ਦਿੱਲੀ: ਸਨਰਾਈਜ਼ਰਜ਼ ਹੈਦਰਾਬਾਦ ਨੇ ਆਪਣੇ ਘਰੇਲੂ ਮੈਦਾਨ 'ਤੇ ਚੇਨਈ ਸੁਪਰ ਕਿੰਗਜ਼ ਨੂੰ 6 ਵਿਕਟਾਂ ਨਾਲ ਹਰਾ ਕੇ ਸੈਸ਼ਨ ਦੀ ਆਪਣੀ ਦੂਜੀ ਜਿੱਤ ਦਰਜ ਕੀਤੀ। ਹੈਦਰਾਬਾਦ ਨੇ CSK ਵੱਲੋਂ ਦਿੱਤੇ 166 ਦੌੜਾਂ ਦੇ ਟੀਚੇ ਨੂੰ 11 ਗੇਂਦਾਂ ਬਾਕੀ ਰਹਿੰਦਿਆਂ ਆਸਾਨੀ ਨਾਲ ਹਾਸਲ ਕਰ ਲਿਆ। ਹੈਦਰਾਬਾਦ ਲਈ ਏਡੇਨ ਮਾਰਕਰਮ (50) ਨੇ ਸ਼ਾਨਦਾਰ ਅਰਧ ਸੈਂਕੜਾ ਲਗਾਇਆ। ਸਲਾਮੀ ਬੱਲੇਬਾਜ਼ ਅਭਿਸ਼ੇਕ ਸ਼ਰਮਾ ਨੇ 12 ਗੇਂਦਾਂ 'ਚ 37 ਦੌੜਾਂ ਬਣਾ ਕੇ ਹੈਦਰਾਬਾਦ ਨੂੰ ਤੂਫਾਨੀ ਸ਼ੁਰੂਆਤ ਦਿਵਾਈ ਅਤੇ ਜਿੱਤ 'ਚ ਅਹਿਮ ਭੂਮਿਕਾ ਨਿਭਾਈ। ਚੇਨਈ ਵੱਲੋਂ ਸਭ ਤੋਂ ਵੱਧ ਦੋ ਵਿਕਟਾਂ ਮੋਇਨ ਅਲੀ ਨੇ ਲਈਆਂ। ਦੀਪਕ ਚਾਹਰ ਅਤੇ ਮਹੇਸ਼ ਥੀਕਸ਼ਾਨਾ ਨੂੰ 1-1 ਵਿਕਟ ਨਾਲ ਸੰਤੁਸ਼ਟ ਹੋਣਾ ਪਿਆ।
ਚੇਨਈ ਨੇ ਦਿੱਤਾ ਟਾਰਗੇਟ: ਇਸ ਤੋਂ ਪਹਿਲਾਂ ਚੇਨਈ ਸੁਪਰ ਕਿੰਗਜ਼ ਨੇ ਟਾਸ ਹਾਰ ਕੇ ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ 20 ਓਵਰਾਂ 'ਚ 5 ਵਿਕਟਾਂ ਦੇ ਨੁਕਸਾਨ 'ਤੇ 165 ਦੌੜਾਂ ਬਣਾਈਆਂ। ਸੀਐਸਕੇ ਲਈ ਸ਼ਿਵਮ ਦੂਬੇ ਸਭ ਤੋਂ ਵੱਧ ਸਕੋਰਰ ਰਹੇ, ਜਿਨ੍ਹਾਂ ਨੇ 45 ਦੌੜਾਂ ਦੀ ਪਾਰੀ ਖੇਡੀ। ਅਜਿੰਕਿਆ ਰਹਾਣੇ ਨੇ 35 ਅਤੇ ਰਵਿੰਦਰ ਜਡੇਜਾ ਨੇ 31 ਦੌੜਾਂ ਦਾ ਯੋਗਦਾਨ ਪਾਇਆ। ਉਥੇ ਹੀ ਸਨਰਾਈਜ਼ਰਸ ਹੈਦਰਾਬਾਦ ਲਈ ਭੁਵਨੇਸ਼ਵਰ ਕੁਮਾਰ ਨੇ 4 ਓਵਰਾਂ 'ਚ 28 ਦੌੜਾਂ ਦੇ ਕੇ 1 ਵਿਕਟ ਲਿਆ।
