ਚੰਡੀਗੜ੍ਹ: 100 ਦੇ ਕਰੀਬ ਔਰਤਾਂ ਦੀ ਆਨਲਾਈਨ 'ਨਿਲਾਮੀ' ਕਰਨ ਵਾਲੀ ਬੁਲੀ ਬਾਈ ਐਪ ਇੰਨੀ ਦਿਨੀਂ ਕਾਫੀ ਚਰਚਾ ਦਾ ਵਿਸ਼ਾ ਬਣੀ ਹੋਈ ਹੈ। ਮਾਮਲੇ 'ਚ ਪੁਲਿਸ ਜਿੱਥੇ ਲਗਾਤਾਰ ਗ੍ਰਿਫ਼ਤਾਰੀਆਂ ਕਰ ਰਹੀ ਹੈ, ਉਥੇ ਹੀ ਹੁਣ ਇਸ ਮਾਮਲੇ ਵਿੱਚ ਅਹਿਮ ਖੁਲਾਸਾ ਹੋਇਆ ਹੈ। ਪੁਲਿਸ ਨੇ ਮਾਮਲੇ ਵਿੱਚ ਸ਼ਵੇਤਾ ਸਿੰਘ ਨੂੰ ਗ੍ਰਿਫ਼ਤਾਰ ਕੀਤਾ ਹੈ ਜੋ 'ਜੱਟ ਖਾਲਸਾ 7' ਦੇ ਨਾਂ ਨਾਲ ਬਣਾਇਆ ਅਕਾਊਂਟ ਚਲਾ ਰਹੀ ਸੀ।
ਖਾਲਿਸਤਾਨ ਨਾਲ ਜੋੜੇ ਲਿੰਕ
ਕ੍ਰਾਈਮ ਬ੍ਰਾਂਚ ਦੇ ਸੂਤਰਾਂ ਤੋਂ ਮਿਲੀ ਜਾਣਕਾਰੀ ਅਨੁਸਾਰ ਗਿੱਟਹੱਬ 'ਤੇ ਹੋਸਟ 'ਬੁਲੀ ਬਾਈ' ਐਪ ਰਾਹੀਂ ਵਾਰਦਾਤ ਨੂੰ ਅੰਜਾਮ ਦੇਣ ਵਾਲਿਆਂ ਨੇ ਸੋਸ਼ਲ ਮੀਡੀਆ 'ਤੇ ਖੁਦ ਨੂੰ ਖਾਲਸਾ ਸਿੱਖ ਫਰੰਟ ਦੇ ਪੈਰੋਕਾਰ ਵਜੋਂ ਪੇਸ਼ ਕੀਤਾ ਸੀ। ਉਹ ਇਹ ਦਿਖਾਉਣਾ ਚਾਹੁੰਦੇ ਸਨ ਕਿ ਇਸ ਪੂਰੇ ਮਾਮਲੇ ਵਿੱਚ ਖਾਲਿਸਤਾਨੀ ਤੱਤ ਸ਼ਾਮਲ ਹਨ। ਹੁਣ ਮਾਮਲੇ ਵਿੱਚ ਇਹ ਜਾਂਚ ਕੀਤੀ ਜਾ ਰਹੀ ਹੈ ਕਿ ਉਹ ਸੱਚਮੁੱਚ ਖਾਲਿਸਤਾਨੀ ਸੰਗਠਨ ਨਾਲ ਸਬੰਧਤ ਹਨ ਜਾਂ ਪੁਲਿਸ ਨੂੰ ਗੁੰਮਰਾਹ ਕਰਨ ਦੀ ਕੋਈ ਸੋਚੀ ਸਮਝੀ ਸਾਜ਼ਿਸ਼ ਹੈ। ਹਾਲਾਂਕਿ ਈਟੀਵੀ ਭਾਰਤ ਇਸ ਦੀ ਪੁਸ਼ਟੀ ਨਹੀਂ ਕਰਦਾ ਹੈ।
'ਜੱਟ ਖਾਲਸਾ 7' ਦੇ ਨਾਂ ਨਾਲ ਬਣਾਇਆ ਅਕਾਊਂਟ
ਐੱਸਪੀ ਸਿਟੀ ਮਮਤਾ ਬੋਹਰਾ ਮੁਤਾਬਕ ਮੁਲਜ਼ਮ ਲੜਕੀ 'ਜੱਟ ਖਾਲਸਾ 7' ਦੇ ਨਾਂ ਨਾਲ ਖਾਤਾ ਚਲਾ ਰਹੀ ਸੀ, ਜਿਸ ਤੋਂ ਕਈ ਫੋਟੋਆਂ ਸ਼ੇਅਰ ਕੀਤੀਆਂ ਗਈਆਂ ਸਨ। ਐਸਪੀ ਸਿਟੀ ਮਮਤਾ ਬੋਹਰਾ ਅਨੁਸਾਰ ਲੜਕੀ ਨੇ ਪੁਲਿਸ ਨੂੰ ਦੱਸਿਆ ਕਿ ਜਿੱਥੋਂ ਬੁਲੀ ਬਾਈ ਐਪ ਦਾ ਖਾਤਾ ਜਨਰੇਟ ਹੋਇਆ ਸੀ, ਉਹ ਉਸ ਦੇ ਸੰਪਰਕ ਵਿੱਚ ਵੀ ਸੀ ਅਤੇ ਬੈਂਗਲੁਰੂ ਤੋਂ ਗ੍ਰਿਫ਼ਤਾਰ ਕੀਤੇ ਗਏ ਵਿਸ਼ਾਲ ਕੁਮਾਰ ਨਾਲ ਵੀ ਉਸ ਦੀ ਗੱਲਬਾਤ ਸੀ।
ਨੇਪਾਲੀ ਦੋਸਤ ਕੌਣ ?
ਕੁੜੀ ਨੇ ਹਾਲ ਹੀ ਵਿੱਚ 12ਵੀਂ ਪਾਸ ਕੀਤੀ ਹੈ। ਪੁਲਿਸ ਤੋਂ ਪ੍ਰਾਪਤ ਜਾਣਕਾਰੀ ਅਨੁਸਾਰ ਉਸ ਦੀ ਨੇਪਾਲੀ ਲੜਕੇ ਗੀਯੂ ਨਾਲ ਕੁਝ ਦਿਨ ਪਹਿਲਾਂ ਦੋਸਤੀ ਹੋਈ ਸੀ। ਉਸ ਨੇ ਲੜਕੀ ਨੂੰ ਇਹ ਕਹਿ ਕੇ ਫਰਜ਼ੀ ਅਕਾਊਂਟ (doc.acct) ਬਣਾਉਣ ਲਈ ਕਿਹਾ ਸੀ ਕਿ ਉਹ ਆਪਣਾ ਟਵਿੱਟਰ ਅਕਾਊਂਟ ਛੱਡ ਦੇਵੇਗੀ। ਨਾਲ ਹੀ ਉਸ ਤੋਂ ਉਸ ਦੀ ਲਾਗਇਨ ਆਈਡੀ ਵੀ ਮੰਗੀ। ਇਸ ਤੋਂ ਬਾਅਦ ਲੜਕੀ ਨੇ ਆਪਣਾ ਟਵਿਟਰ ਅਕਾਊਂਟ ਬਦਲ ਕੇ infinitude07 ਕਰ ਦਿੱਤਾ ਅਤੇ ZATTkhalsa7 ਨਾਂ ਦਾ ਨਵਾਂ ਅਕਾਊਂਟ ਬਣਾਇਆ। ਇਸੇ ਅਕਾਊਂਟ ਰਾਹੀਂ ਬੁਲੀ ਬਾਈ ਐਪ 'ਤੇ ਮੁਸਲਿਮ ਔਰਤਾਂ ਦੀਆਂ ਫੋਟੋਆਂ ਪਾਈਆਂ ਗਈਆਂ ਸਨ।
ਕੌਣ ਹੈ ਸ਼ਵੇਤਾ ?
