କୋରାପୁଟ: ମଣିଷ ଜୀବନରେ ଶାରୀରିକ ଓ ମାନସିକ ସ୍ବାସ୍ଥ୍ୟର ପ୍ରଗତି ନିମନ୍ତେ ଆଧ୍ୟାତ୍ମିକ ଚେତନାର ଅଗ୍ରଗତି ପାଇଁ ଯୋଗ ଓ ଯୋଗାସନର ଗୁରୁତ୍ବପୂର୍ଣ୍ଣ ଭୂମିକା ରହିଛି ।
ଦାମନଯୋଡି ପାର୍କରେ ଯୋଗାସନର ସ୍ଥାୟୀ ପ୍ରତିମୂର୍ତ୍ତି
ଭାରତୀୟ ଜୀବନଧାରାର ଏକ ଅଭିନ୍ନ ଅଙ୍ଗ ଭାବେ ଯୋଗାସନ ଲୋକଙ୍କ ମଧ୍ୟରେ ଅଭୂତପୂର୍ବ ଭାବେ ଗ୍ରହଣୀୟ ହୋଇଉଠିଛି । ଏହି ସମୟରେ ଦାମନଯୋଡିସ୍ଥିତ ନାଲକୋ ନଗରୀର ଏକ ପାର୍କରେ କମ୍ପାନୀ ତରଫରୁ ଯୋଗାସନର ଏକ ସ୍ଥାୟୀ ଯୋଗ ମୁଦ୍ରାର ପ୍ରଦର୍ଶନ ସମସ୍ତଙ୍କ ଦୃଷ୍ଟି ଆକର୍ଷଣ କରୁଛି ।
ଅତି ସାଧାରଣ ସ୍ତରର ଯୋଗାସନ ମୁଦ୍ରା ପ୍ରଦର୍ଶନ କରୁଥିବା ପ୍ରତିମୂର୍ତ୍ତି ଗୁଡିକ ଶିଳ୍ପୀଙ୍କ ହାତର ଅପୂର୍ବ ନିଖୁଣ ସ୍ପର୍ଶ ପାଇ ସଚେତନତାର ବାର୍ତ୍ତା ସୃଷ୍ଟି କରିବା ଦିଗରେ ଜୀବନ୍ତ ହୋଇଉଠିଛନ୍ତି । ନାଲକୋ ନଗରୀର ରାସ୍ତାକଡ଼ ଉଦ୍ୟାନରେ ଥିବା ଏହି ସୁନ୍ଦର ପ୍ରଚେଷ୍ଟା ସମସ୍ତଙ୍କ ପାଇଁ ଲାଭପ୍ରଦ ହେବ ଏଥିରେ କୌଣସି ସନ୍ଦେହ ନାହିଁ ।
କୋରାପୁଟରୁ ସି.ଏଚ.ଶାନ୍ତାକାର,ଇଟିଭି ଭାରତ
