ଟୋକନ ବ୍ୟବସ୍ଥାକୁ ବିରୋଧ: ମୁମ୍ବାଇ-କୋଲକାତା ରାଜରାସ୍ତା ଅବରୋଧ

ପୁଣି ଚାଷୀ ଆନ୍ଦୋଳନ । ସମ୍ବଲପୁର ବରେଇପାଲି ଛକ ନିକଟରେ ରାଜରାସ୍ତା ଅବରୋଧ କରିଛନ୍ତି ଶହଶହ ଚାଷୀ ।

ସମ୍ବଲପୁର: ପୁଣି ଆନ୍ଦୋଳନରେ ଚାଷୀ । ମୁଖ୍ୟତଃ ଟୋକନ ବ୍ୟବସ୍ଥାରେ ଧାନ ସଂଗ୍ରହ ପ୍ରକ୍ରିୟାରେ ବହୁ ଅସୁବିଧା ହେଉଥିବା ଅଭିଯୋଗ କରି ଆଜି(ମଙ୍ଗଳବାର) ସମ୍ବଲପୁରର ଚାଷୀ ଏହାର ଉଚ୍ଛେଦ ଦାବି କରି ରାଜରାସ୍ତାକୁ ଓହ୍ଲାଇଛନ୍ତି । ଦିନ 11 ଟାରୁ ସମ୍ବଲପୁର ବାରେଇପାଲି ଛକ ଠାରେ ମୁମ୍ବାଇ କୋଲକାତା ରାଜରାସ୍ତାକୁ ଅବରୋଧ କରିଛନ୍ତି ।

ସମ୍ବଲପୁର ବାରେଇପାଲି ଛକ ନିକଟରେ ରାଜରାସ୍ତା ଅବରୋଧ କଲେ ଚାଷୀ । ଟୋକନ ବ୍ୟବସ୍ଥାକୁ ବିରୋଧ କରି ସୋମବାର ସିଏସଓ ଅଫିସ ଘେରିଥିବାବେଳେ ରାଜରାସ୍ତା ଅବରୋଧ କରିଛନ୍ତି ଚାଷୀ । ଦାବି ପୂରଣ ନହେବା ପର୍ଯ୍ୟନ୍ତ ଆନ୍ଦୋଳନରୁ ଓହରିବେ ନାହିଁ ବୋଲି ଚାଷୀ କହିଛନ୍ତି ।

ସମ୍ବଲପୁରରୁ ବାଦଶାହା ଜୁସ୍ମନ ରଣା, ଇଟିଭି ଭାରତ