ନୟାଗଡ଼: ଜଳିଗଲା ଦୁର୍ଘଟଣା ଘଟାଇଥିବା ମାରୁତି କାର l ଫଳରେ 4 ଜଣ ଗୁରୁତର ଆହତ ହୋଇଛନ୍ତି l ଜିଲ୍ଲାର ଫତେଗଡ ଥାନା ମାଣିବନ୍ଧ ଗାଁ ରେ ଘଟିଛି ଏହି ଦୁର୍ଘଟଣା । ଖଣ୍ଡପଡା ଠାରୁ କଳାପଥର ଅଭିମୁଖେ ପଲ୍ୟୁସନ ଟେଷ୍ଟିଙ୍ଗ ମାରୁତି କାରଟି ଯାଉଥିବାବେଳେ ମାଣିବନ୍ଧ ଠାରେ 2 ଟି ମଟର ସାଇକେଲ ସହ ଧକ୍କା ହୋଇଥିଲା । ଲୋକେ ହୋହାଲା କରିବାରେ ମାରୁତି କାରଟି ସେ ସ୍ଥାନ ଛାଡି ଦ୍ରୁତ ଗତିରେ ପଳାଇଯାଉଥିବାବେଳେ ଏକ ଗଛରେ ପିଟି ହୋଇଯାଇ ଜଳି ଯାଇଥିଲା l
ପଲ୍ୟୁସନ ଟେଷ୍ଟିଙ୍ଗ କାରର ସିରିଜ ଦୁର୍ଘଟଣା, 4 ଗୁରୁତର ଭୁବନେଶ୍ୱର ସ୍ଥାନାନ୍ତର
ଫଳରେ ମାରୁତି ଭିତରେ ଥିବା ଦୁଇ ଲୋକ ଜଳି ଗୁରୁତର ହୋଇପଡିଥିବାବେଳେ ମଟର ସାଇକେଲ ଆରୋହୀଙ୍କୁ ମିଶାଇ ମୋଟ 4ଜଣ ଦୁର୍ଘଟଣାରେ ଗୁରୁତର ହୋଇଥିବା ଖବର ମିଳିଛି । ତେବେ ଗୁରୁତରଙ୍କୁ ଭୁବନେଶ୍ୱର ସ୍ଥାନାନ୍ତର କରାଯାଇଥିବା ସୂଚନା ମିଳିଛି l
ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ
