ନୟାଗଡ:ଯଦୁପୁରର ବହୁଚର୍ଚ୍ଚିତ ନାବାଳିକା ହତ୍ୟା ଘଟଣାରେ ଏସଆଇଟି ଗତକାଲି ଜଣେ ଅଭିଯୁକ୍ତଙ୍କୁ ଗିରଫ କରିଛି । ଆଜି ଅଭିଯୁକ୍ତ ଜଣଙ୍କ କୋର୍ଟ ଚାଲାଣ ହେବ। ସେପଟେ କୋର୍ଟ ଚାଲାଣ ପୂର୍ବରୁ କ୍ରାଇମ୍ ସିନର ରିକ୍ରିଏସନ କରାଯିବା ନେଇ ଚର୍ଚ୍ଚା ହେଉଛି । ଏନେଇ ଏସଆଇଟି ପୁଣି ଥରେ ଯଦୁପୁର ଆସିପାରେ ବୋଲି କୁହାଯାଉଛି।
ସକାଳେ SITର ଦୁଇ ଜଣ ଅଧିକାରୀ ଯଦୁପୁର ଆସି ସ୍ଥିତି ପରଖିଥିବାବେଳେ ଗ୍ରାମରେ ଚାପା ଉତ୍ତେଜନା ଲାଗି ରହିଛି କି ନାହିଁ ବୋଲି ଗ୍ରାମ ସଭାପତିଙ୍କ ଠାରୁ ପଚାରି ବୁଝିଥିଲେ । ତେବେ ପୁଣି ଥରେ SIT ଯଦୁପୁର ଆସିପାରେ ବୋଲି କୁହାଯାଉଛି ।
ଗତକାଲି(ରବିବାର) ଗିରଫ ହୋଇଥିବା ଅଭିଯୁକ୍ତକୁ ଆଜି ନୟାଗଡ ପୋକସୋ କୋର୍ଟରେ ହାଜର କରାଯିବ । ଏହା ପୂର୍ବରୁ ଅଭିଯୁକ୍ତକୁ ଡାକ୍ତରଖାନା ନିଆଯାଇଛି । ସେଠାରେ ତାର ସ୍ବାସ୍ଥ୍ୟ ପରୀକ୍ଷା କରାଯିବ । ତେବେ କୋର୍ଟ ଚାଲାଣ ପୂର୍ବରୁ ଘଟଣାର ଡେମୋ ଦେଖାଇବ ଅଭିଯୁକ୍ତ । ଏନେଇ ପ୍ରସ୍ତୁତି ଆରମ୍ଭ ହେଉଛି । ନାବାଳିକାର ଅସ୍ତି ମିଳିଥିବା ପୋଖରୀକୁ ଶୁଖାଇବାକୁ ଏସଆଇଟି ସ୍ଥାନୀୟ ପୋଲିସକୁ ନିର୍ଦ୍ଦେଶ ଦେଇଥିବା ସୂଚନା ମିଳିଛି ।
ନୟାଗଡରୁ ଜୟେନ୍ଦ୍ର ବେହେରା, ଇଟିଭି ଭାରତ
