Women Reservation Bill: RJD ਨੇਤਾ ਅਬਦੁਲ ਬਾਰੀ ਸਿੱਦੀਕੀ ਦਾ ਵਿਵਾਦਿਤ ਬਿਆਨ, ਕਿਹਾ- 'ਹੁਣ ਲਿਪਸਟਿਕ ਤੇ ਬੌਬ ਕੱਟ ਵਾਲੀਆਂ ਔਰਤਾਂ ਜਾਣਗੀਆ ਸੰਸਦ'

ਬਿਹਾਰ/ਮੁਜ਼ੱਫਰਪੁਰ: ਰਾਸ਼ਟਰੀ ਜਨਤਾ ਦਲ ਦੇ ਜਨਰਲ ਸਕੱਤਰ ਅਤੇ ਸੀਨੀਅਰ ਨੇਤਾ ਅਬਦੁਲ ਬਾਰੀ ਸਿੱਦੀਕੀ ਨੇ ਸੰਸਦ ਦੇ ਵਿਸ਼ੇਸ਼ ਸੈਸ਼ਨ ਦੌਰਾਨ ਵਿੱਚ ਪਾਸ ਕੀਤੇ ਗਏ ਮਹਿਲਾ ਰਿਜ਼ਰਵੇਸ਼ਨ ਬਿੱਲ 'ਤੇ ਵਿਵਾਦਿਤ ਬਿਆਨ ਦਿੱਤਾ ਹੈ। ਬਿਹਾਰ ਦੇ ਮੁਜ਼ੱਫਰਪੁਰ ਵਿੱਚ ਇੱਕ ਪ੍ਰੋਗਰਾਮ ਨੂੰ ਸੰਬੋਧਨ ਕਰਦਿਆਂ ਉਨ੍ਹਾਂ ਕਿਹਾ ਕਿ ਹੁਣ ਬੌਬ ਕੱਟ ਅਤੇ ਲਿਪਸਟਿਕ ਵਾਲੀਆਂ ਔਰਤਾਂ ਸੰਸਦ ਵਿੱਚ ਆਉਣਗੀਆਂ। ਸਿੱਦੀਕੀ ਦੇ ਇਸ ਬਿਆਨ ਤੋਂ ਬਾਅਦ ਬਿਹਾਰ 'ਚ ਸਿਆਸੀ ਖਲਬਲੀ ਮਚ ਗਈ ਹੈ।

ਮਹਿਲਾਵਾਂ 'ਤੇ RJB ਨੇਤਾ ਦੇ ਵਿਗੜੇ ਬੋਲ: ਦਰਅਸਲ ਅਬਦੁਲ ਬਾਰੀ ਸਿੱਦੀਕੀ ਸ਼ੁੱਕਰਵਾਰ ਨੂੰ ਮੁਜ਼ੱਫਰਪੁਰ 'ਚ ਅਤਿ ਪਿਛੜਾ ਸੈੱਲ ਦੇ ਇਕ ਪ੍ਰੋਗਰਾਮ ਨੂੰ ਸੰਬੋਧਨ ਕਰ ਰਹੇ ਸਨ। ਜਿੱਥੇ ਉਨ੍ਹਾਂ ਪੱਛੜੀਆਂ ਅਤੇ ਅਤਿ ਪਛੜੀਆਂ ਔਰਤਾਂ ਲਈ ਰਾਖਵੇਂਕਰਨ ਦੀ ਮੰਗ ਵੀ ਕੀਤੀ। ਇਸ ਦੌਰਾਨ ਉਨ੍ਹਾਂ ਇਹ ਵੀ ਕਿਹਾ ਕਿ ਜੇਕਰ ਬੌਬ ਕੱਟ ਅਤੇ ਲਿਪਸਟਿਕ ਪਾਊਡਰ ਵਾਲੀਆਂ ਔਰਤਾਂ ਸੰਸਦ ਵਿੱਚ ਆਉਂਦੀਆਂ ਹਨ ਤਾਂ ਤੁਹਾਡੀਆਂ ਔਰਤਾਂ ਨੂੰ ਕੋਈ ਹੱਕ ਨਹੀਂ ਮਿਲੇਗਾ। ਉਨ੍ਹਾਂ ਕਿਹਾ ਕਿ ਜੇਕਰ ਰਾਖਵਾਂਕਰਨ ਦੇਣਾ ਹੀ ਹੈ ਤਾਂ ਪਛੜੀਆਂ ਤੇ ਅਤਿ ਪਛੜੀਆਂ ਔਰਤਾਂ ਨੂੰ ਰਾਖਵਾਂਕਰਨ ਦਿਓ। ਅਤਿ ਪਛੜੇ ਲੋਕਾਂ ਲਈ ਵੀ ਇੱਕ ਨਿਸ਼ਚਿਤ ਕੋਟਾ ਹੋਣਾ ਚਾਹੀਦਾ ਹੈ।

