ਹੈਦਰਾਬਾਦ: ਵਿਆਹਿਆ ਔਰਤਾਂ ਲਈ ਕਰਵਾ ਚੌਥ ਦਾ ਵਰਤ ਬਹੁਤ ਮਹੱਤਵਪੂਰਨ ਵਰਤ ਹੁੰਦਾ ਹੈ। ਇਸ ਦਿਨ ਔਰਤਾਂ ਆਪਣੇ ਪਤੀ ਦੀ ਲੰਬੀ ਉਮਰ ਲਈ ਵਰਤ ਰੱਖਦੀਆਂ ਹਨ। ਤਿਲਕ ਨਗਰ ਸਥਿਤ ਪ੍ਰਾਚੀਨ ਸੱਤ ਮੰਜ਼ਿਲਾ ਸ਼੍ਰੀ ਸਨਾਤਨ ਮੰਦਰ ਦੇ ਮੁੱਖ ਪੁਜਾਰੀ ਪੰਡਿਤ ਸੁਨੀਲ ਸ਼ਾਸਤਰੀ ਨੇ 'ਈਟੀਵੀ ਭਾਰਤ' ਨੂੰ ਦੱਸਿਆ ਕਿ ਹਰ ਸਾਲ ਕਰਵਾ ਚੌਥ ਦਾ ਵਰਤ ਕਾਰਤਿਕ ਮਹੀਨੇ ਦੇ ਕ੍ਰਿਸ਼ਨ ਪੱਖ ਦੀ ਚਤੁਰਥੀ ਤਾਰੀਖ ਨੂੰ ਹੁੰਦਾ ਹੈ। ਚਤੁਰਥੀ ਦੇ ਦੇਵਤਾ ਸ਼੍ਰੀ ਗਣੇਸ਼ ਹਨ। ਇਸ ਲਈ ਇਸ ਦਿਨ ਔਰਤਾਂ ਭਗਵਾਨ ਗਣੇਸ਼ ਦੀ ਪੂਜਾ ਕਰਦੀਆਂ ਹਨ।
ਕਰਵਾ ਚੌਥ ਦਾ ਵਰਤ: ਇਸ ਸਾਲ ਕਰਵਾ ਚੌਥ ਦਾ ਵਰਤ 1 ਨਵੰਬਰ 2023 ਨੂੰ ਰੱਖਿਆ ਜਾ ਰਿਹਾ ਹੈ। ਇਸ ਦਿਨ ਔਰਤਾਂ ਸਦੀਵੀ ਚੰਗੀ ਕਿਸਮਤ ਦੀ ਕਾਮਨਾ ਕਰਦੇ ਹੋਏ ਕਰਵਾ ਚੌਥ ਦਾ ਵਰਤ ਰੱਖਣਗੀਆਂ। ਕਰਵਾ ਚੌਥ ਦੇ ਦਿਨ ਔਰਤਾਂ ਤਿਆਰ ਹੋ ਕੇ ਪੂਜਾ ਕਰਦੀਆਂ ਹਨ। ਸੂਰਜ ਚੜਨ ਤੋਂ ਲੈ ਕੇ ਸੂਰਜ ਡੁੱਬਣ ਤੱਕ ਇਹ ਵਰਤ ਰੱਖਿਆ ਜਾਂਦਾ ਹੈ। ਇਸ ਦਿਨ ਔਰਤਾਂ ਰਾਤ ਨੂੰ ਚੰਦ ਚੜਨ ਤੋਂ ਬਾਅਦ ਚੰਦਰਮਾਂ ਨੂੰ ਅਰਘਿਆ ਦੇ ਕੇ ਆਪਣੇ ਪਤੀ ਨੂੰ ਛੰਨੀ ਰਾਹੀਂ ਦੇਖ ਕੇ ਵਰਤ ਤੋੜਦੀਆਂ ਹਨ। ਮੰਨਿਆਂ ਜਾਂਦਾ ਹੈ ਕਿ ਕਰਵਾ ਚੌਥ ਦਾ ਵਰਤ ਰੱਖਣ ਨਾਲ ਵਿਆਹੁਤਾ ਜੀਵਨ 'ਚ ਸੁੱਖ ਮਿਲਦਾ ਹੈ। ਇਸ ਸਾਲ ਦਿੱਲੀ 'ਚ ਚੰਦਰਮਾਂ ਦਿਖਣ ਦਾ ਸਮਾਂ 