ਮੁੰਬਈ: 'ਦਿਲ ਬੇਚਾਰਾ' ਮਰਹੂਮ ਅਦਾਕਾਰ ਸੁਸ਼ਾਂਤ ਸਿੰਘ ਰਾਜਪੂਤ ਦੀ ਆਖਰੀ ਫਿਲਮ ਸੀ। ਇਸ ਫਿਲਮ ਨੂੰ ਪ੍ਰਸ਼ੰਸਕਾਂ ਅਤੇ ਦਰਸ਼ਕਾਂ ਦਾ ਕਾਫੀ ਪਿਆਰ ਮਿਲਿਆ ਹੈ। ਹਾਲ ਹੀ 'ਚ ਫਿਲਮ ਮੇਕਰ ਮੁਕੇਸ਼ ਛਾਬੜਾ ਨੇ 'ਦਿਲ ਬੇਚਾਰਾ' ਦੇ ਸੀਕਵਲ ਨੂੰ ਲੈ ਕੇ ਖੁੱਲ੍ਹ ਕੇ ਗੱਲ ਕੀਤੀ ਹੈ। ਉਨ੍ਹਾਂ ਨੇ ਇਸ ਗੱਲ ਦੀ ਪੁਸ਼ਟੀ ਕੀਤੀ ਹੈ ਕਿ ਉਹ ਇਸ ਫਿਲਮ ਦਾ ਸੀਕਵਲ ਬਣਾਉਣਗੇ।
ਇੱਕ ਇੰਟਰਵਿਊ ਵਿੱਚ ਮੁਕੇਸ਼ ਛਾਬੜਾ ਨੇ ਸੁਸ਼ਾਂਤ ਸਿੰਘ ਰਾਜਪੂਤ ਅਤੇ ਸੰਜਨਾ ਸਾਂਘੀ ਦੀ ਫਿਲਮ 'ਦਿਲ ਬੇਚਾਰਾ' ਦੇ ਸੀਕਵਲ ਬਾਰੇ ਖੁਲਾਸਾ ਕੀਤਾ ਹੈ। ਉਨ੍ਹਾਂ ਨੇ ਕਿਹਾ ਹੈ ਕਿ, "ਸੱਚ ਦੱਸਾਂ ਤਾਂ ਮੈਂ ਦਿਲ ਬੇਚਾਰਾ 2 ਬਣਾਉਣ ਦੀ ਯੋਜਨਾ ਬਣਾ ਰਿਹਾ ਹਾਂ। ਦਿਲ ਬੇਚਾਰਾ ਮੇਰੇ ਲਈ ਬਹੁਤ ਖਾਸ ਹੈ, ਕਿਉਂਕਿ ਇਸ ਫਿਲਮ ਨਾਲ ਬਹੁਤ ਸਾਰੀਆਂ ਭਾਵਨਾਵਾਂ ਜੁੜੀਆਂ ਹਨ, ਬੇਸ਼ੱਕ ਸੁਸ਼ਾਂਤ। ਇਸ ਲਈ ਮੈਨੂੰ ਅਹਿਸਾਸ ਹੋਇਆ ਕਿ ਮੈਨੂੰ ਇਹ ਕਰਨਾ ਚਾਹੀਦਾ ਹੈ।"
ਉਨ੍ਹਾਂ ਨੇ ਅੱਗੇ ਕਿਹਾ, 'ਮੈਂ ਇੱਕ ਫਿਲਮ ਬਣਾ ਰਿਹਾ ਸੀ, ਜਿਸ ਦਾ ਨਾਂ 'ਦਿਲ ਬੇਚਾਰਾ 2' ਰੱਖਣਾ ਚਾਹੁੰਦਾ ਸੀ, ਪਰ ਉਹ ਟਾਈਟਲ ਹਮੇਸ਼ਾ ਸੁਸ਼ਾਂਤ ਦਾ ਹੀ ਰਹੇਗਾ। ਮੈਂ ਉਸ ਨਾਂ ਦੀ ਵਰਤੋਂ ਨਹੀਂ ਕਰਨਾ ਚਾਹੁੰਦਾ। ਮੈਂ ਅਜੇ ਵੀ ਇਸ ਦੀ ਸੁੰਦਰਤਾ ਨੂੰ ਬਰਕਰਾਰ ਰੱਖਣਾ ਚਾਹੁੰਦਾ ਹਾਂ।" ਮੁਕੇਸ਼ ਨੇ ਕਿਹਾ, 'ਮੈਂ ਸੁਸ਼ਾਂਤ ਨਾਲ ਤਿੰਨ-ਚਾਰ ਹੋਰ ਫਿਲਮਾਂ 'ਚ ਵੀ ਕੰਮ ਕਰਨਾ ਚਾਹੁੰਦਾ ਸੀ। ਇਹ ਮੇਰਾ ਸੁਪਨਾ ਸੀ।"
- ਸਲਮਾਨ ਖਾਨ ਦੀ ਫਿਲਮ 'ਸਿਕੰਦਰ' 'ਚ ਹੋਈ ਇਸ ਅਦਾਕਾਰਾ ਦੀ ਐਂਟਰੀ, ਮੇਕਰਸ ਨੇ ਤਸਵੀਰ ਸ਼ੇਅਰ ਕਰਕੇ ਕੀਤੀ ਪੁਸ਼ਟੀ - Rashmika Mandanna
- ਲੰਮੇਂ ਸਮੇਂ ਬਾਅਦ ਇਸ ਪੰਜਾਬੀ ਫ਼ਿਲਮ ਲਈ ਪਲੇਬੈਕ ਕਰਨਗੇ ਗਾਇਕ ਸੁਖਵਿੰਦਰ ਸਿੰਘ, ਇਸ ਫਿਲਮ ਵਿੱਚ ਸੁਣਾਈ ਦੇਵੇਗੀ ਆਵਾਜ਼ - Sukhwinder Singh New Song
- ਰਿਲੀਜ਼ ਲਈ ਤਿਆਰ ਹੈ ਪੰਜਾਬੀ ਫਿਲਮ 'ਕੁੜੀ ਹਰਿਆਣੇ ਵੱਲ ਦੀ', ਲੀਡ ਭੂਮਿਕਾ 'ਚ ਨਜ਼ਰ ਆਉਣਗੇ ਐਮੀ ਵਿਰਕ-ਸੋਨਮ ਬਾਜਵਾ - Film Kudi Haryane Val Di
ਫਿਲਮ ਦਿਲ ਬੇਚਾਰਾ 2020 ਵਿੱਚ ਰਿਲੀਜ਼ ਹੋਣ ਵਾਲੀ ਸੁਸ਼ਾਂਤ ਦੀ ਆਖਰੀ ਫਿਲਮ ਸੀ। ਇਹ ਫਿਲਮ ਉਸਦੀ ਮੌਤ ਤੋਂ ਇੱਕ ਮਹੀਨੇ ਬਾਅਦ ਡਿਜ਼ਨੀ ਪਲੱਸ ਹੌਟਸਟਾਰ 'ਤੇ ਸਟ੍ਰੀਮ ਕੀਤੀ ਗਈ ਸੀ। ਅਦਾਕਾਰ ਸੁਸ਼ਾਂਤ ਅਤੇ ਨਿਰਦੇਸ਼ਕ ਮੁਕੇਸ਼ ਨੇ ਇਸ ਫਿਲਮ ਰਾਹੀ ਪਹਿਲੀ ਵਾਰ ਇਕੱਠੇ ਕੰਮ ਕੀਤਾ ਸੀ, ਜਿਸ ਤੋਂ ਬਾਅਦ ਉਨ੍ਹਾਂ ਨੇ ਫੈਸਲਾ ਲਿਆ ਸੀ ਕਿ ਉਹ ਇਕ-ਦੂਜੇ ਨਾਲ ਫਿਰ ਦੁਬਾਰਾ ਕੰਮ ਕਰਨਗੇ।
