ହାଇଦ୍ରାବାଦ: ସାଙ୍ଗମାନଙ୍କ ସହିତ ସଂଯୁକ୍ତ ରହିବାକୁ, ନିଜର ଭାବନା ଏବଂ ଚିନ୍ତାଧାରା ବାଣ୍ଟିବାକୁ, ବାହ୍ୟ ଜଗତ ସହିତ ଅପଡେଟ୍ ରହିବାକୁ, ସମସ୍ତେ କିଛି କିମ୍ବା ଅନ୍ୟ ସୋସିଆଲ୍ ମିଡିଆ ପ୍ଲାଟଫର୍ମ ସହିତ ସଂଯୁକ୍ତ ରହିଥାଆନ୍ତି । ଏହି ସୋସିଆଲ ମିଡିଆ ଜମାନା ପୁରୁଣା ବନ୍ଧୁଙ୍କୁ ଏକାଠି କରି ରଖିବାରେ ସାହାଯ୍ୟ କରିଥାଏ କିନ୍ତୁ ଏହା ମାନସିକ ସ୍ବାସ୍ଥ୍ୟ ଉପରେ ବିଶେଷ ପ୍ରଭାବ ପକାଇପାରେ ବୋଲି ବିଶେଷଜ୍ଞମାନେ ମତ ଦେଇଥାଆନ୍ତି । ଏକାଧିକ ଅଧ୍ୟୟନରେ ଏହା ପ୍ରକାଶିତ ହୋଇଛି । ସୋସିଆଲ ମିଡିଆର ଅତ୍ୟଧିକ ବ୍ୟବହାର ଉଦାସୀନତା, ଚିନ୍ତା, ଆତ୍ମ-କ୍ଷତି ଏବଂ ଆତ୍ମହତ୍ୟା ଚିନ୍ତାଧାରା ସହିତ ଜଡିତ ବୋଲି ନିକଟରେ ହୋଇଥିବା ଏକ ଅଧ୍ୟୟନରୁ ଜଣାପଡିଛି ।
ଅନୁସନ୍ଧାନକାରୀମାନେ ସୂଚାଇ ଦେଇଛନ୍ତି ଯେ, ସୋସିଆଲ ମିଡିଆ ନକରାତ୍ମକ ଅଭିଜ୍ଞତାକୁ ପ୍ରୋତ୍ସାହିତ କରିପାରିବ । ତେଣୁ ଏହାର ପାର୍ଶ୍ବ ପ୍ରତିକ୍ରିୟା ମାନସିକ ସ୍ବାସ୍ଥ୍ୟ ଉପରେ ପକାଇଥାଏ । ବିଶେଷକରି ଯୁବକମାନେ ଆଜିର ଦିନରେ ଅଧିକ ଦିନର ସମୟ ଅତିବାହିତ କରୁଛନ୍ତି, ଏହା ଅନେକ ପ୍ରକାରର ସମସ୍ୟାର କାରଣ ହୋଇପାରେ ।
ସୋସିଆଲ ମିଡିଆର ଦୁଃପ୍ରଭାବ: ସୋସିଆଲ ମିଡିଆ ମାନସିକ ସ୍ବାସ୍ଥ୍ୟ ଉପରେ କେଉଁ ପ୍ରକାର ପ୍ରଭାବ ପକାଉଛି ତାହା ଜାଣିବା ପାଇଁ ପ୍ୟୁ ରିସର୍ଚ୍ଚ ସେଣ୍ଟର 1,300 ରୁ ଅଧିକ କିଶୋରଙ୍କୁ ସର୍ଭେ କରିଥିଲା । ତେବେ ଅନୁସନ୍ଧାନ ସମୟରେ ଜଣାପଡିଥିଲା ଯେ 35 ପ୍ରତିଶତରୁ ଅଧିକ ଲୋକ ଶ୍ରେଷ୍ଠ ପାଞ୍ଚଟି ସୋସିଆଲ୍ ମିଡିଆ ପ୍ଲାଟଫର୍ମ (ୟୁଟ୍ୟୁବ୍, ଟିକଟକ୍, ଇନଷ୍ଟାଗ୍ରାମ, ସ୍ନାପଚେଟ୍ ଏବଂ ଫେସବୁକ୍) ମଧ୍ୟରୁ ଗୋଟିଏରେ ଅଧିକ ସମୟ ବିତାଉଛନ୍ତି । ଏହି ଯୁବକମାନଙ୍କ ମଧ୍ୟରୁ ଅଧିକାଂଶଙ୍କ ନିକଟରେ ମାନସିକ ସ୍ବାସ୍ଥ୍ୟ ସମସ୍ୟା ଦେଖାଦେଇଥିଲା ।
