ହାଇଦ୍ରାବାଦ: ବର୍ତ୍ତମାନ ସମୟରେ ଲିଭ୍-ଇନ୍ ରିଲେସନସିପ୍ କାରଣରୁ ଏକାଧିକ ବ୍ୟକ୍ତିଙ୍କ ସହ ଶାରୀରିକ ସମ୍ପର୍କ ସ୍ଥାପନ ବୃଦ୍ଧି ପାଉଛି । ସରଳ ଭାଷାରେ କହିବାକୁ ଗଲେ, ଏହି କାରଣରୁ କମ୍ ବୟସରୁ ଯୌନ ସମ୍ପର୍କ ରଖିବା ଆରମ୍ଭ କରି ଦେଉଛନ୍ତି ଯୁବପିଢି । ହେଲେ ଏହା ଏବେ ମହିଳାଙ୍କ କ୍ଷେତ୍ରରେ ସାଙ୍ଘାତିକ ବିପଦର କାରଣ ପାଲଟୁଛି । ଏହା ମହିଳା ଏବଂ ଯୁବତୀଙ୍କଠାରେ ସର୍ଭାଇକଲ କ୍ୟାନ୍ସର(cervical cancer) ସୃଷ୍ଟି କରୁଛି ।
ସର୍ଭାଇକଲ କର୍କଟ ହେଉଛି ଏକ ପ୍ରକାର ଗର୍ଭାଶୟ କର୍କଟ, ଯାହା ଗର୍ଭାଶୟର ନିମ୍ନଭାଗରେ ହୋଇଥାଏ । ମଲ୍ଟିପଲ୍ ରିଲୋସନସିପ୍ ବା ଏକାଧିକ ପୁରୁଷଙ୍କ ସହ ଯୌନ ସମ୍ପର୍କ ରଖିବା କାରଣରୁ ଏହା ହୋଇଥାଏ । ତେବେ ଏହାକୁ ପ୍ରତିହତ କରିବା ପାଇଁ ଟିକା ମଧ୍ୟ ଉପଲବ୍ଧ ରହିଛି । କେଉଁ ବୟସରେ ଟିକା ନେବା ଉଚିତ୍ ଏବଂ ଏହାର କିପରି ଚିକିତ୍ସା କରାଯାଇ ପାରିବ ଜାଣନ୍ତୁ...
ଏନେଇ ଡକ୍ଟର ନେହା ଶର୍ମା କହିଛନ୍ତି ଯେ, ବର୍ତ୍ତମାନ ବିବାହ ପୂର୍ବରୁ ଝିଅମାନେ ଯୌନ ସମ୍ପର୍କ ରଖିବା ସାଧାରଣ ହୋଇଗଲାଣି । ଏଭଳି ପରିସ୍ଥିତିରେ ସେମାନେ ଅନେକ ଅବହେଳା ଏବଂ ଭୁଲ ମଧ୍ୟ କରନ୍ତି, ଯାହା ତାଙ୍କ ପାଇଁ ଆଜୀବନ ଯନ୍ତ୍ରଣାର କାରଣ ହୋଇଯାଏ । କାରଣ ଅଧିକାଂଶ ଯୁବତୀଙ୍କ କ୍ଷୈତ୍ରରେ ସେମାନେ ଯୌନ ସମ୍ପର୍କ ରଖିଥିବା ପୁରୁଷକୁ ବିବାହ କରିବା ସମ୍ଭବପର ହୋଇନଥାଏ । ଏହାର ଅର୍ଥ ସେମାନେ ପରବର୍ତ୍ତୀ ସମୟରେ ଅନ୍ୟ କାହା ସହ ଶାରୀରିକ ସମ୍ପର୍କରେ ଆସିଥାନ୍ତି, ଯାହାକୁ ଏକରୁ ଅଧିକ ସମ୍ପର୍କ ବା ମଲ୍ଟିପଲ ରିଲେସନସିପ୍ କୁହାଯାଏ ।
ଫଳରେ ଏଚ୍.ଆଇ.ଭି ଏବଂ ସର୍ଭାଇକାଲ୍ କର୍କଟ ହେବାର ଆଶଙ୍କା ବଢିଥାଏ, ଯାହା ବର୍ତ୍ତମାନ ମୟରେ ବୃଦ୍ଧି ପାଇବାରେ ଲାଗିଛି । ଯଦି ଏଥିପ୍ରତି ପ୍ରାରମ୍ଭିକ ପର୍ଯ୍ୟାୟରୁ ଧ୍ୟାନ ଦିଆଯାଏ ତେବେ ନିଶ୍ଚିତ ରୂପେ ଏହାକୁ ରୋକାଯାଇ ପାରିବ ।
