ਨਵੀਂ ਦਿੱਲੀ: ਰਾਜ ਸਭਾ ਚੇਅਰਮੈਨ ਜਗਦੀਪ ਧਨਖੜ ਨੇ ਮੰਗਲਵਾਰ ਨੂੰ ਤ੍ਰਿਣਮੂਲ ਕਾਂਗਰਸ ਦੇ ਮੁਅੱਤਲ ਸੰਸਦ ਮੈਂਬਰ ਕਲਿਆਣ ਬੈਨਰਜੀ ਵੱਲੋਂ ਸੰਸਦ ਕੰਪਲੈਕਸ ਵਿੱਚ ਵਿਰੋਧ ਪ੍ਰਦਰਸ਼ਨ ਦੌਰਾਨ ਰਾਜ ਸਭਾ ਚੇਅਰਮੈਨ ਦੀ ਨਕਲ ਕਰਨ 'ਤੇ ਇਤਰਾਜ਼ ਜਤਾਇਆ।ਉਨ੍ਹਾਂ ਆਖਿਆ ਕਿ ਰਾਜ ਸਭਾ ਚੇਅਰਮੈਨ ਦੀ ਨਕਲ ਕਰਨਾ 'ਹਾਸੋਹੀਣਾ' ਅਤੇ ਬਰਦਾਸ਼ਤ ਨਹੀਂ ਕੀਤਾ ਜਾ ਸਕਦਾ।ਕਲਿਆਣ ਬੈਨਰਜੀ ਨੂੰ ਸੰਸਦ ਦੇ ਗੇਟ 'ਤੇ ਮੁਅੱਤਲ ਕੀਤੇ ਗਏ ਹੋਰ ਸੰਸਦ ਮੈਂਬਰਾਂ ਦੇ ਨਾਲ ਵਿਰੋਧ ਪ੍ਰਦਰਸ਼ਨ ਦੌਰਾਨ ਉਪ ਰਾਸ਼ਟਰਪਤੀ ਦੀ ਨਕਲ ਕਰਦੇ ਦੇਖਿਆ ਗਿਆ।
ਰਾਹੁਲ ਗਾਂਧੀ ਦਾ ਵੀਡੀਓ ਬਣਾਉਣਾ: ਕਾਂਗਰਸ ਨੇਤਾ ਰਾਹੁਲ ਗਾਂਧੀ ਨੂੰ ਆਪਣੇ ਫੋਨ ਦਾ ਇਸਤੇਮਾਲ ਕਰਕੇ ਟੀਐਮਸੀ ਦੇ ਮੈਂਬਰ ਦੀ ਵੀਡੀਓ ਬਣਾਉਂਦੇ ਦੇਖਿਆ ਗਿਆ। ਸਦਨ ਸਮਾਪਤੀ ਦੇ ਬਾਅਦ ਦੁਪਹਿਰ 12 ਵਜੇ ਜਿਵੇਂ ਹੀ ਸਦਨ ਦੁਬਾਰਾ ਸ਼ੁਰੂ ਹੋਇਆ, ਧਨਖੜ ਨੇ ਘਟਨਾ ਨੂੰ ਧਿਆਨ ਵਿੱਚ ਰੱਖਿਆ ਅਤੇ ਕਿਹਾ, 'ਰਾਜ ਸਭਾ ਦੇ ਸਭਾਪਤੀ ਦਾ ਦਫ਼ਤਰ ਬਹੁਤ ਵੱਖ ਹੈ। ਸਿਆਸੀ ਦਲਾਂ ਦੀ ਆਪਣੀਆਂ-ਆਪਣੀਆਂ ਧਾਰਾਵਾਂ ਹੋਣਗੀਆਂ ਪਰ ਕਲਪਨਾ ਕਰੋ ਕਿ ਤੁਹਾਡੀ ਪਾਰਟੀ ਦਾ ਇੱਕ ਸੀਨੀਅਰ ਨੇਤਾ ਕਿਸੇ ਹੋਰ ਪਾਰਟੀ ਦੇ ਕਿਸੇ ਮੈਂਬਰ ਦੀ ਵੀਡੀਓ ਗ੍ਰਾਫੀ ਕਰ ਰਿਹਾ ਹੈ।
- MPs Suspended In Parliament: 92 ਸੰਸਦ ਮੈਂਬਰ ਮੁਅੱਤਲ, ਵਿਰੋਧੀ ਧਿਰ ਨੇ ਕਿਹਾ- ਇਹ "ਲੋਕਤੰਤਰ ਦਾ ਕਤਲ"