ମାନସିକ ସ୍ବାସ୍ଥ୍ୟ ଏବଂ ନିଦ ଉପରେ ପ୍ରଭାବ: ଆଇଓଗା ଷ୍ଟେଟ ୟୁନିଭରସିଟିର ଅନୁସନ୍ଧାନକାରୀମାନେ ଅନୁସନ୍ଧାନରେ ଜାଣିବାକୁ ଚେଷ୍ଟା କରିଛନ୍ତି ଯେ ଯଦି ଲୋକଙ୍କ ମଧ୍ୟରେ ସୋସିଆଲ ମିଡିଆର ବ୍ୟବହାର ଦିନକୁ ମାତ୍ର 30 ମିନିଟ କିମ୍ବା ତା’ଠାରୁ କମ୍ ସମୟ ବ୍ୟବାର କରିବେ, ତେବେ ଏହାର ପ୍ରଭାବ କଣ ପଡିପାରେ ? ଅଧ୍ୟୟନର ଦୁଇ ସପ୍ତାହ ମଧ୍ୟରେ ଏହା ଜଣାପଡିଥିଲା ଯେ, ଉକ୍ତ ଛାତ୍ରମାନଙ୍କର ମାନସିକ ସ୍ବାସ୍ଥ୍ୟରେ ଉନ୍ନତି ଆସିବା ସହ ଭଲ ନିଦ ମଧ୍ୟ ହୋଇଥିଲା ।
ଏହା ମଧ୍ୟ ପଢନ୍ତୁ: Benefits of Cycling: ପ୍ରତିଦିନ ସାଇକେଲ ଚଲାଇବା ଦ୍ବାରା ଫିଟ ରହେ ଶରୀର, ମିଳେ ଏହି ଫାଇଦା
କଣ କୁହନ୍ତି ବିଶେଷଜ୍ଞ ? ମନୋବିଜ୍ଞାନର ପ୍ରଫେସର ତଥା ଅଧ୍ୟୟନର ସହ-ଲେଖକ ଡଗଲାସ୍ ଜେନିଟିଲ୍ କହିଛନ୍ତି ଯେ, ସୋସିଆଲ୍ ମିଡିଆରେ ସମୟ ଅତିବାହିତକୁ ସୀମିତ କରିବା ଦ୍ୱାରା ଚିନ୍ତା, ଉଦାସୀନତା ଏବଂ ଚାପ ସମେତ ନକାରାତ୍ମକ ଭାବନା ଯଥେଷ୍ଟ ହ୍ରାସ ପାଇଥାଏ ଏବଂ ଅଧିକ ସକରାତ୍ମକ ଭାବନା ସୃଷ୍ଟି କରିଥିଲା । ସେହିଭଳି ପେନସିଲଭାନିଆ ୟୁନିଭରସିଟିରେ କରାଯାଇଥିବା ଏକ ଅଧ୍ୟୟନରୁ ଜଣାପଡିଛି ଯେ ଏକ ଗୋଷ୍ଠୀ ଯିଏ ସୋସିଆଲ ମିଡିଆର ବ୍ୟବହାରକୁ ହ୍ରାସ କରିଥିଲା, ତିନି ସପ୍ତାହ ମଧ୍ୟରେ ନିସଙ୍ଗତା ଓ ଉଦାସୀନତାର ଭାବନାରେ ଉଲ୍ଲେଖନୀୟ ଉନ୍ନତି ଘଟିଛି । ଏହି ଆଧାରରେ, ଅନୁସନ୍ଧାନକାରୀମାନେ କହିଛନ୍ତି, ଯଦିଓ ସୋସିଆଲ ମିଡିଆର ଭର୍ଚୁଆଲ୍ ଦୁନିଆ ଆମକୁ ଲୋକଙ୍କ ସହ ଯୋଡି ରହିବାକୁ ସାହାଯ୍ୟ କରେ, ବାସ୍ତବରେ ଏହାର ଅନେକ ଗୁରୁତର ଅସୁବିଧା ହୋଇପାରେ।
ଅନୁସନ୍ଧାନରୁ ଜଣାପଡିଛି ଯେ ସୋସିଆଲ ମିଡିଆରେ ସମସ୍ତେ ନିଜ ସମୟ ସୀମିତ କରିବାକୁ ବିଚାର କରିବା ଉଚିତ ବୋଲି ମାନସିକ ରୋଗ ବିଶେଷଜ୍ଞ ଏଲିଜାବେଥ ଅର୍ଟିଜ-ସ୍ବାର୍ଟଜ କହିଛନ୍ତି । ଏହା ଦ୍ବାରା ମଣିଷ ହସାଇଥାଏ ଏବଂ ଆପଣଙ୍କୁ ଅନ୍ୟ ଲୋକଙ୍କ ସହ ସଂଯୁକ୍ତ ଅନୁଭବ କରିଥାଏ, କିନ୍ତୁ ଏହା ମାନସିକ ସ୍ବାସ୍ଥ୍ୟ ଉପରେ ଅଧିକ ପ୍ରଭାବ ପକାଇଥାଏ । ସୋସିଆଲ ମିଡିଆ ନକାରାତ୍ମକ ବିଷୟବସ୍ତୁରେ ପରିପୂର୍ଣ୍ଣ ଯାହା ଆମ ମସ୍ତିଷ୍କର କାର୍ଯ୍ୟକାରିତାକୁ ସିଧାସଳଖ ପ୍ରଭାବିତ କରିଥାଏ ।
ବ୍ୟୁରୋ ରିପୋର୍ଟ, ଇଟିଭି ଭାରତ
