ବାଲିଯାତ୍ରାରେ ବାଲୁକା କଳା, ବୋଇତରେ ଲାଗିଛି ୨୫ ହଜାର ଦୀପ

କଟକ: ଆଜିଠାରୁ ଆରମ୍ଭ ହୋଇଛି କଟର ବହୁ ପ୍ରସିଦ୍ଧ ବାଲିଯାତ୍ରା । ଏହି ଅବସରରେ ସୁନ୍ଦର ବାଲୁକା କଳା କରିଛନ୍ତି ଅନ୍ତର୍ଜାତୀୟ ବାଲୁକା ଶିଳ୍ପୀ ସୁଦର୍ଶନ ପଟ୍ଟନାୟକ । ଏହି ବାଲୁକା କଳା ପାଇଁ ୧୦୦ ଟନ୍‌ ବାଲି ଲାଗିଛି । ବାଲୁକା କଳାରେ ରହିଥିବା ବୋଇତରେ ଲାଗିଛି 25 ହଜାରରୁ ଊର୍ଦ୍ଧ୍ବ ଦୀପ । ଯାହା ଓଡ଼ିଆ ପରମ୍ପରାକୁ ଆହୁରି ସୁଦୂର ପ୍ରସାର କରିବ । ଏହି ବାଲୁକା କଳାର ଲମ୍ବ ରହିଛି 68 ଫୁଟ । ପୋଲିସ ଡିଜି ସୁନୀଲ ବଂଶଲ ଏହି ବାଲୁକା କଳାର ଶୁଭାରମ୍ଭ କରିଛନ୍ତି । ଦୁଇ ବର୍ଷର ଅନ୍ତରାଳ ପରେ ବାଲିଯାତ୍ରା ପୁନଃ ଆରମ୍ଭ ହୋଇଛି । ଏଣୁ ବାଲିଯାତ୍ରା ଦେଖିବା ନିମନ୍ତେ ଆସିବାକୁ ଲୋକଙ୍କୁ ଅପିଲ୍‌ କରିଛନ୍ତି ପୋଲିସ ଡିଜି । ଇଟିଭ ଭାରତ, କଟକ