਿਲਾਂ ਪਾਓ' ਦੇ ਆਧਾਰ 'ਤੇ ਹੋਵੇਗੀ।
ਜਯੋਤਿਰਲਿੰਗ ਯਾਤਰਾ ਪੈਕੇਜ ਦੇ ਤਹਿਤ ਇਨ੍ਹਾਂ ਧਾਰਮਿਕ ਸਥਾਨਾਂ ਦੇ ਕੀਤੇ ਜਾਣਗੇ ਦਰਸ਼ਨ :
1. ਓਮਕਾਰੇਸ਼ਵਰ ਜਯੋਤਿਰਲਿੰਗ
2. ਮਹਾਕਾਲੇਸ਼ਵਰ ਜਯੋਤਿਰਲਿੰਗ
3. ਸੋਮਨਾਥ ਜਯੋਤਿਰਲਿੰਗ
4. ਦਵਾਰਕਾਧੀਸ਼ ਮੰਦਿਰ
5. ਨਾਗੇਸ਼ਵਰ ਜਯੋਤਿਰਲਿੰਗ
6. ਭੀਮਾਸ਼ੰਕਰ ਜਯੋਤਿਰਲਿੰਗ
7. ਤ੍ਰਿੰਬਕੇਸ਼ਵਰ ਜਯੋਤਿਰਲਿੰਗ
8. ਘ੍ਰਿਸ਼ਨੇਸ਼ਵਰ ਜਯੋਤਿਰਲਿੰਗ
9. ਦਵਾਰਕਾ ਦੀ ਯਾਤਰਾ
ਯਾਤਰੀਆਂ ਨੂੰ ਮਿਲੇਗੀ ਇਹ ਸਹੂਲਤ: ਭਾਰਤੀ ਰੇਲਵੇ ਦੁਆਰਾ ਜਾਰੀ ਕੀਤੇ ਗਏ ਜਯੋਤਿਰਲਿੰਗ ਯਾਤਰਾ ਪੈਕੇਜ ਨੂੰ ਤਿੰਨ ਹਿੱਸਿਆਂ ਵਿੱਚ ਵੰਡਿਆ ਗਿਆ ਹੈ। ਪਹਿਲਾ ਇਕਨਾਮੀ ਕਲਾਸ, ਦੂਜਾ ਸਟੈਂਡਰਡ ਕਲਾਸ ਅਤੇ ਤੀਜਾ ਕੰਫਰਟ ਕਲਾਸ ਵਿਚ ਰੱਖਿਆ ਗਿਆ ਹੈ। ਹਾਲਾਂਕਿ ਤਿੰਨੋਂ ਸ਼੍ਰੇਣੀਆਂ ਵਿੱਚ ਯਾਤਰੀਆਂ ਨੂੰ ਵੱਖ-ਵੱਖ ਸਹੂਲਤਾਂ ਦਿੱਤੀਆਂ ਗਈਆਂ ਹਨ। ਸਾਰੀਆਂ ਸ਼੍ਰੇਣੀਆਂ ਦੇ ਯਾਤਰੀਆਂ ਨੂੰ ਸਾਰੀਆਂ ਥਾਵਾਂ 'ਤੇ ਜਾਣ ਲਈ ਭੋਜਨ, ਹੋਟਲ ਵਿੱਚ ਰਹਿਣ ਦੇ ਨਾਲ-ਨਾਲ ਆਵਾਜਾਈ ਦੀ ਸਹੂਲਤ ਵੀ ਪ੍ਰਦਾਨ ਕੀਤੀ ਜਾਵੇਗੀ।
ਟੂਰ ਪੈਕੇਜ ਦੀ ਕੀਮਤ: IRCTC ਮੁਤਾਬਕ ਸਲੀਪਰ ਕਲਾਸ 'ਚ ਸਫਰ ਕਰਨ ਵਾਲੇ ਯਾਤਰੀਆਂ ਨੂੰ 18,466 ਰੁਪਏ ਦੇਣੇ ਹੋਣਗੇ। 3AC ਕਲਾਸ ਲਈ 30,668 ਰੁਪਏ ਅਤੇ 2AC ਲਈ 40,603 ਰੁਪਏ ਪ੍ਰਤੀ ਵਿਅਕਤੀ ਦੇਣੇ ਹੋਣਗੇ।
