ପୁରୀ: ବିଶାଳ ଓ ଭବ୍ୟ ଭାବେ ଆୟୋଜିତ ହୋଇଯାଇଛି ଶ୍ରୀମନ୍ଦିର ପରିକ୍ରମା ପ୍ରକଳ୍ପର ଲୋକାର୍ପଣ ଉତ୍ସବ । ଶ୍ରୀମନ୍ଦିର ପରିକ୍ରମା ମାର୍ଗ ଲୋକାର୍ପଣ ପରେ ପରିକ୍ରମା ମାର୍ଗ ଦେଖିବାକୁ ରାଜ୍ୟର ପ୍ରତି ନିର୍ବାଚନ ମଣ୍ଡଳୀ ରୁ ଭକ୍ତ ମାନେ ଆସିବେ ଶ୍ରୀମନ୍ଦିର । ଏଥିପାଇଁ ଯେଭଳି କୌଣସି ଅସୁବିଧା ସୃଷ୍ଟି ନ ହୁଏ ସେ ନେଇ ବିଶେଷ ଦୃଷ୍ଟି ଦେଇଛି ପୁରୀ ପୋଲିସ । ଭକ୍ତ ମାନେ ବଡଦାଣ୍ଡ ପଟେ ଆସିଲେ ବଡଦାଣ୍ଡରେ ହୋଇଥିବା ଏସି ସେଡ ଦେଇ ପ୍ରଵେଶ କରିବେ । ଶ୍ରୀମାର୍ଗ ଦେଇ ଆସୁଥିବା ଭକ୍ତ ମଧ୍ୟ ପ୍ରଵେଶ ପାଇଁ ସ୍ଵତନ୍ତ୍ର ବ୍ୟବସ୍ଥା ହୋଇଛି । ଲୋକଙ୍କ ଯାତାୟତ ପାଇଁ ସ୍ଵତନ୍ତ୍ର କରିଡ଼ର କରଯାଇଛି । ଫଳରେ ଟ୍ରାଫିକ ସମସ୍ୟା ସୃଷ୍ଟି ହେବନାହିଁ ।
ଭକ୍ତ ମାନଙ୍କ ଶ୍ରୀମନ୍ଦିର ଚାରିପାଖ ରେ ଭଲରେ ପରିକ୍ରମା ପାଇଁ ସବୁ ବ୍ୟବସ୍ଥା ହୋଇଛି । ତେବେ ଭକ୍ତଙ୍କ ସୁରକ୍ଷା, ଶୃଙ୍ଖଳିତ ଦର୍ଶନ ବ୍ୟବସ୍ଥା, ଟ୍ରାଫିକ ସୁପରିଚାଳନା ପାଇଁ 26 ପ୍ଲାଟୁନ ପୋଲିସ ଫୋର୍ସ ମୁତୟନ କରାଯାଇଛି । ଶ୍ରୀମନ୍ଦିର ସମେତ ଜଗନ୍ନାଥ ବଲ୍ଲଭ ତୀର୍ଥ ଯାତ୍ରୀ କେନ୍ଦ୍ର ସହିତ ପୁରୀ ସହରର ବିଭିନ୍ନ ଗୁରୁତ୍ବପୂର୍ଣ ସ୍ଥାନରେ ଏହି ପୋଲିସ୍ ଫୋର୍ସ ମୁତୟନ ରହିବେ । ସୁରକ୍ଷାକୁ ଅଧିକ କଡ଼ାକଡ଼ି ପାଇଁ ସିସିଟିଭି ବିଭିନ୍ନ ସ୍ଥାନରେ ଲାଗିଛି । ଏକ କଣ୍ଟ୍ରୋଲ ରୁମ୍ ମାଧ୍ୟମ ରେ ସୁରକ୍ଷା ବ୍ୟବସ୍ଥା ଉପରେ ନଜର ରଖାଯାଇଛି ।
ଏହା ମଧ୍ୟ ପଢନ୍ତୁ.... ଶ୍ରୀକ୍ଷେତ୍ରକୁ ଗଡ଼ିଲା ଜଗନ୍ନାଥ ଏକ୍ସପ୍ରେସ ବସ୍, ମହିଳାଙ୍କ ପାଇଁ ୫୦% ରିହାତି
ତେବେ ଶ୍ରୀମନ୍ଦିର ଚାରିଦ୍ଵାର ଭକ୍ତଙ୍କ ପାଇଁ ଖୋଲିଛି କି ପ୍ରଶ୍ନ ଉତ୍ତରରେ ପୁରୀ ଏସପି କନୱାର ବିଶାଲ ସିଂହ କହିଛନ୍ତି ଯେ ଏହାର ନିଷ୍ପତ୍ତି ସରକାର ନେବେ । ଏଥିରେ ପୋଲିସର କୌଣସି ଭୂମିକା ନାହିଁ । ସରକାରଙ୍କ ଯାହା ନିର୍ଦ୍ଦେଶ ରହିଛି ପୋଲିସ୍ ପକ୍ଷରୁ ତାହା ପାଳନ କରାଯାଉଛି । ଭକ୍ତ ମାନଙ୍କ ସହାୟତା ପାଇଁ ସ୍ବେଚ୍ଛାସେବୀ ମାନଙ୍କୁ ନିୟୋଜିତ କରାଯାଇଛି । ତେବେ ଆସନ୍ତା 22 ତାରିଖରୁ ଓଡ଼ିଶାର ପ୍ରତ୍ୟେକ ନିର୍ବାଚନ ମଣ୍ଡଳୀରୁ ଲୋକଙ୍କୁ ଶ୍ରୀ ମନ୍ଦିର ପରିକ୍ରମା କରିବା ପାଇଁ ସ୍ବତନ୍ତ୍ର ବସରେ ଆଣିବାକୁ ସରକାରଙ୍କ ଯୋଜନା ରହିଛି । ଏଣୁ ଲୋକଙ୍କ ସମାଗମକୁ ଦୃଷ୍ଟି ରେ ରଖାଯାଇ ପୁରୀ ପୋଲିସ୍ ପକ୍ଷରୁ ସୁରକ୍ଷା ବ୍ୟବସ୍ଥା କୁ କଡ଼ାକଡ଼ି କରାଯାଇଥିବା ପୁରୀ ଏସପି ସୂଚନା ଦେଇଛନ୍ତି ।
ଇଟିଭି ଭାରତ, ପୁରୀ