ସମ୍ବଲପୁର: ସୀମା ଟପିଲା ବର୍ବରତା । ୮ ବର୍ଷୀୟ ନାବାଳିକାକୁ ଗୋଡାଇ ଗୋଡାଇ ହତ୍ୟା । ଏଭଳି ଏକ ଅଭାବନୀୟ ଘଟଣା ଦେଖିବାକୁ ମିଳିଛି ସମ୍ବଲପୁର ଜିଲ୍ଲା ଜମନକିରା ଥାନା କସଡ଼ା ଠାରେ । ଜଣେ ୮ ବର୍ଷୀୟ ନାବାଳିକାକୁ ଗୋଡାଇ ଗୋଡାଇ ନିର୍ମମ ଭାବେ ହତ୍ୟା କରିବା ପରେ ଉକ୍ତ ମୁଣ୍ଡକୁ ଧରି ଗାଁରେ ବୁଲୁଥିବା ଘଟଣା ଏବେ ସାମ୍ନାକୁ ଆସିଛି ।
ସୂଚନାଅନୁସାରେ, ଶୌଚ ହେବାକୁ ଯାଇଥିବା ସମୟରେ କସଡ଼ା ଗ୍ରାମର ପ୍ରଶାନ୍ତ ବଗାର ନାମକ ଜଣେ ଯୁବକ ସେହି ଗ୍ରାମର ଜଣେ ୮ ବର୍ଷୀୟ ନାବାଳିକାକୁ ଗୋଡାଇ ଗୋଡାଇ ହତ୍ୟା କରିଛି । ତେବେ ଗ୍ରାମବାସୀ ହତ୍ୟାକାରୀକୁ ଧରିବା ସହ ନିସ୍ତୁକ ମାଡ ମାରିଛନ୍ତି । ତେବେ ହତ୍ୟାର କାରଣ ଅସ୍ପଷ୍ଟ ଥିବାବେଳେ ଘଟଣାସ୍ଥଳରେ ଉତ୍ତେଜନା ଲାଗି ରହିଛି ।
ଖବର ପାଇ ଜମନକିରା ପୋଲିସ ଘଟଣାସ୍ଥଳରେ ପହଞ୍ଚି ହତ୍ୟାକାରୀକୁ ଅଟକ ରଖିବା ସହ ତଦନ୍ତ ଆରମ୍ଭ କରିଛି । କାହିଁକି ନାବାଳିକା ଜଣଙ୍କୁ ଅଭିଯୁକ୍ତ ଜଣଙ୍କ ଏପରି ଗୋଡାଇ ଗୋଡାଇ ହତ୍ୟା କଲା, ସେନେଇ କିଛି ସୂଚନା ମିଳିପାରି ନାହିଁ । ପୋଲିସର ତଦନ୍ତ ପରେ ତଥ୍ୟା ସାମ୍ନାକୁ ଆସିବ ।
ସମ୍ବଲପୁରରୁ ବାଦଶାହା ଜୁସ୍ମନ ରଣା, ଇଟିଭି ଭାରତ