ଟିକା ଦ୍ୱାରା ସର୍ଭାଇକାଲ୍ କର୍କକଟକୁ ରୋକି ହେବ:-
ପ୍ରତ୍ୟକ୍ଷ ଭାବରେ ଏକ ଟିକା ଦ୍ବାରା ସର୍ଭାଇକାଲ୍ କର୍କଟକୁ ରୋକାଯାଇପାରିବ ବୋୱଲି ଡକ୍ଟର ନେହା କହିଛନ୍ତି । ସେ କହିଛନ୍ତି ଯେ, ଏହି ରୋଗରୁ ରକ୍ଷା ପାଇବା ପାଇଁ HPV ଟୀକାକରଣ କରାଯାଇଥାଏ । ଯେଉଁଥିରେ 2, 4 ଏବଂ 5 ଷ୍ଟ୍ରେନ୍ ଅଛି । ଏହି ଟିକା ଝିଅମାନଙ୍କୁ ଗର୍ଭାଶୟ କର୍କଟ ରୋଗରୁ ରକ୍ଷା କରିବା ପାଇଁ ଦିଆଯାଏ ।
ସ୍ବଳ୍ପ ଆୟ ଶ୍ରେଣୀର ମହିଳାଙ୍କଠାରେ ଦେଖା ଯାଉଥିଲା:-
ଡକ୍ଟର ଶର୍ମା ଅନୁଯାୟୀ, ପୂର୍ବରୁ ଦେଖାଯାଇଥିଲା ଯେ, ସ୍ୱଳ୍ପ ଆୟ ଏବଂ ନିମ୍ନ ସାମାଜିକ ସ୍ଥିତିରେ ରହୁଥିବା ମହିଳାମାନେ ଏହାର ଶିକାର ହୋଇଥିଲେ । ଚିକିତ୍ସା କ୍ଷେତ୍ରରେ, ଏହାକୁ ଏକ ବୃହତ୍ତ ବିପଦ କାରଣ ବୋଲି କୁହାଯାଏ, କିନ୍ତୁ ବର୍ତ୍ତମାନ ଏହା ସାଧାରଣ ତଥା ସମସ୍ତ ଶ୍ରେଣୀର ମହିଳାମାନଙ୍କଠାରେ ଦେଖାଯାଉଛି । ଏହି ପରିସଂଖ୍ୟାନ ବିଷୟରେ କହିବାକୁ ଗଲେ ବର୍ତ୍ତମାନ ଏହା 7.5 ପ୍ରତିଶତ ମହିଳାଙ୍କଠାରେ ଦେଖାଯାଉଛି ।
ଟୀକାକରଣ 9 ବର୍ଷରୁ ଆରମ୍ଭ ହେବ:-
ଏଥି ସହିତ ମହମାନା ମାଲବୀୟ କର୍କଟ ଅନୁସନ୍ଧାନ କେନ୍ଦ୍ରର ଡକ୍ଟର ରୁଚି ପଠକ କହିଛନ୍ତି, ଏହି ଟୀକାକରଣ ପାଇଁ ଏକ ନିର୍ଦ୍ଦିଷ୍ଟ ବୟସ ସୀମା ଅଛି । ଯେଉଁ ସମୟରେ ଟୀକାକରଣ କରାଯିବା ଉଚିତ୍ । ଫଳରେ ସର୍ଭାଇକଲ କର୍କଟ ଦୂର ହୋଇଥାଏ । ସେ କହିଛନ୍ତି, 9 ବର୍ଷରୁ 14 ବର୍ଷ ବୟସରେ ଝିଅମାନଙ୍କୁ ଏହାର ଦୁଇଟି ଡୋଜ ଟିକା ଦିଆଯାଏ, ଯାହା 6 ମାସର ବ୍ୟବଧାନରେ ପ୍ରୟୋଗ କରାଯାଏ । କିନ୍ତୁ ଯଦି ଏହି ବୟସରେ ଟୀକାକରଣ କରାଯାଇ ନାହିଁ, ତେବେ 15 ରୁ 26 ବର୍ଷ ବୟସରେ ମଧ୍ୟ କରିପାରିବେ । ଏଥିପାଇଁ 3 ଟି ଡୋଜ ଟୀକାର ଆବଶ୍ୟକତା ଥାଏ ।
