ਭੋਪਾਲ: ਮੱਧ ਪ੍ਰਦੇਸ਼ ਦੀ ਇੱਕ ਜ਼ਿਲ੍ਹਾ ਅਦਾਲਤ ਨੇ ਜਯਾ ਬੱਚਨ ਨੂੰ ਜ਼ਮੀਨੀ ਸੌਦੇ ਦੇ ਮੁੱਦੇ 'ਤੇ ਨੋਟਿਸ ਜਾਰੀ ਕੀਤਾ ਹੈ। ਭੋਪਾਲ ਜ਼ਿਲ੍ਹਾ ਅਦਾਲਤ ਨੇ 7 ਅਪ੍ਰੈਲ ਨੂੰ ਨੋਟਿਸ ਜਾਰੀ ਕੀਤਾ ਸੀ ਅਤੇ ਉਸ ਨੂੰ 30 ਅਪ੍ਰੈਲ ਤੱਕ ਅਦਾਲਤ ਵਿੱਚ ਪੇਸ਼ ਹੋ ਕੇ ਆਪਣਾ ਜਵਾਬ ਦਾਖ਼ਲ ਕਰਨ ਲਈ ਕਿਹਾ ਗਿਆ ਹੈ। ਇਹ ਨੋਟਿਸ ਭਾਜਪਾ ਦੇ ਸਾਬਕਾ ਵਿਧਾਇਕ ਜਤਿੰਦਰ ਡਾਗਾ ਦੇ ਪੁੱਤਰ ਅਨੁਜ ਡਾਗਾ ਵੱਲੋਂ ਸਮਾਜਵਾਦੀ ਪਾਰਟੀ ਦੇ ਸਾਂਸਦ ਬੱਚਨ ਵਿਰੁੱਧ ਦਾਇਰ ਅਪਰਾਧਿਕ ਮਾਮਲੇ ਦੇ ਆਧਾਰ 'ਤੇ ਜਾਰੀ ਕੀਤਾ ਗਿਆ ਹੈ, ਜਿਸ 'ਚ ਉਨ੍ਹਾਂ 'ਤੇ ਭੁਗਤਾਨ ਦਾ ਹਿੱਸਾ ਲੈਣ ਦੇ ਬਾਵਜੂਦ ਜ਼ਮੀਨ ਵੇਚਣ ਦਾ ਸੌਦਾ ਰੱਦ ਕਰਨ ਦਾ ਦੋਸ਼ ਲਗਾਇਆ ਗਿਆ ਹੈ।
ਜਯਾ ਬੱਚਨ 'ਤੇ ਤੈਅ ਰਕਮ ਤੋਂ ਵੱਧ ਕੀਮਤ ਮੰਗਣ ਦਾ ਦੋਸ਼ : ਡਾਗਾ ਦੇ ਵਕੀਲ ਐਨੋਸ਼ ਜਾਰਜ ਕਾਰਲੋ ਨੇ ਸ਼ਨੀਵਾਰ ਨੂੰ ਏਜੰਸੀ ਨਾਲ ਗੱਲ ਕਰਦੇ ਹੋਏ ਕਿਹਾ ਕਿ ਸ਼ਿਕਾਇਤ 'ਚ ਜਯਾ ਬੱਚਨ 'ਤੇ ਤੈਅ ਰਕਮ ਤੋਂ ਜ਼ਿਆਦਾ ਦੀ ਮੰਗ ਕਰਨ ਦਾ ਦੋਸ਼ ਲਗਾਇਆ ਗਿਆ ਹੈ। ਕਾਰਲੋ ਮੁਤਾਬਕ ਡਾਗਾ ਨੇ ਜਯਾ ਬੱਚਨ ਨੂੰ ਇਕ ਕਰੋੜ ਰੁਪਏ ਐਡਵਾਂਸ ਦੇ ਕੇ ਜ਼ਮੀਨ ਖਰੀਦਣ ਦਾ ਸਮਝੌਤਾ ਕੀਤਾ ਸੀ। ਇਹ ਰਕਮ ਜਯਾ ਬੱਚਨ ਦੇ ਖਾਤੇ 'ਚ ਜਮ੍ਹਾ ਹੋ ਗਈ ਸੀ। ਹਾਲਾਂਕਿ, ਕੁਝ ਦਿਨਾਂ ਬਾਅਦ, ਅਨੁਜ ਡਾਗਾ ਦੇ ਖਾਤੇ ਵਿੱਚ ਪੈਸੇ ਵਾਪਸ ਆ ਗਏ। ਬਾਅਦ ਵਿੱਚ ਉਨ੍ਹਾਂ ਨੇ ਤੈਅ ਰਕਮ ਤੋਂ ਵੱਧ ਕੀਮਤ ਦੀ ਮੰਗ ਕੀਤੀ।
ਬੱਚਨ ਕੋਲ ਭੋਪਾਲ ਜ਼ਿਲ੍ਹੇ ਦੇ ਸੇਵਾਨੀਆ ਗੌੜ ਵਿੱਚ 5 ਏਕੜ ਜ਼ਮੀਨ : ਕਾਰਲੋ ਨੇ ਦਾਅਵਾ ਕੀਤਾ ਕਿ ਬੱਚਨ ਕੋਲ ਭੋਪਾਲ ਜ਼ਿਲ੍ਹੇ ਦੇ ਸੇਵੇਨੀਆ ਗੌੜ ਵਿੱਚ 5 ਏਕੜ ਜ਼ਮੀਨ ਹੈ, ਜੋ ਉਸ ਨੇ ਕਰੀਬ 12 ਸਾਲ ਪਹਿਲਾਂ ਖਰੀਦੀ ਸੀ। ਵਕੀਲ ਨੇ ਕਿਹਾ ਕਿ ਉਸ ਨੇ ਰਾਜੇਸ਼ ਹਰਸ਼ੀਕੇਸ਼ ਯਾਦਵ ਨੂੰ ਜ਼ਮੀਨ ਵੇਚਣ ਦਾ ਅਧਿਕਾਰ ਦਿੱਤਾ ਸੀ। ਡਾਗਾ ਦੇ ਵਕੀਲ ਨੇ ਕਿਹਾ, "ਅਦਾਲਤ ਨੇ ਮੁਕੱਦਮੇ ਨੂੰ ਵਿਚਾਰ ਲਈ ਸਵੀਕਾਰ ਕਰ ਲਿਆ ਹੈ ਅਤੇ ਨੋਟਿਸ ਜਾਰੀ ਕੀਤਾ ਗਿਆ ਹੈ।" ਅਗਲੀ ਸੁਣਵਾਈ 30 ਅਪ੍ਰੈਲ ਨੂੰ ਹੋਵੇਗੀ। ਜਯਾ ਬੱਚਨ ਨੂੰ ਅਦਾਲਤ ਵਿੱਚ ਪੇਸ਼ ਹੋਣ ਲਈ ਕਿਹਾ ਗਿਆ ਹੈ।
ਇਹ ਵੀ ਪੜ੍ਹੋ: ਇਮਰਾਨ ਖਾਨ ਨੂੰ ਅਵਿਸ਼ਵਾਸ ਵੋਟ ਵਿੱਚ ਕਿਵੇਂ ਬਾਹਰ ਕੀਤਾ ਗਿਆ, ਪੜ੍ਹੋ ਟਾਈਮਲਾਈਨ ...
