ନବରଙ୍ଗପୁର: ଜଙ୍ଗଲ ଜମି ଆଇନ ଉଲ୍ଲଘଂନ ବିରୋଧରେ ଗର୍ଜିଲେ ନବରଙ୍ଗପୁର ଆଦିବାସୀ । ଜିଲ୍ଲାରେ ୨୦୦୬ ଜଙ୍ଗଲ ଆଇନ ଓ ୧୯୯୬ ପେସା ଆଇନକୁ ସଠିକ ଭାବେ କାର୍ଯ୍ୟକାରୀ କରିବା ସହ ନନ୍ଦାହାଣ୍ଡି ତହସିଲଦାର ମିର୍ଗାନଗୁଡ଼ା ଗୋଷ୍ଠୀ ଜଙ୍ଗଲ ନେବା ଓ ବ୍ୟକ୍ତିଗତ ଦଖଲ ବାସଗୃହ ଭାଙ୍ଗିବାକୁ ଦାବି କରିଛନ୍ତି । ଏପରି ୮ ଦଫା ଦାବିରେ ଆଜି ନବରଙ୍ଗପୁରରେ, ଓଡିଶା ଆଦିବାସୀ ଅଧିକାର ମଞ୍ଚର ଜିଲ୍ଲା ଆବାହକ ରାଜେଶ ଜାନିଙ୍କ ନେତୃତ୍ବରେ ନବରଙ୍ଗପୁର ଉପଜିଲ୍ଲାପାଳଙ୍କୁ ଦାବିପତ୍ର ପ୍ରଦାନ କରାଯାଇଛି ।
ଭିଡିଓ ସୌଜନ୍ୟ: ସମ୍ବାଦଦାତା, ନବରଙ୍ଗପୁର
କେନ୍ଦ୍ର ଓ ରାଜ୍ୟ ସରକାରଙ୍କ ଶ୍ରମିକ ମାରଣ ନୀତି, କୃଷକ ଶୋଷଣ ଓ ଆଦିବାସୀ ବିରୋଧୀ ନୀତି ବିରୋଧରେ ସାରା ଦେଶରେ ଆଜି ବିକ୍ଷୋଭ କରାଯାଇଛି । ଯଦି ସମସ୍ତ ଦାବି ପୂରଣ କରାନଯାଏ ଆଗାମୀ ଦିନରେ ଜୋରଦାର ବିରୋଧ କରାଯିବ ବୋଲି ଜଣାଇ ଦିଆଯାଇଛି।
ନବରଙ୍ଗପୁରରୁ ତପନ ବିଷୋୟୀ, ଇଟିଭି ଭାରତ