ସେ କହିଛନ୍ତି ଯେ, 15 ରୁ 26 ବର୍ଷ ବୟସରେ ଟୀକାକରଣ ସମୟରେ ଦୁଇ ପ୍ରକାରର ଟିକା ବ୍ୟବହାର କରାଯାଏ । ଟୀକାକରଣର ଦୁଇଟି ପଦ୍ଧତି ମଧ୍ୟରୁ ଉଭୟକୁ ପରିଚାଳନା କରାଯାଇପାରିବ । ଯଦି ଆମେ ଏହି ଦୁଇଟି ଟିକା ମଧ୍ୟରେ ବ୍ୟବଧାନ ବିଷୟରେ କହିବା, ତେବେ ପ୍ରଥମ ଟିକା 0-1-6 ସୂତ୍ରରେ ଦିଆଯାଏ । ଦ୍ୱିତୀୟ ପ୍ରକାରର ଟିକା 0-2-6 ସୂତ୍ରରେ କାମ କରେ ।
ତାହା ହେଉଛି, ପ୍ରଥମ ଡୋଜ ପରେ ଦ୍ୱିତୀୟ ଡୋଜ୍ 1 ମାସର ବ୍ୟବଧାନରେ ଏବଂ ତୃତୀୟ ଡୋଜ୍ 6 ମାସ ବ୍ୟବଧାନରେ ଦିଆଯାଏ । ଦ୍ୱିତୀୟରେ, ପ୍ରଥମ ଡୋଜର 2 ମାସ ବ୍ୟବଧାନରେ ଏବଂ ପରେ 6 ମାସ ବ୍ୟବଧାନରେ ଦିଆଯାଏ ।
ବିବାହିତ ମହିଳାମାନେ ମଧ୍ୟ ଟୀକାକରଣ କରିପାରିବେ:-
ଡକ୍ଟର ପାଠକ୍ କହିଛନ୍ତି ଯେ, ଯୌନ ସମ୍ପର୍କ ରଖିଥିବା ଏବଂ ରଖିନଥିବା କିଶୋରୀ, ଯୁବତୀ କିମ୍ବା ମହିଳା ଟୀକାକରଣ କରିବାକୁ ଚାହୁଁଛନ୍ତି, ତେବେ ତାଙ୍କୁ ପ୍ରଥମେ ନିଜକୁ ସ୍କ୍ରିନିଂ କରିବାକୁ ପଡିବ । ଯଦି ଏହି ସ୍କ୍ରିନିଂରେ ସେମାନଙ୍କର HPV 16 ଏବଂ 18 ଜୀବାଣୁ ନାହିଁ, ତେବେ ସେମାନେ ଟୀକାକରଣ କରାଇପାରିବେ । କିନ୍ତୁ ଯେଉଁ ମହିଳାମାନଙ୍କରେ HPV 16 ଏବଂ 18 ସଂକ୍ରମଣ ରହିଥାଏ, ସେହି ମହିଳାମାନଙ୍କର ଡାକ୍ତରଙ୍କ ପରାମର୍ଶ ପରେ ଚିକିତ୍ସା କରାଯିବା ଉଚିତ୍ ।
ମହିଳାମାନେ 30 ବର୍ଷ ପରେ ସ୍କ୍ରିନିଂ କରିପାରିବେ:-
ସେ କହିଛନ୍ତି ଯେ, ମହିଳାଙ୍କ ସୁରକ୍ଷାକୁ ଦୃଷ୍ଟିରେ ରଖି ସ୍ୱାସ୍ଥ୍ୟ ବିଭାଗ ପକ୍ଷରୁ 30 ବର୍ଷରୁ ଅଧିକ ମହିଳାଙ୍କ ପାଇଁ ଏକ ଗାଇଡଲାଇନ ଜାରି କରାଯାଇଛି । ଯେଉଁଥିରେ ସମସ୍ତ ମହିଳା 3 ଏବଂ 5 ବର୍ଷର ବ୍ୟବଧାନ ପରେ ସେମାନଙ୍କର ସ୍କ୍ରିନିଂ କରିବା ଉଚିତ୍ । ଏହା ସେମାନଙ୍କର ସଂକ୍ରମଣର ସ୍ଥିତି କ’ଣ ତାହା ସ୍ପଷ୍ଟ କରିବ । ଏପରି ପରିସ୍ଥିତିରେ, ସେ ସଂକ୍ରମିତ ହୋଇଥିଲେ ମଧ୍ୟ ଶୀଘ୍ର ଚିକିତ୍ସା ମାଧ୍ୟମରେ ଏହାର ସମାଧାନ ହୋଇପାରିବ ବୋଲି ଡାକ୍ତର ପାଠକ କହିଛନ୍ତି ।
