ਚੰਡੀਗੜ੍ਹ: ਟੈਲੀਵਿਜ਼ਨ ਦੀ ਦੁਨੀਆਂ ਦਾ ਚਰਚਿਤ ਅਤੇ ਸ਼ਾਨਦਾਰ ਚਿਹਰਾ ਬਣਦੇ ਜਾ ਰਹੇ ਹਨ ਪੰਜਾਬੀ ਮੂਲ ਐਕਟਰ ਸੰਦੀਪ ਕਪੂਰ, ਜਿੰਨ੍ਹਾਂ ਨੂੰ ਸੋਨੀ ਟੀਵੀ ਦੇ ਨਵੇਂ ਅਤੇ ਔਨ ਏਅਰ ਹੋ ਚੁੱਕੇ ਸੀਰੀਅਲ 'ਕੁਛ ਰੀਤ ਜਗਤ ਕੀ ਐਸੀ ਹੈ' ਦਾ ਅਹਿਮ ਹਿੱਸਾ ਬਣਾਇਆ ਗਿਆ ਹੈ, ਜੋ ਇਸ ਡ੍ਰਾਮੈਟਿਕ ਅਤੇ ਦਿਲਚਸਪ ਡੇਲੀ ਸ਼ੋਅ ਵਿੱਚ ਪ੍ਰਭਾਵੀ ਭੂਮਿਕਾ ਨਿਭਾਉਂਦੇ ਨਜ਼ਰੀ ਪੈਣਗੇ।
ਨਿਰਮਾਤਾ ਜੇਡੀ ਮਜੀਠੀਆ ਵੱਲੋਂ ਨਿਰਮਿਤ ਕੀਤਾ ਗਿਆ ਇਹ ਸ਼ੋਅ ਦਹੇਜ ਪ੍ਰਥਾ ਅਤੇ ਗੁਜਰਾਤੀ ਪਿਛੋਕੜ ਦੁਆਲੇ ਬੁਣਿਆ ਗਿਆ ਹੈ, ਜਿਸ 'ਚ ਗੁਜਰਾਤੀ ਸੰਸਕ੍ਰਿਤੀ ਦੇ ਕਈ ਰੰਗ ਵੇਖਣ ਨੂੰ ਮਿਲਣਗੇ। ਟੀਵੀ ਵਿੱਚ ਲੋਕਪ੍ਰਿਯ ਸੋਅਜ਼ ਵਿੱਚ ਅਪਣੀ ਮੌਜ਼ੂਦਗੀ ਦਰਜ ਕਰਵਾਉਣ ਵੱਲ ਵੱਧ ਰਹੇ ਇਸ ਸੀਰੀਅਲ ਦੀ ਸਟਾਰ ਕਾਸਟ ਵਿੱਚ ਮੀਰਾ ਦੇਓਥਲੇ, ਜਾਨ ਖਾਨ, ਧਰਮੇਸ਼ ਵਿਆਸ, ਸੌਰਭ ਗੁੰਬਰ, ਪੱਲਵੀ ਪਾਠਕ, ਵਿਸ਼ਾ ਵੀਰਾ, ਭੂਮਿਕਾ ਛੇੜਾ, ਸੇਜਲ ਸ਼ਾਹ, ਖੁਸ਼ੀ ਰਾਜਪੂਤ, ਤੁਸ਼ਾਰ ਕਵਾਲ, ਸੰਦੀਪ ਪ੍ਰਕਾਸ਼ ਆਦਿ ਸ਼ੁਮਾਰ ਹਨ, ਜਿੰਨਾਂ ਨਾਲ ਹੀ ਬੇਹੱਦ ਪ੍ਰਭਾਵਸ਼ਾਲੀ ਰੋਲ ਪਲੇ ਕਰਦੇ ਵਿਖਾਈ ਦੇਣਗੇ ਅਦਾਕਾਰ ਸੰਦੀਪ ਕਪੂਰ।
- ਵਿਕਰਾਂਤ ਮੈਸੀ ਨੇ ਆਪਣੇ ਬੇਟੇ ਦੇ ਨਾਮ ਦਾ ਬਣਵਾਇਆ ਟੈਟੂ, ਸ਼ੇਅਰ ਕੀਤੀ ਤਸਵੀਰ - Vikrant Massey Son
- ਇਸ ਅਰਥ-ਭਰਪੂਰ ਗਾਣੇ ਨਾਲ ਸਾਹਮਣੇ ਆਉਣਗੇ ਗੀਤਕਾਰ ਸ਼ੰਮੀ ਜਲੰਧਰੀ, ਇਸ ਦਿਨ ਗੀਤ ਹੋਵੇਗਾ ਰਿਲੀਜ਼ - Upcoming Song Paisa Peer
