ਸ਼ਿਮਲਾ— ਸ਼ਿਮਲਾ ਜ਼ਿਲ੍ਹੇ ਦੇ ਚੌਪਾਲ ਬਾਜ਼ਾਰ 'ਚ ਇਕ 4 ਮੰਜ਼ਿਲਾ ਇਮਾਰਤ ਡਿੱਗ ਗਈ ਹੈ। ਲਗਾਤਾਰ ਮੀਂਹ ਤੋਂ ਬਾਅਦ ਜ਼ਮੀਨ ਖਿਸਕਣ ਕਾਰਨ ਇਮਾਰਤ ਢਹਿ ਗਈ। ਦੱਸਿਆ ਜਾ ਰਿਹਾ ਹੈ ਕਿ ਇਸ ਇਮਾਰਤ ਵਿੱਚ ਇੱਕ ਢਾਬਾ, 2 ਦੁਕਾਨਾਂ ਅਤੇ ਇੱਕ ਬੈਂਕ ਸੀ। ਇਹ ਹਾਦਸਾ ਲਗਾਤਾਰ ਮੀਂਹ ਕਾਰਨ ਜ਼ਮੀਨ ਹੇਠਾਂ ਦੱਬਣ ਕਾਰਨ ਵਾਪਰਿਆ। ਹਾਦਸੇ ਵਿੱਚ ਕਿਸੇ ਜਾਨੀ ਨੁਕਸਾਨ ਦੀ ਸੂਚਨਾ ਨਹੀਂ ਹੈ।
ਦੱਸ ਦੇਈਏ ਕਿ ਹਿਮਾਚਲ ਵਿੱਚ ਮਾਨਸੂਨ ਸ਼ੁਰੂ ਹੁੰਦੇ ਹੀ ਨੁਕਸਾਨ ਦਾ ਦੌਰ ਵੀ ਸ਼ੁਰੂ ਹੋ ਗਿਆ ਹੈ। ਭਾਰੀ ਮੀਂਹ ਕਾਰਨ ਕਈ ਥਾਵਾਂ 'ਤੇ ਹੜ੍ਹ, ਜ਼ਮੀਨ ਖਿਸਕਣ ਦੀਆਂ ਘਟਨਾਵਾਂ ਵਾਪਰ ਰਹੀਆਂ ਹਨ।
ਸ਼ਿਮਲਾ ਦੇ ਚੌਪਾਲ 'ਚ 4 ਮੰਜ਼ਿਲਾ ਡਿੱਗੀ ਇਮਾਰਤ
ਪਿਛਲੇ ਦਿਨੀਂ ਵੀ ਕੁੱਲੂ ਤੋਂ ਬਿਲਾਸਪੁਰ ਤੱਕ ਬੱਦਲ ਫੱਟਣ ਦੀਆਂ ਘਟਨਾਵਾਂ ਸਾਹਮਣੇ ਆ ਚੁੱਕੀਆਂ ਹਨ। ਜਿਸ ਨਾਲ ਕਾਫੀ ਨੁਕਸਾਨ ਹੋਇਆ ਹੈ। ਇਸ ਬਰਸਾਤ ਵਿੱਚ ਹੁਣ ਤੱਕ 90 ਕਰੋੜ ਤੋਂ ਵੱਧ ਦਾ ਨੁਕਸਾਨ ਹੋਣ ਦਾ ਅਨੁਮਾਨ ਹੈ।
ਇਹ ਵੀ ਪੜੋ:- ਅਮਰਨਾਥ ਹਾਦਸਾ: ਬਚਾਅ ਕਾਰਜ ਜਾਰੀ, 6 ਲੋਕਾਂ ਨੂੰ ਏਅਰਲਿਫਟ, ਹੁਣ ਤੱਕ 16 ਮੌਤਾਂ
