ਹੈਦਰਾਬਾਦ: ਵਟਸਐਪ ਦਾ ਇਸਤੇਮਾਲ ਕਰੋੜਾਂ ਯੂਜ਼ਰਸ ਕਰਦੇ ਹਨ। ਇਸ ਲਈ ਕੰਪਨੀ ਆਪਣੇ ਗ੍ਰਾਹਕਾਂ ਲਈ ਨਵੇਂ ਅਪਡੇਟ ਪੇਸ਼ ਕਰਦੀ ਰਹਿੰਦੀ ਹੈ। ਕੰਪਨੀ ਨੇ ਹਾਲ ਹੀ ਵਿੱਚ ਆਪਣੇ ਯੂਜ਼ਰਸ ਨੂੰ ਸਟਿੱਕਰ ਐਡਿਟ ਕਰਨ ਦਾ ਫੀਚਰ ਦਿੱਤਾ ਸੀ। ਹੁਣ ਸਟਿੱਕਰ ਕ੍ਰਿਏਸ਼ਨ ਨੂੰ ਹੋਰ ਮਜ਼ੇਦਾਰ ਬਣਾਉਣ ਲਈ ਕੰਪਨੀ ਨਵਾਂ ਅਪਡੇਟ ਲੈ ਕੇ ਆਈ ਹੈ। WABetaInfo ਨੇ ਦੱਸਿਆ ਹੈ ਕਿ ਵਟਸਐਪ ਸਟਿੱਕਰ ਬਣਾਉਣ ਲਈ ਦੋ ਨਵੇਂ ਸ਼ਾਰਟਕੱਟ ਆਫ਼ਰ ਕਰ ਰਿਹਾ ਹੈ। WABetaInfo ਨੇ ਇਸ ਅਪਡੇਟ ਦਾ ਸਕ੍ਰੀਨਸ਼ਾਰਟ ਵੀ ਸ਼ੇਅਰ ਕੀਤਾ ਹੈ। ਸ਼ੇਅਰ ਕੀਤੇ ਗਏ ਸਕ੍ਰੀਨਸ਼ਾਰਟ 'ਚ ਦੇਖਿਆ ਜਾ ਸਕਦਾ ਹੈ ਕਿ ਕੰਪਨੀ ਐਪ ਦੇ ਨਵੇਂ ਡਿਜ਼ਾਈਨ ਨਾਲ ਮਿਲਦਾ ਹੋਇਆ ਸਟਿੱਕਰ ਕ੍ਰਿਏਸ਼ਨ ਆਈਕਨ ਦੇ ਰਹੀ ਹੈ।
ਇਨ੍ਹਾਂ ਯੂਜ਼ਰਸ ਨੂੰ ਮਿਲਿਆ ਨਵਾਂ ਅਪਡੇਟ: ਵਟਸਐਪ ਦਾ ਨਵਾਂ ਅਪਡੇਟ iOS ਯੂਜ਼ਰਸ ਲਈ ਆਇਆ ਹੈ। ਬੀਟਾ ਯੂਜ਼ਰਸ ਇਸ ਅਪਡੇਟ ਨੂੰ ਵਟਸਐਪ ਬੀਟਾ ਫਾਰ iOS 24.9.10.74 ਵਰਜ਼ਨ 'ਚ ਚੈੱਕ ਅਤੇ ਇਸਤੇਮਾਲ ਕਰ ਸਕਦੇ ਹਨ। ਬੀਟਾ ਟੈਸਟਿੰਗ ਪੂਰੀ ਹੋਣ ਤੋਂ ਬਾਅਦ ਇਸਦੇ ਸਟੇਬਲ ਵਰਜ਼ਨ ਨੂੰ iOS ਦੇ ਗਲੋਬਲ ਯੂਜ਼ਰਸ ਲਈ ਰੋਲਆਊਟ ਕਰ ਦਿੱਤਾ ਜਾਵੇਗਾ।
iOS ਦੇ ਵਟਸਐਪ ਦਾ ਬਦਲਿਆ ਰੰਗ: ਇਸ ਤੋਂ ਇਲਾਵਾ, ਵਟਸਐਪ ਦੇ iOS ਯੂਜ਼ਰਸ ਲਈ ਨਵਾਂ ਇੰਟਰਫੇਸ ਰੋਲਆਊਟ ਕਰਨਾ ਵੀ ਸ਼ੁਰੂ ਕਰ ਦਿੱਤਾ ਗਿਆ ਹੈ। ਇਸ ਅਪਡੇਟ ਤੋਂ ਬਾਅਦ ਯੂਜ਼ਰਸ ਨੂੰ ਵਟਸਐਪ ਗ੍ਰੀਨ ਕਲਰ ਦੇ ਨਾਲ-ਨਾਲ ਇੰਟਰਫੇਸ 'ਚ ਮਾਡਰਨ ਆਈਕਨ ਦੇਖਣ ਨੂੰ ਮਿਲ ਰਿਹਾ ਹੈ। ਇਸ ਦੇ ਨਾਲ ਹੀ, ਕੰਪਨੀ ਯੂਜ਼ਰਸ ਨੂੰ ਵੀਡੀਓ ਕਾਲ ਦੌਰਾਨ ਸਕ੍ਰੀਨ ਸ਼ੇਅਰਿੰਗ ਫੀਚਰ 'ਚ ਆਡੀਓ ਸ਼ੇਅਰਿੰਗ ਦਾ ਆਪਸ਼ਨ ਵੀ ਦੇ ਰਹੀ ਹੈ।