- Parliament Winter Session Updates : ਲੋਕ ਸਭਾ 'ਚ ਹੰਗਾਮਾ ਕਰਨ 'ਤੇ ਕੁਝ ਹੋਰ ਸੰਸਦ ਮੈਂਬਰ ਮੁਅੱਤਲ, ਦੋਨਾਂ ਸਦਨਾਂ ਦੀ ਕਾਰਵਾਈ ਦੁਪਹਿਰ 2 ਵਜੇ ਤੱਕ ਮੁਲਤਵੀ
- 49 Lok Sabha MPs suspended: ਸੁਪ੍ਰੀਆ ਸੁਲੇ ਸਮੇਤ 49 ਲੋਕ ਸਭਾ ਸੰਸਦ ਮੈਂਬਰ ਸਰਦ ਰੁੱਤ ਸੈਸ਼ਨ 'ਚੋਂ ਕੀਤੇ ਮੁਅੱਤਲ
ਸਦਨ ਦੀ ਕਾਰਵਾਈ ਮੁਲਤਵੀ: ਸਭਾਪਤੀ ਦੀ ਨਕਲ, ਪ੍ਰਧਾਨ ਦੀ ਨਕਲ ਕਰਨਾ ਕਿੰਨਾ ਹੈਰਾਨੀਜਨਕ, ਹਾਸੋਹੀਣਾ, ਸ਼ਰਮਨਾਕ ਅਤੇ ਬਰਦਾਸ਼ਤ ਕਰਨ ਦੇ ਯੋਗ ਨਹੀਂ ਹੈ। ਇਸ ਤੋਂ ਬਾਅਦ ਵਿੱਚ ਉਨ੍ਹਾਂ ਨੇ ਸਦਨ ਦੀ ਕਾਰਵਾਈ ਦੁਪਹਿਰ 2 ਵਜੇ ਤੱਕ ਮੁਲਤਵੀ ਕਰ ਕੀਤੀ। ਇਸ ਦੌਰਾਨ, ਆਈ.ਐੱਨ.ਡੀ.ਆਈ.ਏ. ਬਲਾਕ ਪਾਰਟੀਆਂ ਦੇ ਮੁਅੱਤਲ ਨੇਤਾਵਾਂ ਨੇ ਅੱਜ ਸਵੇਰੇ ਸੰਸਦ ਵਿੱਚ ਮਹਾਤਮਾ ਗਾਂਧੀ ਦੇ ਬੁੱਤ ਸਾਹਮਣੇ ਵਿਰੋਧ ਪ੍ਰਦਰਸ਼ਨ ਕੀਤਾ। ਮੁਅੱਤਲ ਵਿਧਾਇਕਾਂ ਦੇ ਨਾਲ ਕਾਂਗਰਸ ਦੇ ਸੰਸਦੀ ਦਲ ਦੇ ਪ੍ਰਧਾਨ ਸੋਨੀਆ ਗਾਂਧੀ ਵੀ ਸ਼ਾਮਲ ਹੋਏ ਅਤੇ ਕੇਂਦਰ ਖਿਲਾਫ਼ ਨਾਅਰੇਬਾਜ਼ੀ ਕੀਤੀ। ਇਹ ਵਿਰੋਧ ਪ੍ਰਦਰਸ਼ਨ ਦੋਨੋਂ ਸਦਨਾਂ ਦੇ 78 ਵਿਰੋਧੀ ਸੰਸਦਾਂ ਨੂੰ ਮੌਜੂਦਾ ਇਜਲਾਸ ਚੋਂ ਮੁਅੱਤਲ ਕੀਤੇ ਜਾਣ ਤੋਂ ਬਾਅਦ ਕੀਤਾ ਗਿਆ।ਸੰਸਦ ਸੁਰੱਖਿਆ 'ਚ ਹੋਈ ਉਲੰਘਣਾ ਨੂੰ ਲੈ ਕੇ ਕੇਂਦਰੀ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਤੋਂ ਬਿਆਨ ਦੀ ਮੰਗ ਨੂੰ ਲੈ ਕੇ ਦੋਨਾਂ ਸਦਨਾਂ 'ਚ ਹੰਗਾਮਾ ਕਰਨ ਅਤੇ ਕਾਰਵਾਈ 'ਚ ਰੁਕਾਵਟ ਪਾਉਣ ਕਾਰਨ ਸੰਸਦ ਮੈਂਬਰਾਂ ਨੂੰ ਮੁਅੱਤਲ ਕੀਤਾ ਗਿਆ ਸੀ।
