ହୁ ହୁ ହୋଇ ବଢୁଛି ଆଳୁ ପିଆଜ ଦର, ଚିନ୍ତାରେ ଖାଉଟି

ବ୍ରହ୍ମପୁର: ଦକ୍ଷିଣ ଓଡିଶାର ପ୍ରମୁଖ ବ୍ୟବସାୟୀକ ସ୍ଥଳ କୁହାଯାଉଥିବା ବ୍ରହ୍ମପୁର ସହରରେ ହୁ ହୁ ହୋଇ ବଢୁଛି ଆଳୁ ଓ ପିଆଜ ଦର । ପିଆଜ ଦର କିଲୋ ପ୍ରତି ୭୦ ରୁ ୮୦ ଟଙ୍କାରେ ପହଞ୍ଚିଥିବା ବେଳେ ଆଳୁ ଦର କିଲୋଗ୍ରାମ୍ ପ୍ରତି ରହିଛି ୩୫ ରୁ ୪୦ ଟଙ୍କା । ମୁଖ୍ୟତଃ ଅନେକ ପରିବାରରେ ଆଳୁ ବିନା ତରକାରୀ ହେଉଥିବା ବେଳେ ଗରିବ ପରିବାରର ସାହା ଭରସା ରହିଥିବା ପିଆଜ ଦର ବୃଦ୍ଧି ସାଧାରଣ ଖାଉଟିଙ୍କୁ ଚିନ୍ତାରେ ପକାଇଛି । ଯାହାକୁ ନେଇ କୁହାଯାଉଛି ପିଆଜ କାଟିବା ବେଳେ ନୁହେଁ ବରଂ କିଣିବା ବେଳେ ଆଖିରୁ ଲୁହ ବାହାରୁଛି ।