ਮੁੰਬਈ: ਕਾਰੋਬਾਰੀ ਹਫਤੇ ਦੇ ਚੌਥੇ ਦਿਨ ਸ਼ੇਅਰ ਬਾਜ਼ਾਰ ਲਾਲ ਨਿਸ਼ਾਨ 'ਤੇ ਖੁੱਲ੍ਹਿਆ ਹੈ। ਬੀਐੱਸਈ 'ਤੇ ਸੈਂਸੈਕਸ 28 ਅੰਕਾਂ ਦੀ ਗਿਰਾਵਟ ਨਾਲ 72,276 'ਤੇ ਖੁੱਲ੍ਹਿਆ। ਇਸ ਦੇ ਨਾਲ ਹੀ NSE 'ਤੇ ਨਿਫਟੀ 0.11 ਫੀਸਦੀ ਦੀ ਗਿਰਾਵਟ ਨਾਲ 21,927 'ਤੇ ਖੁੱਲ੍ਹਿਆ। ਅੱਜ ਦੇ ਵਪਾਰ ਦੌਰਾਨ RIL, ਸ਼੍ਰੀਰਾਮ ਫਾਈਨਾਂਸ, ਕੋਲ ਇੰਡੀਆ ਫੋਕਸ ਵਿੱਚ ਰਹਿਣਗੇ। ਜਿਵੇਂ ਹੀ ਬਾਜ਼ਾਰ ਖੁੱਲ੍ਹਿਆ, ਰਿਲਾਇੰਸ ਇੰਡਸਟਰੀਜ਼, ਕੋਲ ਇੰਡੀਆ, ਜੇਐਸਡਬਲਯੂ ਸਟੀਲ, ਇੰਡਸਇੰਡ ਬੈਂਕ ਅਤੇ ਭਾਰਤੀ ਏਅਰਟੈੱਲ ਨਿਫਟੀ 'ਤੇ ਵਾਧੇ ਦੇ ਨਾਲ ਕਾਰੋਬਾਰ ਕਰ ਰਹੇ ਸਨ, ਜਦੋਂ ਕਿ ਬਜਾਜ ਆਟੋ, ਟਾਟਾ ਕੰਜ਼ਿਊਮਰ, ਟੀਸੀਐਸ, ਇਨਫੋਸਿਸ ਅਤੇ ਬ੍ਰਿਟੇਨਿਆ ਇੰਡਸਟਰੀਜ਼ ਡਿੱਗ ਰਹੇ ਸਨ। ਭਾਰਤੀ ਰੁਪਿਆ 82.93 ਦੇ ਪਿਛਲੇ ਬੰਦ ਪੱਧਰ ਦੇ ਮੁਕਾਬਲੇ 82.88 ਪ੍ਰਤੀ ਡਾਲਰ 'ਤੇ ਖੁੱਲ੍ਹਿਆ।
ਬੁੱਧਵਾਰ ਦਾ ਕਾਰੋਬਾਰ: ਕਾਰੋਬਾਰੀ ਹਫਤੇ ਦੇ ਤੀਜੇ ਦਿਨ ਸ਼ੇਅਰ ਬਾਜ਼ਾਰ ਭਾਰੀ ਗਿਰਾਵਟ ਦੇ ਨਾਲ ਬੰਦ ਹੋਇਆ। ਬੀਐੱਸਈ 'ਤੇ ਸੈਂਸੈਕਸ 827 ਅੰਕਾਂ ਦੀ ਗਿਰਾਵਟ ਨਾਲ 72,268 'ਤੇ ਬੰਦ ਹੋਇਆ। ਇਸ ਦੇ ਨਾਲ ਹੀ NSE 'ਤੇ ਨਿਫਟੀ 1.24 ਫੀਸਦੀ ਦੀ ਗਿਰਾਵਟ ਨਾਲ 21,922 'ਤੇ ਬੰਦ ਹੋਇਆ। ਅੱਜ ਦੇ ਕਾਰੋਬਾਰ ਦੌਰਾਨ ਕਰੀਬ 698 ਸ਼ੇਅਰ ਵਧੇ, 2593 ਸ਼ੇਅਰ ਡਿੱਗੇ ਅਤੇ 53 ਸ਼ੇਅਰ ਬਿਨਾਂ ਬਦਲਾਅ ਦੇ ਰਹੇ। ਐਚਯੂਐਲ, ਇਨਫੋਸਿਸ, ਟੀਸੀਐਸ, ਭਾਰਤੀ ਏਅਰਟੈੱਲ ਵਪਾਰ ਦੌਰਾਨ ਚੋਟੀ ਦੀ ਸੂਚੀ ਵਿੱਚ ਰਹੇ। ਉੱਥੇ, ਪਾਵਰ ਗਰਿੱਡ, ਅਪੋਲੋ ਹਸਪਤਾਲ. ਆਈਸ਼ਰ ਮੋਟਰਸ, ਮਾਰੂਤੀ ਸੁਜ਼ੂਕੀ ਘਾਟੇ ਨਾਲ ਕਾਰੋਬਾਰ ਕਰਦੇ ਹੋਏ।
ਬੀਐਸਈ ਦੇ ਮਿਡਕੈਪ ਅਤੇ ਸਮਾਲਕੈਪ ਸੂਚਕਾਂਕ 2 ਫੀਸਦੀ ਡਿੱਗ ਕੇ ਬੰਦ ਹੋਏ ਹਨ। ਸਾਰੇ ਸੈਕਟਰਲ ਸੂਚਕਾਂਕ ਲਾਲ ਨਿਸ਼ਾਨ 'ਤੇ ਕਾਰੋਬਾਰ ਕਰਦੇ ਹੋਏ ਬੰਦ ਹੋਏ। ਮੀਡੀਆ ਅਤੇ ਰੀਅਲਟੀ ਇੰਡੈਕਸ 'ਚ 2 ਫੀਸਦੀ ਦੀ ਗਿਰਾਵਟ ਦਰਜ ਕੀਤੀ ਗਈ ਹੈ।
ਸਾਰੇ ਸੈਕਟਰ ਡਿੱਗ ਗਏ: ਬੈਂਕ ਨਿਫਟੀ 1.34%, ਆਟੋ 2% ਡਿੱਗਿਆ। ਰਿਐਲਟੀ 2.11% ਡਿੱਗੀ, PSU ਬੈਂਕ 2.30% ਡਿੱਗਿਆ। ਤੇਲ ਅਤੇ ਗੈਸ ਦੇ ਸ਼ੇਅਰ 2.08% ਡਿੱਗ ਗਏ।
ਸਮੁੱਚੇ ਤੌਰ 'ਤੇ ਕਾਰੋਬਾਰ ਕਿਵੇਂ ਰਿਹਾ?: ਬੰਬਈ ਸਟਾਕ ਐਕਸਚੇਂਜ (ਬੀਐਸਈ) ਵਿੱਚ 881 ਸ਼ੇਅਰ ਵਧੇ ਅਤੇ 2,963 ਸ਼ੇਅਰ ਡਿੱਗੇ। 77 ਸ਼ੇਅਰਾਂ 'ਚ ਕੋਈ ਬਦਲਾਅ ਨਹੀਂ ਹੋਇਆ।