"ਔਰਤਾਂ ਦੇ ਰਾਖਵੇਂਕਰਨ ਦੇ ਨਾਂ 'ਤੇ ਸਿਰਫ਼ ਬੌਬ ਕੱਟ ਅਤੇ ਲਿਪਸਟਿਕ ਪਾਊਡਰ ਵਾਲੀਆਂ ਔਰਤਾਂ ਨੂੰ ਹੀ ਨੌਕਰੀਆਂ ਮਿਲਣਗੀਆਂ। ਪਛੜੀਆਂ ਅਤੇ ਅਤਿ ਪਛੜੀਆਂ ਔਰਤਾਂ ਨੂੰ ਵੀ ਰਾਖਵਾਂਕਰਨ ਮਿਲਣਾ ਚਾਹੀਦਾ ਹੈ। ਅਤਿ ਪਛੜੇ ਲੋਕਾਂ ਲਈ ਵੀ ਕੋਟਾ ਨਿਸ਼ਚਿਤ ਕੀਤਾ ਜਾਵੇ ਤਾਂ ਠੀਕ ਰਹੇਗਾ। ਨਹੀਂ ਤਾਂ ਪਛੜੀਆਂ ਜਾਤੀਆਂ ਦੀਆਂ ਔਰਤਾਂ ਨੂੰ ਕੁਝ ਨਹੀਂ ਮਿਲੇਗਾ"- ਅਬਦੁਲ ਬਾਰੀ ਸਿੱਦੀਕੀ, ਰਾਸ਼ਟਰੀ ਜਨਤਾ ਦਲ ਦੇ ਜਨਰਲ ਸਕੱਤਰ

• Abhishek Delhi Protest: ਟੀਐੱਮਸੀ ਆਗੂ ਨੇ ਭਾਜਪਾ ਉੱਤੇ ਵਿਰੋਧ ਪ੍ਰਦਰਸ਼ਨ 'ਚ ਰੁਕਾਵਟ ਪਾਉਣ ਦੇ ਲਾਏ ਇਲਜ਼ਾਮ, ਕਿਹਾ-ਸਪੈਸ਼ਲ ਟਰੇਨ ਦੇਣ ਤੋਂ ਕੀਤਾ ਇਨਕਾਰ

ਮਹਿਲਾ ਰਾਖਵਾਂਕਰਨ ਬਿੱਲ ਸੰਸਦ ਵਿੱਚ ਪਾਸ: ਤੁਹਾਨੂੰ ਦੱਸ ਦੇਈਏ ਕਿ ਸੰਸਦ ਵੱਲੋਂ ਮਹਿਲਾ ਰਾਖਵਾਂਕਰਨ ਬਿੱਲ ਪਾਸ ਹੋਣ ਤੋਂ ਬਾਅਦ ਹੁਣ ਇਹ ਕਾਨੂੰਨ ਬਣ ਗਿਆ ਹੈ। 33 ਫੀਸਦੀ ਮਹਿਲਾ ਰਾਖਵਾਂਕਰਨ ਬਿੱਲ 'ਤੇ ਰਾਸ਼ਟਰਪਤੀ ਦ੍ਰੋਪਦੀ ਮੁਰਮੂ ਦੀ ਮਨਜ਼ੂਰੀ ਵੀ ਮਿਲ ਚੁੱਕੀ ਹੈ ਪਰ ਇਸ ਮੁੱਦੇ 'ਤੇ ਇਤਰਾਜ਼ਯੋਗ ਬਿਆਨਬਾਜ਼ੀ ਜਾਰੀ ਹੈ। ਔਰਤਾਂ ਦੇ ਰਾਖਵੇਂਕਰਨ 'ਤੇ ਸਾਰੀਆਂ ਸਿਆਸੀ ਪਾਰਟੀਆਂ ਦੇ ਆਪਣੇ-ਆਪਣੇ ਬਿਆਨ ਅਤੇ ਪ੍ਰਤੀਕਰਮ ਹਨ। ਕਈ ਪਾਰਟੀਆਂ ਇਸ ਰਾਖਵੇਂਕਰਨ ਵਿੱਚ ਪਛੜੀਆਂ ਔਰਤਾਂ ਲਈ ਕੋਟਾ ਰਾਖਵਾਂ ਕਰਨ ਦੀ ਮੰਗ ਕਰ ਰਹੀਆਂ ਹਨ। ਇਸ ਦੌਰਾਨ ਰਾਸ਼ਟਰੀ ਜਨਤਾ ਦਲ ਦੇ ਨੇਤਾ ਅਬਦੁਲ ਬਾਰੀ ਸਿੱਦੀਕੀ ਨੇ ਔਰਤਾਂ ਦੇ ਰਾਖਵੇਂਕਰਨ ਨੂੰ ਲੈ ਕੇ ਬੇਤੁਕਾ ਬਿਆਨ ਦਿੱਤਾ ਹੈ।