ਸ਼ਵੇਤਾ ਸਿੰਘ ਨੂੰ ਉਤਰਾਖੰਡ ਦੇ ਊਧਮ ਸਿੰਘ ਨਗਰ ਤੋਂ ਗ੍ਰਿਫਤਾਰ ਕੀਤਾ ਗਿਆ ਹੈ। ਉਸ ਦੇ ਪਿਤਾ ਦੀ ਮੌਤ ਕੋਰੋਨਾ ਦੇ ਦੌਰ ਦੌਰਾਨ ਹੋਈ ਸੀ, ਜਦੋਂ ਕਿ ਮਾਂ ਦੀ ਕੈਂਸਰ ਨਾਲ ਮੌਤ ਹੋ ਗਈ ਸੀ, ਉਸਦੀ ਇੱਕ ਵੱਡੀ ਭੈਣ ਹੈ, ਜਦੋਂ ਕਿ ਇੱਕ ਛੋਟੀ ਭੈਣ ਅਤੇ ਭਰਾ ਸਕੂਲ ਵਿੱਚ ਪੜ੍ਹਦੇ ਹਨ। ਸ਼ਵੇਤਾ ਇੰਜੀਨੀਅਰਿੰਗ ਦੀ ਪ੍ਰੀਖਿਆ ਲਈ ਤਿਆਰੀ ਕਰ ਰਹੀ ਸੀ।
ਪੁਲਿਸ ਕਥਿਤ ਨੇਪਾਲੀ ਨਾਗਰਿਕ ਅਤੇ ਸ਼ਵੇਤਾ ਸਿੰਘ ਨਾਲ ਜੁੜੇ ਹੋਰਨਾਂ ਦੀ ਭੂਮਿਕਾ ਦੀ ਜਾਂਚ ਕਰ ਰਹੀ ਹੈ। ਇਹ ਵੀ ਜਾਂਚ ਕੀਤੀ ਜਾ ਰਹੀ ਹੈ ਕਿ ਸ਼ਵੇਤਾ ਸਿੰਘ ਨੇ ਬੁਲੀ ਬਾਈ ਐਪ ਨੂੰ ਆਪ ਬਣਾਇਆ ਸੀ ਜਾ ਫੇਰ ਕਿਸੇ ਦੀ ਮਦਦ ਨਾਲ ਬਣਾਇਆ ਸੀ।
ਕੀ ਹੈ ਬੁਲੀ ਬਾਈ ਐਪ ਮਾਮਲਾ ?
ਪਿਛਲੇ ਕੁੱਝ ਦਿਨਾਂ ਤੋਂ ਦੇਸ਼ ਵਿੱਚ ਬੁਲੀ ਬਾਈ (Bulli Bai app case) ਦੀ ਚਰਚਾ ਖੂਬ ਹੋ ਰਹੀ ਹੈ। ਆਓ ਜੀ ਤੁਹਾਨੂੰ ਵਿਸਥਾਰ ਨਾਲ ਦੱਸਦੇ ਹਨ ਕਿ ਅਖੀਰ ਕੀ ਹੈ ਇਹ ਬੁਲੀ ਬਾਈ ਐਪ ਅਤੇ ਕਿਉਂ ਇਸ ਨੂੰ ਲੈ ਕੇ ਇੰਨਾ ਝੱਗੜਾ ਖੜਾ ਹੋ ਰਿਹਾ ਹੈ। ਬੁਲੀ ਬਾਈ ਐਪ (Bulli Bai app) ਗੂਗਲ ਪਲੇ ਸਟੋਰ (Google Play Store) ਜਾਂ ਐਪ ਸਟੋਰ (App Store) ਉੱਤੇ ਨਹੀਂ ਮਿਲਦਾ। ਇਹ ਗਿਟਹਬ (Github) ਨਾਮ ਦੇ ਪਲੇਟਫਾਰਮ ਉੱਤੇ ਮੌਜੂਦ ਹੈ।