8:17 ਮਿੰਟ ਦਾ ਹੈ। ਪੰਡਿਤ ਸੁਨੀਲ ਸ਼ਾਸਤਰੀ ਨੇ ਦੱਸਿਆ ਕਿ ਇਸ ਵਰਤ ਨੂੰ ਕੁਆਰੀਆਂ ਕੁੜੀਆਂ ਵੀ ਰੱਖ ਸਕਦੀਆਂ ਹਨ ਅਤੇ ਚੰਗੇ ਪਤੀ ਦੀ ਕਾਮਨਾ ਕਰ ਸਕਦੀਆਂ ਹਨ। ਇਸ ਦਿਨ ਔਰਤਾਂ ਨੂੰ ਤਿਆਰ ਹੋਣ ਤੋਂ ਬਾਅਦ ਹੀ ਪੂਜਾ ਕਰਨੀ ਚਾਹੀਦੀ ਹੈ। ਹਿੰਦੂ ਧਰਮ 'ਚ ਔਰਤਾਂ ਨੂੰ ਹਰ ਪੂਜਾ ਤੋਂ ਪਹਿਲਾ ਪੂਰੀ ਤਰ੍ਹਾਂ ਤਿਆਰ ਹੋਣ ਦੀ ਗੱਲ ਕਹੀ ਗਈ ਹੈ।
ਕਰਵਾ ਚੌਥ ਵਰਤ ਦੀ ਸ਼ੁਰੂਆਤ: ਪੁਰਾਣੀਆਂ ਮਾਨਤਾਵਾਂ ਅਨੁਸਾਰ, ਕਰਵਾ ਚੌਥ ਦਾ ਵਰਤ ਰੱਖਣ ਦੀ ਸ਼ੁਰੂਆਤ ਮਹਾਭਾਰਤ ਕਾਲ 'ਚ ਹੋਈ ਸੀ। ਇਹ ਵਰਤ ਸਭ ਤੋਂ ਪਹਿਲਾ ਦਰੋਪਦੀ ਦੁਆਰਾ ਰੱਖਿਆ ਗਿਆ ਸੀ। ਦਰੋਪਦੀ ਨੇ ਪਾਂਡਵਾਂ ਦੀ ਜਾਨ ਬਚਾਉਣ ਲਈ ਇਸ ਵਰਤ ਨੂੰ ਰੱਖਿਆ ਸੀ। ਮੰਨਿਆਂ ਜਾਂਦਾ ਹੈ ਕਿ ਦਰੋਪਦੀ ਦੇ ਵਰਤ ਰੱਖਣ ਕਾਰਨ ਹੀ ਮਹਾਭਾਰਤ ਦੇ ਯੁੱਦ 'ਚ ਪਾਂਡਵਾਂ ਦੀ ਜਾਨ ਬਚ ਗਈ ਸੀ। ਇਸ ਕਰਕੇ ਹਰ ਵਿਆਹੀ ਔਰਤ ਆਪਣੇ ਪਤੀ ਦੀ ਲੰਬੀ ਉਮਰ ਲਈ ਇਸ ਵਰਤ ਨੂੰ ਰੱਖਦੀ ਹੈ। ਇਸਦੇ ਨਾਲ ਹੀ ਕਰਵਾ ਚੌਥ ਦਾ ਵਰਤ ਰੱਖਣ ਨਾਲ ਵਿਆਹੁਤਾ ਜੀਵਨ 'ਚ ਖੁਸ਼ੀ ਆਉਦੀ ਹੈ।
ਕਰਵਾ ਚੌਥ ਵਰਤ ਦਾ ਸ਼ੁੱਭ ਮੁਹੂਰਤ: ਕਰਵਾ ਚੌਥ 1 ਨਵੰਬਰ 2023 ਨੂੰ ਦੁਪਹਿਰ 1:49 ਵਜੇ ਤੋਂ 3:17 ਵਜੇ ਤੱਕ ਅਤੇ ਸ਼ਾਮ 5:44 ਵਜੇ ਤੋਂ ਰਾਤ 7:02 ਵਜੇ ਤੱਕ ਹੈ। ਕਰਵਾ ਚੌਥ 'ਤੇ ਚੰਦ ਨਿਕਲਣ ਦਾ ਸਮਾਂ ਰਾਤ 8:17 ਵਜੇ ਹੈ।
