ନୟାଗଡ଼: ଶ୍ମଶାନରୁ ବୃଦ୍ଧାଙ୍କ ମୃତଦେହକୁ ଉଠେଇନେଲା ପ୍ରଶାସନ । ଏଭଳି ଏକ ଘଟଣା ଘଟିଛି ନୟାଗଡ଼ ଜିଲ୍ଲାରେ । ଗଣିଆ ବ୍ଲକ ଅନ୍ତର୍ଗତ କାଦୁଆ ଗ୍ରାମର ସୁବର୍ଣ୍ଣ ବସ୍ତି ଗୁରୁବାର କୋରୋନାରେ ମୃତ୍ୟୁ ବରଣ କରିଥିଲେ । ତେବେ ପରିବାରର 5 ଜଣ ସଦସ୍ୟ କରୋନା ଆକ୍ରାନ୍ତ ଥିବାରୁ ସମସ୍ତେ ଗୃହ ସଙ୍ଗରୋଧରେ ଥାଇ ମଧ୍ୟ ପ୍ରଶାସନକୁ ନଜଣାଇ ଗାଁ ଶ୍ମଶାନରେ ସତ୍କାର ପାଇଁ ଉଦ୍ୟମ ଚଳାଇଥିଲେ ।
ତେବେ ବୃଦ୍ଧାଙ୍କୁ ମୁଖାଗ୍ନି ଦେବା ପୂର୍ବରୁ ଗଣିଆ ବ୍ଲକ ପ୍ରଶାସନ ପହଞ୍ଚି ମୃତଦେହକୁ ଜବତ କରିଥିଲା । ଅତିରିକ୍ତ ତହସିଲଦାର ବନମାଳୀ ପରିଡା ତତ୍ବାବଧାନରେ ବୃଦ୍ଧାଙ୍କ ମୃତଦେହକୁ ଆମ୍ବୁଲାନ୍ସରେ ଯୋଗେ ନୟାଗଡ଼କୁ ସ୍ଥାନାନ୍ତରିତ କରିଥିଲେ ।
ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