ਆਸਾਨ ਸ਼ਬਦਾਂ ਵਿੱਚ ਕਿਹਾ ਜਾਵੇ ਤਾਂ ਇੱਥੇ ਮੁਸਲਮਾਨ ਔਰਤਾਂ ਦੀ ਬੋਲੀ ਲਗਾਈ ਜਾ ਰਹੀ ਸੀ। ਜਦੋਂ ਤੁਸੀ ਇਸ ਐਪ ਨੂੰ ਓਪਨ ਕਰਦੇ ਹਨ ਤਾਂ ਸਕਰੀਨ ਉੱਤੇ ਮੁਸਲਮਾਨ ਔਰਤਾਂ (Muslim Womens) ਦਾ ਚਿਹਰਾ ਨਜ਼ਰ ਆਉਂਦਾ ਹੈ। ਜਿਸ ਨੂੰ ਬੁਲੀ ਬਾਈ ਨਾਮ ਦਿੱਤਾ ਗਿਆ ਹੈ। ਇਸ ਵਿੱਚ ਉਨ੍ਹਾਂ ਮੁਸਲਮਾਨ ਔਰਤਾਂ ਦਾ ਨਾਮ ਯੂਜ ਕੀਤਾ ਜਾ ਰਿਹਾ ਹੈ ਜੋ ਸੋਸ਼ਲ ਮੀਡੀਆ ਉੱਤੇ ਕਾਫ਼ੀ ਐਕਟਿਵ ਹੋਵੇ। ਇਸ ਮੁਸਲਮਾਨ ਔਰਤਾਂ ਦੀਆਂ ਤਸਵੀਰਾਂ ਨੂੰ ਪ੍ਰਾਇਸਟੈਗ (Muslim Women Bidding) ਦੇ ਨਾਲ ਸਾਂਝਾ ਕੀਤਾ ਗਿਆ ਹੈ।
ਇਹੀ ਨਹੀਂ, ਬੁਲੀ ਬਾਈ ਨਾਮ ਦੇ ਇੱਕ ਟਵਿਟਰ (Twitter) ਹੈਂਡਲ ਨਾਲ ਇਸ ਨੂੰ ਪ੍ਰਮੋਟ ਵੀ ਕੀਤਾ ਜਾ ਰਿਹਾ ਸੀ। ਇਸ ਹੈਂਡਲ ਉੱਤੇ ਮੁਸਲਮਾਨ ਔਰਤਾਂ ਨੂੰ ਬੁੱਕ ਕਰਨ ਦੀ ਵੀ ਗੱਲ ਲਿਖੀ ਗਈ ਸੀ। ਹਾਲਾਂਕਿ ਭਾਰਤ ਸਰਕਾਰ (Indian Government) ਦੇ ਦਖਲ ਤੋਂ ਬਾਅਦ ਹੁਣ ਇਸ ਐਪ (App) ਅਤੇ ਇਸ ਟਵਿਟਰ ਹੈਂਡਲ (Twitter handle) ਨੂੰ ਹਟਾ ਦਿੱਤਾ ਗਿਆ ਹੈ।
ਗਿਟਹਬ (Github) ਕੀ ਹੈ ?
