ମାଲକାନଗିରି: ଜନବସତି ଅଞ୍ଚଳରେ ବେଫିକର ଭାବେ ଏକ ବଜ୍ରକାପ୍ତା ବୁଲୁଥିବାବେଳେ ଉଦ୍ଧାର କଲା ବନ ବିଭାଗ । ମାଲକାନଗିରି ଜିଲ୍ଲା ମାଥିଲି ବ୍ଲକ ସଦର ଅଞ୍ଚଳରେ ଦେଖିବାକୁ ମିଳିଛି ଏଭଳି ଦୃଶ୍ୟ । ଖବର ପାଇ ମାଥିଲି ବ୍ଲକ ସଦର ବନାଞ୍ଚଳ ଅଧିକାରୀ ଘଟଣାସ୍ଥଳରେ ପହଞ୍ଚି ବଜ୍ରକାପ୍ତାକୁ ଉଦ୍ଧାର କରିଛନ୍ତି ।
ସୂଚନା ଅନୁଯାୟୀ ଗତକାଲି ରାତିରେ ମାଥିଲି ବ୍ଲକ ସଦର ଅଞ୍ଚଳରେ ଏକ ବଜ୍ରକାପ୍ତା ବୁଲୁଥିବା ସ୍ଥାନୀୟ ବାସିନ୍ଦା ବନ ବିଭାଗକୁ ଜଣାଇଥିଲେ । ଖବର ପାଇ ବନାଞ୍ଚଳ ଅଧିକାରୀ ବାସୁଦେବ ନାୟକ ସେଠାରେ ପହଞ୍ଚି ବହୁ ଖୋଜା ଖୋଜି ପରେ ବଜ୍ରକାପ୍ତାଟିକୁ ଉଦ୍ଧାର କରିବାରେ ସଫଳ ହୋଇଛନ୍ତି । ବଜ୍ରକାପ୍ତାର ଓଜନ ପ୍ରାୟ ୫ କେଜି ରହିଥିବାବେଳେ ଅନ୍ତର୍ଜାତୀୟ ସ୍ତରରେ ଏହାର ମୂଲ୍ୟ ୫ ଲକ୍ଷ ହେବ ବୋଲି ଅନୁମାନ କରାଯାଉଛି ।
ମାଲକାନଗିରିରୁ ପଞ୍ଚାନନ ଦାଶ, ଇଟିଭି ଭାରତ