ਦੋਵਾਂ ਟੀਮਾਂ ਦੀ ਪਲੇਇੰਗ-11
ਚੇਨਈ ਸੁਪਰ ਕਿੰਗਜ਼: ਰੁਤੁਰਾਜ ਗਾਇਕਵਾੜ (ਕਪਤਾਨ), ਰਚਿਨ ਰਵਿੰਦਰ, ਅਜਿੰਕਿਆ ਰਹਾਣੇ, ਮੋਈਨ ਅਲੀ, ਡੇਰਿਲ ਮਿਸ਼ੇਲ, ਸ਼ਿਵਮ ਦੁਬੇ, ਰਵਿੰਦਰ ਜਡੇਜਾ, ਐਮਐਸ ਧੋਨੀ (ਵਿਕਟਕੀਪਰ), ਦੀਪਕ ਚਾਹਰ, ਤੁਸ਼ਾਰ ਦੇਸ਼ਪਾਂਡੇ, ਮਹੇਸ਼ ਥੀਕਸ਼ਾਨਾ।
ਇੰਮਪੈਕਟ ਖਿਡਾਰੀ: ਸ਼ਾਰਦੁਲ ਠਾਕੁਰ, ਸ਼ੇਖ ਰਾਸ਼ਿਦ, ਮਿਸ਼ੇਲ ਸੈਂਟਨਰ, ਸਮੀਰ ਰਿਜ਼ਵੀ, ਮੁਕੇਸ਼ ਚੌਧਰੀ
ਸਨਰਾਈਜ਼ਰਜ਼ ਹੈਦਰਾਬਾਦ: ਅਭਿਸ਼ੇਕ ਸ਼ਰਮਾ, ਏਡਨ ਮਾਰਕਰਾਮ, ਹੇਨਰਿਕ ਕਲਾਸੇਨ (ਡਬਲਯੂ.), ਅਬਦੁਲ ਸਮਦ, ਨਿਤੀਸ਼ ਰੈਡੀ, ਸ਼ਾਹਬਾਜ਼ ਅਹਿਮਦ, ਪੈਟ ਕਮਿੰਸ (ਸੀ), ਜੈਦੇਵ ਉਨਾਦਕਟ, ਭੁਵਨੇਸ਼ਵਰ ਕੁਮਾਰ, ਮਯੰਕ ਮਾਰਕੰਡੇ, ਟੀ ਨਟਰਾਜਨ।
ਇੰਮਪੈਕਟ ਖਿਡਾਰੀ: ਟ੍ਰੈਵਿਸ ਹੈੱਡ, ਉਮਰਾਨ ਮਲਿਕ, ਵਾਸ਼ਿੰਗਟਨ ਸੁੰਦਰ, ਗਲੇਨ ਫਿਲਿਪਸ, ਰਾਹੁਲ ਤ੍ਰਿਪਾਠੀ
- ਧੋਨੀ ਨੂੰ ਲੈਕੇ ਪੈਟ ਕਮਿੰਸ ਨੇ ਦਿੱਤਾ ਵੱਡਾ ਬਿਆਨ-ਕਿਹਾ ਉਹਨਾਂ ਸਾਹਮਣੇ ਚਲਾਕੀ ਕਰਨੀ ਹੈ ਬੇਹੱਦ ਔਖੀ - pat cummins talk about dhoni
- ਜਿਸ ਖਿਡਾਰੀ ਨੂੰ ਖਰੀਦ ਕੇ ਪਛਤਾ ਰਹੀ ਸੀ ਪ੍ਰੀਟੀ ਜ਼ਿੰਟਾ, ਉਸ ਨੇ ਹੀ ਗੁਜਰਾਤ ਦੇ ਖਿਲਾਫ਼ ਦਿਵਾਈ ਪੰਜਾਬ ਨੂੰ ਜਿੱਤ - IPL 2024
- ਡੀਵਿਲੀਅਰਸ ਨੇ RCB ਨੂੰ ਦਿੱਤਾ ਗੁਰੂਮੰਤਰ, ਵਿਰਾਟ ਨੂੰ ਜਿੱਤ ਦੇ ਟ੍ਰੈਕ 'ਤੇ ਵਾਪਸ ਆਉਣ ਲਈ ਮਿਲੀ ਖਾਸ ਸਲਾਹ - IPL 2024