ਬੁਲੀ ਬਾਈ ਐਪ ਗਿਟਹਬ (Github) ਪਲੇਟਫਾਰਮ ਉੱਤੇ ਹੀ ਮੌਜੂਦ ਸੀ। ਅਜਿਹੇ ਵਿੱਚ ਇੱਥੇ ਇਹ ਵੀ ਸੱਮਝਣਾ ਜਰੂਰੀ ਹੈ ਕਿ ਅਖੀਰ ਗਿਟਹਬ ਕੀ ਹੈ। ਗਿਟਹਬ ਇੱਕ ਓਪਨ ਸੋਰਸ ਪਲੇਟਫਾਰਮ (Open Source Platform) ਹੈ ਅਤੇ ਇਹ ਆਪਣੇ ਯੂਜਰਸ ਨੂੰ ਕੋਈ ਵੀ ਐਪ ਕ੍ਰਿਏਟ ਕਰਨ ਅਤੇ ਉਨ੍ਹਾਂ ਨੂੰ ਸ਼ੇਅਰ ਕਰਨ ਦਾ ਆਪਸ਼ਨ ਦਿੰਦਾ ਹੈ। ਤੁਸੀ ਇੱਥੇ ਪਰਸਨਲ ਜਾਂ ਪ੍ਰੋਫੇਸ਼ਨਲ ਕਿਸੇ ਵੀ ਤਰ੍ਹਾਂ ਦਾ ਐਪ ਸ਼ੇਅਰ ਕਰਨ ਦੇ ਨਾਲ ਹੀ ਉਸਨੂੰ ਵੇਚ ਵੀ ਸੱਕਦੇ ਹੋ।
ਸੁੱਲੀ ਡੀਲਸ ਦੀ ਤਰ੍ਹਾਂ ਬੁਲੀ ਬਾਈ
ਹੁਣ ਤੱਕ ਜੋ ਜਾਣਕਾਰੀ ਸਾਹਮਣੇ ਆਈ ਹੈ, ਉਸ ਹਿਸਾਬ ਨਾਲ ਬੁਲੀ ਬਾਈ ਐਪ ਬਿਲਕੁੱਲ ਸੁੱਲੀ ਡੀਲਸ (Sulli Deals) ਦੀ ਤਰ੍ਹਾਂ ਹੈ। ਸੁੱਲੀ ਡੀਲਸ ਪਿਛਲੇ ਸਾਲ ਸੁਰਖੀਆਂ ਵਿੱਚ ਆਇਆ ਸੀ। ਉਸ ਵਿੱਚ ਵੀ ਮੁਸਲਮਾਨ ਔਰਤਾਂ ਦੀਆਂ ਤਸਵੀਰਾਂ ਦਾ ਮਿਸਿਊਜ ਕੀਤਾ ਗਿਆ ਸੀ। ਖਾਸ ਗੱਲ ਇਹ ਹੈ ਕਿ ਸੁੱਲੀ ਡੀਲਸ ਨੂੰ ਵੀ ਗਿਟਹਬ ਪਲੇਟਫਾਰਮ ਉੱਤੇ ਹੀ ਚਲਾਇਆ ਗਿਆ ਸੀ। ਹਾਲਾਂਕਿ ਸ਼ਿਕਾਇਤ ਮਿਲਦੇ ਹੀ ਦਿੱਲੀ ਪੁਲਿਸ ਨੇ ਕਾਰਵਾਈ ਕੀਤੀ ਸੀ ਅਤੇ ਇੱਕ ਵਾਰ ਫਿਰ ਬੁਲੀ ਬਾਈ ਐਪ ਮਾਮਲੇ ਵਿੱਚ ਵੀ ਦਿੱਲੀ ਪੁਲਿਸ ਸਰਗਰਮ ਹੋ ਗਈ ਹੈ। ਪੁਲਿਸ ਨੇ ਗਿਟਹਬ ਤੋਂ ਇਸ ਨੂੰ ਬਣਾਉਣ ਵਾਲੇ ਦੀ ਜਾਣਕਾਰੀ ਮੰਗੀ ਹੈ ਅਤੇ ਨਾਲ ਹੀ ਟਵਿਟਰ ਤੋਂ ਉਸ ਅਕਾਉਂਟ ਦੀ ਡਿਟੇਲ ਮੰਗੀ ਗਈ ਹੈ। ਜਿਨ੍ਹੇ ਪਹਿਲੀ ਵਾਰ ਇਸਨੂੰ ਟਵੀਟ ਕੀਤਾ ਸੀ।