- ਦਿਲਜੀਤ ਦੁਸਾਂਝ ਨੇ ਪਰਿਣੀਤੀ ਚੋਪੜਾ ਨਾਲ 'ਚਮਕੀਲਾ' ਦੇ ਸੈੱਟ ਤੋਂ ਸਾਂਝੀ ਕੀਤੀ ਮਜ਼ੇਦਾਰ ਵੀਡੀਓ, ਮਸਤੀ ਕਰਦੀ ਨਜ਼ਰ ਆਈ ਪਰੀ - Diljit Dosanjh
ਉਨਾਂ ਦੱਸਿਆ ਕਿ ਸਮਾਜਿਕ ਸਰੋਕਾਰਾਂ ਨਾਲ ਜੁੜਿਆ ਅਤੇ ਸਮਾਜਿਕ ਕੁਰੀਤੀਆਂ ਨੂੰ ਪ੍ਰਮੁੱਖਤਾ ਨਾਲ ਉਭਾਰਦੇ ਇਸ ਸੀਰੀਅਲ ਵਿੱਚ ਕਈ ਮੰਨੇ ਪ੍ਰਮੰਨੇ ਅਤੇ ਮੰਝੇ ਹੋਏ ਕਲਾਕਾਰ ਲੀਡਿੰਗ ਰੋਲ ਅਦਾ ਕਰ ਰਹੇ ਹਨ।
ਮੂਲ ਰੂਪ ਵਿੱਚ ਚੰਡੀਗੜ੍ਹ ਨਾਲ ਸੰਬੰਧਿਤ ਇਸ ਹੋਣਹਾਰ ਅਦਾਕਾਰ ਦੇ ਹੁਣ ਤੱਕ ਦੇ ਕਰੀਅਰ ਵੱਲ ਨਜ਼ਰਸਾਨੀ ਕੀਤੀ ਜਾਵੇ ਤਾਂ ਛੋਟੇ ਪਰਦੇ ਦੇ ਨਾਲ ਨਾਲ ਸਿਨੇਮਾ ਖੇਤਰ ਵਿੱਚ ਉਨਾਂ ਦੀ ਪ੍ਰਜੈਂਸ ਕਮਾਲ ਦੀ ਰਹੀ ਹੈ, ਜਿਸ ਦਾ ਅਹਿਸਾਸ ਉਨਾਂ ਦੀਆਂ ਰਿਲੀਜ਼ ਹੋਈਆਂ ਕਈ ਹਿੰਦੀ ਅਤੇ ਪੰਜਾਬੀ ਫਿਲਮਾਂ ਭਲੀਭਾਂਤ ਕਰ ਚੁੱਕੀਆਂ ਹਨ, ਜਿੰਨਾਂ ਵਿੱਚ 'ਯੋਧਾ', 'ਸਾਡਾ ਹੱਕ', 'ਦਿ ਗ੍ਰੇਟ ਸਰਦਾਰ', 'ਇੱਕ ਲੜਕੀ ਕੋ ਦੇਖਾ ਤੋਂ ਐਸਾ ਲਗਾ', 'ਤੁਮ ਜਿਓ ਹਜਾਰੋ ਸਾਲ' ਸ਼ੁਮਾਰ ਰਹੀਆਂ ਹਨ।
ਇੰਨਾਂ ਤੋਂ ਇਲਾਵਾ ਨੈੱਟਫਲਿਕਸ 'ਤੇ ਰਿਲੀਜ਼ ਹੋਣ ਜਾ ਰਹੀ ਹਿੰਦੀ ਫਿਲਮ ਚਮਕੀਲਾ ਵਿੱਚ ਵੀ ਕਾਫ਼ੀ ਅਹਿਮ ਕਿਰਦਾਰ ਦੁਆਰਾ ਦਰਸ਼ਕਾਂ ਦੇ ਸਨਮੁੱਖ ਹੋਣਗੇ, ਜਿੰਨਾਂ ਅਨੁਸਾਰ ਦਿਲਜੀਤ ਦੁਸਾਂਝ ਅਤੇ ਪਰਿਣੀਤੀ ਚੋਪੜਾ ਸਟਾਰਰ ਨਿਰਦੇਸ਼ਕ ਇਮਤਿਆਜ਼ ਅਲੀ ਦੀ ਇਸ ਬਹੁ-ਚਰਚਿਤ ਫਿਲਮ ਨਾਲ ਜੁੜਨਾ ਵੀ ਉਨਾਂ ਲਈ ਬੇਹੱਦ ਚੁਣੌਤੀਪੂਰਨ ਅਤੇ ਯਾਦਗਾਰੀ ਅਨੁਭਵ ਰਿਹਾ ਹੈ।
